ក្រូចឆ្មារអត់គ្រាប់ មានរស់ជាតិជាងក្រូចឆ្មារធម្មតា មានទីផ្សារអន្តរជាតិ (អាមេរិក ជប៉ុន ថៃ វៀតណាម កម្ពុជា)

ភ្នំពេញៈ

ដោយ៖ សេង ស៊ីដារ៉ូ

 

នាពេលបច្ចុប្បន្ននេះ ប្រទេសកម្ពុជាយើង កំពុងរីកចម្រើនផ្នែក​បច្ចេកវិទ្យា​ កសិកម្ម បានធ្វើឲ្យមានការប្រែប្រួល នៃការបង្កាត់ពូជ និងបណ្តុះពូជប្លែកៗជាច្រើន។

កន្លងមកប្រជាពលរដ្ឋខ្មែរ មានការប្រើប្រាស់ និងធ្វើការដាំដុះក្រូចឆ្នារធម្មតា ឥឡូវនាពេលថ្មីៗនេះ ស្រាប់តែ​លេច​ចេញនៅពូជក្រូចឆ្មារអត់គ្រាប់ ដែលឆ្លងកាត់ពីអាមេរិក ជប៉ុន ថៃ វៀតណាម ប៉ុន្តែបច្ចុប្បន្ននេះ បានចូល​ដល់​កម្ពុជាយើងតែម្តង គឺ ពូជក្រូចឆ្មាអត់គ្រាប់នេះ។

លោក ហុង រស់នៅខណ្ឌឬស្សីកែវ ជាអ្នកដាំក្រូចឆ្មារអត់គ្រាប់នេះ ដំបូងគេ បានឲ្យដឹងថា ពូជក្រូចឆ្មារអត់​គ្រាប់​នេះ ទើបតែមានវត្តមានក្នុងរយៈពេល៤ខែប៉ុណ្ណោះ ដោយការដាំបង្កាត់ពូជមែក។ កាផ្សាំពូជក្រូចនេះ ប្រើរយៈ​ពេល​៤ខែឡើងទៅ ជាពូជក្រូចមានផ្លែច្រើន មានរស់ជាតិជាងក្រូចឆ្មារធម្មតា ហើយការសាកល្បងនេះ ​ជា​លើកដំបូង។

លោក ហុង ធ្វើការបញ្ជាក់ថា ក្រូចអត់គ្រាប់នេះ លំហូរចូលមកពីអាមេរិក បន្ទាប់មកជប៉ុន និងឆ្លងកាត់ទៅថៃ ដែលជាក្រូចឆ្មាមានតម្លៃថ្លៃជាងគេបន្ទាប់មកនៅ វៀតណាម ហើយទើបដល់កម្ពុជានាពេលថ្មីនេះ។ បច្ចុប្បន្ន​ប្រភេទក្រូចឆ្មារ មានគ្រាប់នៅតែមានតំរូវការចាំបាច់ក្នុងទីផ្សារ ហើយនឹងមានកំណើនកើនឡើង​ជារាល់​ឆ្នាំ ​ដោយ​សារតំរូវការទីផ្សារខ្ពស់ អ្នកដាំតិច ម្ល៉ោះហើយការដាំដុះក៏មានការកើនឡើងទៅតាមនោះដែរ៕