រណសិរ្សសាមគ្គីសង្រ្គោះជាតិកម្ពុជា បានផ្ដួលរំលំរបបប្រល័យពូជសាសន៍ ប៉ុល ពត ខ្មែរក្រហម និងទទួលបានជ័យជម្នះដ៏ត្រចះត្រចង់នាថ្ងៃ៧ មករា ឆ្នាំ១៩៧៩ ទើបធ្វើឲ្យកម្ពុជាមានភាពរីកចំរើនដូចបច្ចុប្បន្ន

ដោយៈ សេង ស៊ីដារ៉ូ

រណសិរ្សសាមគ្គីអភិវឌ្ឍន៍មាតុភូមិកម្ពុជា ថ្ងៃ២ ធ្នូ ឆ្នាំ១៩៧៨ ជាថ្ងៃបង្កើត​ចលនាមហាជនស្នេហាជាតិ ឈ្មោះថា​“រណសិរ្សសាមគ្គីសង្រ្គោះជាតិ​កម្ពុជា” បន្ទាប់មកបានប្តូរឈ្មោះទៅជា “រណសិរ្សសាមគ្គីអភិវឌ្ឍន៍មាតុ​ភូមិ​កម្ពុជា” នៅតំបន់រំដោះ ភូមិជើងឃ្លូ ឃុំ២ធ្នូ ស្រុកស្នូល ខេត្តក្រចេះ។

បើគ្មានថ្ងៃកំណើតរណសិរ្ស ២ធ្នូ និងជ័យជំនះ ៧មករា ទេនោះ ក៏គ្មាន​អ្វីៗ​ដូចថ្ងៃនេះដែរ «នេះគឺជាសច្ចធម៌ នៃប្រវត្ដិសាស្ដ្រ»។

រណសិរ្សសាមគ្គីអភិវឌ្ឍន៍មាតុភូមិកម្ពុជា ត្រូវបានកើតឡើងដោយកម្លាំង​មហា​សាមគ្គីប្រជាជនទាំងមូល ទាំងក្នុង និងក្រៅប្រទេស ដែលមាន​ស​ម្តេ​ច​អគ្គមហាពញាចក្រី ហេង សំរិន សម្តេចអគ្គមហាធម្មពោធិសាល ជា ស៊ីម សម្តេចអគ្គមហាបតីតេជោ ហ៊ុន សែន និងវីរជនស្នេហា​ជាតិជា​ច្រើ​ន​រូបទៀត ក្នុងការរៀបចំកម្លាំងដើម្បីផ្ដួលរំលំរបបប្រល័យ​ពូជ​សាសន៍ ប៉ុល ពត ខ្មែរក្រហម។

ការអំពាវនាវរបស់រណសិរ្សនេះ ប្រជាជនគ្រប់ទិសទីបានក្រោកឈររួប​រួម​គ្នា​ជាកម្លាំងមហាសាមគ្គីជាតិ និងដោយបានទទួលការជួយឧបត្ថម្ភ​យ៉ាង​ធំធេងពីប្រទេសជាមិត្ត ជិតឆ្ងាយលើសកលលោក បានផ្ដួលរំលំ​របបកម្ពុជាប្រជាធិបតេយ្យ រហូតដល់ទទួលបានជ័យជម្នះដ៏ត្រចះ​ត្រ​ចង់នាថ្ងៃ៧ មករា ឆ្នាំ១៩៧៩។

មហាជ័យជម្នះ ថ្ងៃ៧ មករា ១៩៧៩នេះ បានបពា្ចប់នូវសម័យកាលដ៏ខ្មៅ​ងងឹត​បំផុត ដែលពុំធ្លាប់មានក្នុងប្រវត្ដិសាស្ដ្រកម្ពុជា បានបើកឡើងវិញ​នូវ​​ទំព័រសករាជថ្មី ប្រជាជនកម្ពុជាយើងក៏បានទទួលមកវិញនូវ​សិទ្ធិ​សេរី​ភាពពេញលេញ និងឱកាសដើម្បីស្ដារកសាង និងអភិវឌ្ឍមាតុភូមិរបស់​ខ្លួន​ឡើង​វិញ៕

https://kronglungvek.com.kh