ឯកឧត្តម ហ៊ុន ម៉ានី អបអរសាទរទិវាគ្រូបង្រៀន ៥ តុលា ក្រោម ប្រធានបទ៖ «គ្រូបង្រៀនយើង អនាគត​យើង ប្រទេសជាតិយើង»

ភ្នំពេញ

ដោយៈ សេង ស៊ីដារ៉ូ

ឯកឧត្តម ហ៊ុន ម៉ានី អញ្ជើញចូលរួមអបអរសាទរទិវាគ្រូបង្រៀន ៥ តុលា ឆ្នាំ២០២២ ក្រោមប្រធានបទ៖ «គ្រូបង្រៀនយើង អនាគតយើង ប្រទេស ជាតិយើង»។ គ្រូបង្រៀន គឺជាបេះដូងនៃកំណែទម្រង់វិស័យអប់រំ ដើម្បី ការអភិវឌ្ឍ។ គ្រូបង្រៀន គឺជាឆ្អឹងខ្នងនៃគុណភាពអប់រំ និងជាមូលដ្ឋាន គ្រឹះនៃការ​អភិវឌ្ឍធនធាន​មនុស្ស​សម្រាប់ប្រទេស ជាតិ ពិសេសគ្រូ បង្រៀន ជាប្រទីបបំភ្លឺលោកប្រកបដោយគតិបណ្ឌិត។

ក្នុងឱកាសអបអរសាទរទិវាគ្រូបង្រៀន ៥ តុលានេះ ឯកឧត្តម ហ៊ុន ម៉ានី សូមសម្តែងនូវសេចក្តីគោរព និង​ថ្លែងអំណរគុណចំពោះលោក សាស្រ្តា ចារ្យ លោកគ្រូអ្នកគ្រូ និង​បុគ្គលិកអប់រំទាំងអស់ដែលបានខិតខំ​ប្រឹង​ប្រែង និងលះបង់ខ្ពស់មិនគិតនឿយហត់ក្នុងការងារអប់រំ ផ្តល់ចំណេះ ដឹងដល់សិស្សានុសិស្សគ្រប់ៗរូប។

ទោះបីក្នុងកាលៈទេសៈ ដែលប្រទេសជាតិជួបប្រទះនឹងវិបត្តិជំងឺឆ្លង រាលដាលកាចសាហាវ កាលពីពេលថ្មី​ៗ​កន្លងទៅ លោកគ្រូ អ្នកគ្រូ បានព្យាយាមជម្នះឧបសគ្គគ្រប់​បែប​យ៉ាង ដើម្បីបន្តនិរន្តភាពនៃការ
ងារ អប់រំ និងឈានមកដល់ភាពជោគជ័យនៅថ្ងៃនេះ។

ឯកឧត្តម ហ៊ុន ម៉ានី ក៏បានរំលឹកដឹងគុណលោកគ្រូ អ្នកគ្រូ ដែលតែង
តែ យកចិត្តទុកដាក់បង្ហាត់បង្រៀន​សិស្សា​នុសិស្សគ្រប់រូប ដើម្បីអនា
គត របស់កូនខ្មែរគ្រប់ៗជំនាន់ ឲ្យ​ក្លាយជាធនធានជាតិមួយ​ដ៏សំខាន់
ក្នុ​ង​ការរួមចំណែកកសាងជាតិមាតុភូមិ និងសូមបួងសួងដល់ដួងវិញ្ញា
ក្ខ័ន្ធ​របស់លោកគ្រូ អ្នកគ្រូ បុគ្គលិកអប់​រំទាំង​អស់ ដែលបានចែក​ឋាន
ទៅ សូមបានសោយសុខក្នុងឋានសុគតិភពកុំបីឃ្លៀងឃ្លាតឡើយ៕

https://kronglungvek.com.kh