សហព័ន្ធកីឡាបាល់ទាត់កម្ពុជា និងសែលកាត បានរៀបចំបិទវគ្គ កម្មវីធីអបអរសាទរភាពជោគជ័យ នៃកម្មវិធីសិក្សាកីឡាបាល់ទាត់ (សាលាតម្រង់ទិសបាល់ទាត់ )

ខេត្តបន្ទាយមានជ័យៈ

 ដោយ៖ ហុង ចំណាប់

សហព័ន្ធកីឡាបាល់ទាត់កម្ពុជា(FFC) និងសែលកាត​​​​ បានរៀបចំបិទវគ្គ កម្មវីធី​អបអរសាទរភាព​ជោគជ័យ នៃ​កម្មវិធី​​សិក្សា​កីឡាបាល់ទាត់ ដែលមានឈ្មោះថា សាលាតម្រង់ទិសបាល់ទាត់។ បានធ្វើឡើងនៅថ្ងៃទី ៣១ខែមី នាចាប់ពីម៉ោង១ រសៀលរហូតដល់ម៉ោង ៤ រសៀល​ នៅវិទ្យាល័យហ៊ុនសែន ខ្លាកូនក្នុងខេត្តបន្ទាយមានជ័យ។

មានសិស្សានុសិស្ស និងអ្នកគាំទ្រជាង៣០០០នាក់ ត្រូវបានគេរំពឹងថា នឹងចូលរួមជាមួយក្រុមហ៊ុន Cellcard និងតំណាងក្រសួងអប់រំ យុវជន និងកីឡា ទាំងអស់​ ដែលចង់ឃើញក្រុមចុងក្រោយដែលមកពីខេត្តកណ្តាល​និងកំ​ពង់ឆ្នាំង មកប្រកួតគ្នាដើម្បីជយ័ជនៈដ៏ធំនេះ។ ហើយឯកឧត្តម សៅ សុខា ប្រធានសហព័ន្ធកីឡាបាល់​ទាត់​​​កម្ពុជា នឹង​ដឹកនាំពិធីបិទវគ្គកម្មវិធីនេះ។

ក្រុមហ៊ុន Cellcard គឺបានជួយជាផ្នែកមួយ ក្នុងការជំរុញឲ្យមានកម្មវិធី សម្រាប់រយៈពេលពីរឆ្នាំនេះ ដែលគាំ​ទ្រ​ការបង្កើតការប្រកួត ផ្តល់នូវឧបករណ៍កីឡា និងរង្វាន់ ជាពិសេសរៀបចំកម្មវិធីកម្សាន្ត​ ដើម្បីឲ្យសិស្សចូលរួម​សប្បាយរីករាយ។

ភាពជាដៃគូរវាងសហព័ន្ធកីឡាបាល់ទាត់កម្ពុជា និងក្រុមហ៊ុន Cellcard ​ត្រូវបានចុះហត្ថលេខាកាលពី​ខែ​ឧសភា ​ឆ្នាំ២០១៧កន្លងទៅ ក្នុងគោលបំណងលើកកម្ពស់កីឡា បានផ្តល់ការបណ្តុះបណ្តាល ការចូលរួម​ជា​មួយ​សហគមន៍មូលដ្ឋាន និងការជួយជំរុញឲ្យយុវជន ​មិនឲ្យទទួលរងឥទ្ធិពលអវិជ្ជ មាន​ដូចជាគ្រឿងញៀន ស្រា​​ និងឧក្រិដ្ឋកម្ម ជាដើម។

ហើយសាលាតម្រង់ទិសបាល់ទាត់នេះ សម្រេចបានចំនួនសិស្សដែលចូលរួមជាង ២000នាក់ ទូទាំងប្រទេស មានយុវជនអាយុក្រោម១៥ ឆ្នាំមានចំនួន ២៥ក្រុម និងយុវជនអាយុក្រោម១៧ ឆ្នាំមានចំនួន ២៦ ក្រុម។

បន្ទាប់ពីបញ្ចប់ការប្រកួតចុងក្រោយ និង ពិធីប្រគល់ពានរង្វាន់​ ​Cellcard​ នឹងរៀបចំការប្រគុំតន្រ្តីសម្រាប់​សិស្សា​នុសិស្ស ដែលមានការចូលរួមពីឯកអគ្គរាជទូតសុឆន្ទៈរបស់ Cellcard គឺ កញ្ញា រ៉េត ស៊ូហ្សាណា និង​កញ្ញា​ ​តី៕