កសិករក្នុងខេត្តព្រះវិហារ និយមដាំស្រូវពូជនាងអុំ ដែល មានតម្លៃក្នុងទី ផ្សារប្រហាក់ប្រហែលនឹងស្រូវរំដូល

ខេត្តព្រះវិហារ

ដោយៈ សេង ស៊ីដារ៉ូ

ពូជស្រូវនាងអុំ ជាប្រភេទពូជស្រូវធ្ងន់ ដែលអាចដាំបានក្នុងតំបន់ព្រៃភ្នំ ដូចជានៅខេត្តព្រះវិហារ ប្រជាកសិករភាគច្រើននិយមយកពូជស្រូវនេះ សម្រាប់ធ្វើស្រែចម្ការ ដោយសារពូជស្រូវមួយនេះធន់នឹងដីក្នុងខេត្តនេះ​តែម្តង ហើយទទួលបានផលច្រើនជាងពូជស្រូវដទៃទៀត។

អ្នកស្រី លៀម ដាន ជាកសិករធ្វើស្រែចម្ការនេះយូរឆ្នាំមកហើយ ដោយ​ប្រើប្រាស់ពូជនាងអុំទទួលបានផលជាទីគាប់ចិត្ត ក្នុងតំបន់ហ្នឹងកសិករ​យើងក៏មានការប្រើប្រាស់នូវពូជស្រូវរំដួលដែរ ដែលជាពូជស្រូវសម្រាប់​ធ្វើការនាំចេញ។

អ្នកស្រី លៀម ដាន បានបន្តទៀតថា ធ្វើស្រែចម្ការនេះដោយប្រើពូជ​នាង​​អុំមានរយៈពេលវែងបន្តិច ដោយចាប់ផ្តើមព្រោះស្រូវតាម​ចម្ការ​ពីខែមេសារ ហូតដល់ខែវិច្ឆិកា ទើបបានច្រូតកាត់ប្រមូលផល។

ឆ្នាំថ្មីនេះលើផ្ទៃដីចម្ការ២ហិកតា អាចទទួលបានផលប្រមាណជា៥០បេ ដោយក្នុងមួយបេមានទំង់ន់៧០គីឡូក្រាម ដោយឆ្នាំនេះទទួលបានផល​ច្រើនជាងឆ្នាំទៅ។

អ្នកស្រី ដាន បានបន្ថែមទៀតថា ពូជស្រូវនាងអុំនេះ ដាំបាយរសជាតិ​ឈ្ងុយឆ្ងាញ់ណាស់ ហេតុនេះហើយទើបប្រភេទពូជស្រូវនាងអុំមានតម្លៃ​លក់លើទីផ្សារក្នុង១គីឡូក្រាមថ្លៃ១២០០រៀលទៅ១៥០០រៀល ដែលជា​តម្លៃលក់ចេញប្រហាក់ប្រហែលទៅនឹងពូជស្រូវរំដួលផងដែរ។

ដោយឡែកពូស្រូវនាងអុំរើសដីបន្តិច ដោយនៅពេលណាមានទឹក​ជាំ​ច្រើន មិនដូចពូជស្រូវរំដួលទេ វាមិនបានទទួលផលបានច្រើននោះទេ ក៏ដោយសារជាំទឹកច្រើនពេក វាត្រូវការទឹកល្មមទើបអាចទទួល​បាន

ទិន្ន​ផលខ្ពស់៕

https://kronglungvek.com.kh