ក្រសួងអភិវឌ្ឍន៍ជនបទ ទទួលជួបភ្ញៀវមូលនិធិអន្ដរជាតិ សម្រាប់អភិវឌ្ឍន៍កសិកម្ម(IFAD)

 ភ្នំពេញៈ

ដោយ៖ កញ្ញា ទេព សុវ៉ាត

 

កលពីឆ្នាំ២០១៨ (IFAD)​ បានឯកភាពសម្រេចបង្កើតគម្រោងថ្មីមួយឈ្មោះថា (សម្បត្តិ)​ជាមួយក្រសួង​​​អភិ​វឌ្ឍន៍ជនបទ ដើម្បីផ្សារភ្ជាប់រវាងប្រជាពលរដ្ឋ រស់នៅទីប្រជុំជន និងប្រជាពលរដ្ឋរស់នៅតំបន់ជនបទដាច់​ស្រយាល។

លោក អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ កាលពីព្រឹកថ្ងៃទី៣០ ខែឧសភា ឆ្នាំ២០១៨ នៅទីស្ដី​ការ​ក្រសួង លោក Nigel Brett នាយកប្រចាំតំបន់អាស៊ី និងប៉ាស៊ីហ្វិក និងប្រធានក្រុមបេសកកម្ម​នៃមូល​​និធិអន្ដរ​ជាតិ​ស​ម្រាប់អភិវឌ្ឍន៍កសិកម្ម ហៅកាត់ថា (IFAD) បានសម្រេចឯកភាពបង្កើតគម្រោងថ្មីមួយ ឈ្មោះថា (សម្បត្តិ) ជាមួយក្រសួងអភិវឌ្ឍន៍ជនបទ ដោយផ្ដោតការយកចិត្តទុកដាក់ទៅលើទីផ្សារកសិកម្ម និងផលិត​ផល​​ជនបទ ដើម្បីលើកកម្ពស់ជីវភាពរស់នៅរបស់ប្រជាពលរដ្ឋ នៅតំបន់ដាច់ស្រយាល ឲ្យដូចប្រជាពលរដ្ឋ​រស់នៅទីប្រជុំជននៃព្រះរាជាណាចក្រកម្ពុជា ។          លោករដ្ឋមន្ត្រី បានបន្តថា នៅចុងឆ្នាំ២០១៨ គម្រោងនឹ​​ង​ចាប់​​​​​​​​​ផ្ដើមសិក្សា និងដាក់បញ្ជូនទៅក្រុមប្រឹក្សាភិបាល នៃមូលនិធិអន្ដរជាតិសម្រាប់អភិវឌ្ឍន៍កសិកម្ម ពិនិត្យ និង​​សម្រេច។

គម្រោងនេះ​ បានយកចិត្តទុកដាក់ទៅលើការស្ដារ និងកសាងហេដ្ឋារចនាសម្ព័ន្ធជនបទ ជាពិសេស គឺផ្លូវជន​បទ​​​ធ្វើអំពីបេតុង ដើម្បីបង្កលក្ខណងាយស្រួលដល់ការដឹកជញ្ជូនផលិតផល ​របស់ប្រជាពលរនៅជនបទ ពី​តំបន់​ដាច់ស្រយាលទៅទីផ្សារ និងទីប្រជុំជនបានទាន់ពេលវេលា ។

លោក អ៊ុក រ៉ាប៊ុន បានសម្ដែងនូវការស្វាគមន៍ និងបានជម្រាបជូនភ្ញៀវអំពីវិស័យសំខាន់ៗ ដែលក្រសួង​អភិវឌ្ឍន៍​​ជនបទបាននឹងកំពុងអនុវត្តន៍ គឺការស្ដារ និងកសាងហេដ្ឋារចនាសម្ព័ន្ធជនបទ  ក្នុងនោះមានការ​កែ​លម្អ​ផ្លូវជនបទ ពីផ្លូវក្រាលក្រួសក្រហម ឲ្យទៅជាផ្លូវក្រាលកៅស៊ូពីរជាន់ប្រភេទ DBST និងផ្លូវបេតុង ដែល​​​​មានភាពធនទៅនឹងការបម្រែបម្រួលអាកាសធាតុ​។

ខណៈនេះ ក្រសួងបានយកចិត្តទុកដាក់ទលើការផ្គត់ផ្គង់ទឹកស្អាត និងអនាម័យជនបទ ធ្វើយ៉ាងណាសម្រេ​ច ឲ្យបានតាមគោលដៅអភិវឌ្ឍសហ្សវត្សរ៍ គឺនៅឆ្នាំ២០២៥ ប្រជាពលរដ្ឋគ្រប់រូបនៅសហគមន៍ជនបទ ត្រូវមាន​សេវាផ្គត់ផ្គង់ទឹកស្អាត និងអនាម័យ ព្រមទាំងរស់នៅក្នុងបរិស្ថាន ដែលមានអនាម័យគ្រប់គ្រាន់​ប្រក​បដោយ​និរន្ដរភាព ស្របពេលដែលក្រសួងសម្រេចអនុវត្តន៍ បានកម្មវិធី ការបញ្ឈប់ការបន្ទោបង់ពាសវាល​ពាស​​​កាល។ ក្រសួងអភិវឌ្ឍន៍​​ជនបទ បានយកចិត្តទុកដាក់ទៅលើការអភិវឌ្ឍធនធានមនុស្ស បណ្ដុះបណ្ដាលវិជ្ជាជីវៈ​​តាម​រយៈការបង្កើតមជ្ឈមណ្ឌលផ្សេងៗ។ក្នុងជំនួបនេះ ភាគីទាំងពីរបានសម្រេចឯកភាពគ្នាថា នឹងខិតខំបន្តកិច្ច​សហប្រតិបត្តិការនេះ តទៅទៀតក្នុងនាមជាដៃគូរដើម្បី ឲ្យគម្រោងថ្មីនេះ​ទទួលបានជោគជ័យស្របតាម​គោ​ល​​​នយោបាយ​​របស់រាជរដ្ឋាភិបាល៕