ផ្ទីជាឱសថដ៏សំខាន់

ដោយៈ សេង ស៊ីដារ៉ូ

ប្រយោជន៍ផ្នែកឱសថរបស់ផ្ទី គឺគេច្រើនយកផ្ទីបន្លែទៅធ្វើថ្នាំជាងផ្ទីដទៃ ទៀត។ ប្រសិទ្ធភាពសំខាន់របស់ផ្ទី គឺ អាចព្យាបាលការរលាក ព្យាបាល របួស ព្យាបាលចាំងថ្ងៃ មានពងទឹក និងប្រើធ្វើថ្នាំបញ្ចុះទឹកមូត្រ និង បណ្តេញឈាមរដូវ។

ភាគច្រើនគេប្រើឬសរបស់វា ដោយគ្រូពេទ្យបុរាណ ដែលនិយមដកឬស វាយកមកហាលថ្ងៃអោយស្ងួតទុកប្រើ ការនៅពេលណាចាំបាច់។

ក្បួនតម្រាឱសថបុរាណ ដែលគេនិយមប្រើ គឺយកឬសផ្ទីបន្លាមកលាង ទឹកអោយស្អាតបុកបិទលើរបួស ដើម្បីអោយវាឆាប់ចេញខ្ទុះ ឬយកវាទៅ ដុសលាយជាមួយទឹកកំបោកក៏បិទបូសបានដែរ។

ឬសផ្ទីបន្លាក៏គេអាចប្រើព្យាបាលអាការឈឺក និងរលាកបំបង់ក ដោយ​យក​ឬសស្រស់ស្ងោរទឹកផឹក។ឬសផ្ទីក៏មានគុណសម្បត្តិជួយ​បណ្តេញ​ឈាមរដូវ ជួយអោយឈាមរដូវដើរទៀងទាត់ជាធម្មតា។ កាលពីសម័ យមុនស្ត្រីដែលមានបញ្ហារាំងរដូវ គេមិនចាំបាច់ចំណាយប្រាក់ទិញថ្នាំ​ពេទ្យទេ ដោយគ្រាន់តែយកឬសផ្ទីស្ងោរផឹកប៉ុណ្ណោះ។

ក្រៅពីនេះ គេយកផ្ទីទៅស្ងោរលាយអំបិលសំរាប់លាងចាំងថ្ងៃ រមាស់​ដែល​ច្រើន​កើតនៅរដូវក្តៅ។ ឯស្លឹកស្រស់ របស់វា គេអាចយកទៅបុក​លាយជាមួយទឹកឃ្មុំសំរាប់បិទលើដំបៅមានខ្ទុះ ឬដំបៅរ៉ាំរ៉ៃយូរ ដោយប្តូរ​ថ្នាំក្នុង មួយថ្ងៃពីរដង។

ដកស្រង់ចេញពីសៀវភៅសុខភាពៈ បន្លែ ផ្លែឈើ អាហារសំរាប់​សុខភាព រក្សាសិទ្ធិដោយ លោក ស៊ឹង ណាំ ហុង។

https://kronglungvek.com.kh