ទស្សនាវដ្តី International Finance ផ្សព្វផ្សាយថា ក្រុមហ៊ុន Cellcard ឈ្នះពានរង្វាន់ជាអ្នកផ្តល់ប្រព័ន្ធទូរស័ព្ទដ៏ល្អបំផុត កម្ពុជា
ភ្នំពេញ
ដោយ៖ យ៉ែម
សុវត្ថារ៉ូ
 |
ក្រុមហ៊ុន Cellcard បានប្រកាសពីការទទួលបានពានរង្វាន់ជាអ្នកផ្តល់ប្រព័ន្ធទូរស័ព្ទដ៏ល្អបំផុត
ពីទស្សនាវដ្តីInternational Finance។
ក្រុមហ៊ុន Cellcard ទទួលបានរង្វាន់នេះជាលើកទី២
នៅក្នុងខែឧសភានេះ មិនត្រឹមប៉ុណ្ណោះក្រុមហ៊ុនCellcard
បានឈ្នះពានរង្វាន់១៤ ចាប់តាំងពីថ្ងៃដាក់ដំណើរការបច្ចេកវិទ្យា4G ឲ្យប្រើប្រាស់កាលពីខែមករា ឆ្នាំ២០១៧
កន្លងមក។
លោក អៀន វ៉ាត់សុន
(Ian Watson)
នាយកប្រតិបត្តិក្រុមហ៊ុន Cellcard បានមានប្រសាសន៍ថា ពានរង្វាន់នេះនឹងជួយឲ្យក្រុមហ៊ុនCellcard រក្សាតំណែងរបស់ខ្លួនជាអ្នកផ្តល់ប្រព័ន្ធទូរស័ព្ទឈានមុខគេ
និងល្អបំផុតនៅអាស៊ីអាគ្នេយ៍។
លោកអៀន វ៉ាត់សុន (Ian Watson)
បានបន្តទៀតថា យើងផ្តោតសំខាន់លើការយកចិត្តទុកដាក់
ក្នុងការផ្តល់ជូនគុណភាពដល់អតិថិជនរបស់យើង ជាមួយសេវាដែលមានល្បឿនលឿនបំផុត
សេវាគ្របដណ្តប់ធំបំផុត
និងគម្រោងទិន្នន័យទូរស័ព្ទដែលមានតម្លៃសមរម្យ។
សេវាដែលបានទទួលស្គាល់
ពីអង្គការពិភពលោកនេះ បានបង្ហាញឲ្យឃើញថា យុទ្ធសាស្ត្ររបស់ពួកយើងពិតជាមានប្រសិទ្ធិភាពនឹងទទួលបានផ្កាផ្លែ។
ពួកយើងនឹងបន្តផ្តល់ជូនអតិថិជននូវបច្ចេកវិទ្យា 4G ដ៏ល្អបំផុត និងជាមួយគ្នានោះដែរ យើងនឹងបង្កើតហេដ្ឋារចនាសម្ព័ន្ធ និងយុទ្ធសាស្ត្រសម្រាប់បច្ចេកវិទ្យាជំនាន់ក្រោយ 5G។
លោក Watson បានថ្លែងអំណរគុណ ដល់ទស្សនាវដ្តី International Finance សម្រាប់ការទទួលស្គាល់នេះ ព្រមទាំងបញ្ជាក់លើលក្ខខណ្ឌដាក់ពិន្ទុនោះយ៉ាងច្បាស់លាស់
និងយុត្តិធម៌។ ក្រុមការងារ Cellcard ទាំងអស់ពិតជាមានសប្បាយរីរាយខ្លាំងណាស់
ក្នុងការទទួលបានពានរង្វាន់នេះ ហើយនឹងបន្តធ្វើឲ្យព្រះរាជាណាចក្រកម្ពុជា
កាន់តែរីកចម្រើនផ្នែកបច្ចេកវិទ្យានេះបន្ថែមទៀត។
កម្មវិធីប្រគល់ពានរង្វាន់នេះ
នឹងត្រូវបានប្រារព្ធធ្វើឡើងក្នុងទីក្រុងបាងកក នៅថ្ងៃទី៣១ ខែមករា ឆ្នាំ២០២០។
International Finance គឺជាទស្សនាវដ្តីផ្នែកជំនួញដ៏ល្បីមួយ ដែលផ្តោតលើការរីកលូតលាស់នៃធនាគារ ហិរញ្ញវត្ថុ និងឧស្សាកម្មព័ត៌មាន និងការវិភាគនានា
ពីទូទាំងមជ្ឈិមបូព៌ា អាស៊ី និងអ៊ឺរ៉ុប៕
Post a Comment