ការប្រកួត Mobile Legends: Bang Bang នៃក្រុមហ៊ុនCellcard និងឈ្នះរង្វាន់ធំ​ ៦000 ដុល្លារ​អាមេ​រិក និងរង្វាន់ពិសេសៗជាច្រើនទៀត

 ភ្នំពេញៈ

ដោយ៖ ហុង ចំណាប់

 

ក្រុមហ៊ុនCellcard បាននាំយកហ្គេមទូរស័ព្ទដ៏ធំបំផុតនៅក្នុងតំបន់ Mobile Legends Southeast Asia Cup មកកាន់ប្រទេសកម្ពុជា។ ហើយក្រុមចូលរួមលេងទទួលបានរង្វាន់ធំ រហូតដល់ ៦000 ដុល្លារអាមេរិក និង​រង្វាន់​ពីCellcardPlay មានដូចជា Samsung Galaxy S10 + និងរង្វាន់ហ្គេមដូចជា Mobile Legends skin packs, diamonds និងរបស់របរផ្សេងៗទៀតជាច្រើន។

វគ្គជម្រុះរបស់ Mobile Legends Southeast Asia Cup បានប្រារព្ធធ្វើឡើងកាលពីថ្ងៃសៅរ៍ ទី១៨ ខែឧសភា ឆ្នាំ២០១៩ នៅចន្លោះម៉ោង ១០ ព្រឹករហូតដល់ម៉ោង៧:00 យប់ នៅផ្សារអ៊ីអនម៉លសែនសុខ។

Cellcard លោក Ian Watson នាយកប្រតិបត្តិក្រុមហ៊ុន បានមានប្រសាសន៏ថា យើងបាននាំយកការ​ប្រកួត​នេះ មកប្រទេសកម្ពុជា  ក្នុងគោលបំណងបង្កើតបទពិសោធន៏លេងហ្គេម ដ៏គួរឲ្យរីករាយមួយសម្រាប់អ្នក​លេង​ហ្គេម ដែលសុទ្ធសឹងជាយុវជនវ័យក្មេង និងអ្នកគាំទ្ររបស់ Mobile Legends នៅក្នុងប្រទេស។

យុវជនវ័យក្មេងរបស់កម្ពុជា រាប់ពាន់នាក់បានបង្ហាញខ្លួន និងចូលរួមនៅក្នុងការប្រកួត (វាគឺជាការប្រកួតលេង ហ្គេមធំបំផុត ដែលមិនធ្លាប់មាននៅក្នុងប្រទេសកម្ពុជា)។

លោក Watson បានបន្តថា "នៅក្នុងការប្រកួតនេះ យើងមានដាក់រៀបចំស្តង់ ដែលមានផ្តោតសំខាន់លើហ្គេម និងផ្តល់ជូនបទពិសោធន៍បច្ចេកវិទ្យា​ ​VR និង AR សម្រាប់អ្នកទាំងអស់គ្នា ដែលចង់សាកល្បង " ។

ក្រុមហ៊ុនCellcard នាពេលថ្មីៗនេះ ក៏បានចាប់ដៃគូជាមួយក្រុមហ៊ុន Netease Games កាលពីខែមីនា ឆ្នាំ ២០១៩ ដើម្បីនាំយក Rule of Survival (ROS) ​ដែលជាហ្គេមមួយ​ដែលមានប្រជាប្រិយបំផុត នៅទូទាំង​ពិភព​លោក ជាមួយអ្ន​កលេង​ជាង ១.១លាននាក់រៀងរាល់ខែ និងកំណើនអ្នកលេខថ្មី ៥០ម៉ឺននាក់ រាល់ខែ អ្នក​បង្កើតហ្គេមនេះ មើលឃើញទីផ្សារកម្ពុជា ។ ពួកគេ គឺកំពុងតែរៀបចំឲ្យមាន​មាតិកាថ្មីៗ ការផ្សព្វផ្សាយ និង​ព្រឹត្តិ​​​ការណ៍​កីឡាអេឡិចត្រូនិក និងការប្រកួតនៅក្នុងប្រទេស។

Mobile Legends: Bang Bang ត្រូវបានបង្កើតឡើងជាពិសេសសម្រាប់ហ្គេមលេងក្នុងទូរស័ព្ទដៃ នៅក្នុងឆ្នាំ ២០១៦ ហើយអាចដំណើរការលើប្រព័ន្ធ iOS និង Android។ ដែលជាការប្រកួតច្រើននាក់ គឺមានក្រុម​ប្រឆាំង​ពីរ ដើម្បីប្រកួតប្រជែងនៅក្នុងសមរភូមិ សម្រាប់បំផ្លាញមូលដ្ឋានសត្រូវខណៈ​ ដែលពួកគេ​ការពារខ្លួនឯង។

វាបានក្លាយទៅជាប្រភេទហ្គេម ដ៏ពេញនិយមបំផុត មួយនៅក្នុងប្រទេសកម្ពុជា ក៏ដូចជានៅអាស៊ីអាគ្នេយ៍។ ហ្គេមនេះ គឺលេងដោយឥតគិតថ្លៃ សម្រាប់អ្នកប្រើទូរស័ព្ទដៃ ដែលមានភាពងាយស្រួលចូលលេងបានច្រើន បើប្រៀបធៀបទៅនឹងហ្គេមផ្សេងទៀត។

សម្រាប់ព័ត៌មានបន្ថែម និងព្រឹត្តិការណ៍បន្ទាប់របស់ Cellcard សូមចុច Follow ទំព័រហ្វេសប៊ុក Cellcard Play ៕