ឯកឧត្តម ហ៊ុន ម៉ានី បានអញ្ជើញទៅជួបសំណេះសំណាលជាមួយកង កម្លាំងប្រដាប់អាវុធ ប្រចាំទិសទាំង៣ នៃយោធភូមិភាគទី៥ និងកង ពលអន្តរាគមន៍លេខ១៤ ចំណុះបញ្ជាការដ្ឋានកងទ័ពជើងគោក
ដោយៈ សេង ស៊ីដារ៉ូ
ឯកឧត្តម ហ៊ុន ម៉ានី បានអញ្ជើញទៅជួបសំណេះសំណាលជាមួយកង កម្លាំងប្រដាប់អាវុធ ក្នុងនាមតំណាងសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុនសែន នៅតាមកង ពលប្រចាំទិសទាំង៣ នៃយោធភូមិភាគទី៥ និងកងពលអន្តរាគមន៍ លេខ១៤ ចំណុះបញ្ជាការដ្ឋានកងទ័ពជើងគោក។ លើ ចម្ងាយ ផ្លូវ ប្រមាណជិត ១ ពាន់គីឡូម៉ែត្រ តាមភូមិសាស្រ្តខេត្ត ០៩ យើងបានធ្វើដំណើរឆ្លងកាត់តំបន់មួយចំនួន ដែលនៅក្នុងអតីតកាល គឺជាសមរភូមិ ក្តៅរវាងរដ្ឋាភិបាល និងភាគីជម្លោះប្រដាប់អាវុធផ្សេងទៀត។
ឯកឧត្តម ហ៊ុន ម៉ានី បានមានប្រសាសន៍ថា សុខសន្តិភាពបានប្រែក្លាយ តំបន់ដែលធ្លាប់ជាគំនរផេះផង់នៃសង្រ្គាមរ៉ាំរ៉ៃ និងដែលបង្ករការភ័យ ខ្លាចដល់ប្រជាពលរដ្ឋ ទៅជាតំបន់ដែលមានការអភិវឌ្ឍ មានផ្លូវគមនាគមន៍ ប្រជាជនមានជីវភាពធូរធារ និងជាពិសេសមានសាលារៀន វត្ត អារាម និងហេដ្ឋារចនាសម្ព័ន្ធគ្រប់បែបយ៉ាងរីក ស្គុះស្គាយជាអណេក។
ខណៈពេលនោះដែល ឯកឧត្តម ហ៊ុន ម៉ានី បានចែករំលែកទស្សនៈជា មួយបងប្អូនជានាយទាហាន នាយទាហានរង មេបញ្ជាការ មេបញ្ជាកា រង និងពលទាហានទាំងអស់ គ្នាថា សុខសន្តិភាពដែលយើងបាន និង កំពុងរស់នៅប្រកបដោយភាពសំបូរសប្បាយសព្វថ្ងៃនេះ ពិតណាស់ គឺមិនមែនទទួលបានដោយងាយស្រួល ដោយមិនមានការ លះបង់ និងប្រថុយប្រថានខ្ពស់របស់ថ្នាក់ដឹកនាំរបស់យើងឡើយ។
ចំពោះកត្តាបំផ្លាញសុខសន្តិភាពវិញ គឺនៅតែមានដរាបណាកម្លាំងអមិត្ត នៅតែចិញ្ចឹមមហិច្ឆតា និងបន្តធ្វើសកម្មភាពញុះញង់ អុជអាល បង្ករហេតុ បង្កើតការចលាចល។ ការជឿជាក់លើការដឹកនាំរបស់រាជរដ្ឋាភិបាល ផ្សារភ្ជាប់នឹងជំហរដាច់ណាត់ក្នុងការគាំទ្រ និងការគោរពយ៉ាងម៉ឺងម៉ាត់នូវបទបញ្ជាររបស់កងយោធពលខេមរភូមិន្ទ និងកងកម្លាំងប្រដាប់អាវុធគ្រប់មុខសញ្ញា គឺជាកត្តាកំណត់ដាច់ខាតនៃការធានាការពារសុខសន្តិភាព ស្ថិរភាព និងការអភិវឌ្ឍ។
សុខសន្តិភាពបានផ្តល់ឱកាសដល់ការរីកចម្រើនៃសេដ្ឋកិច្ច ហើយសេដ្ឋកិច្ចបានបង្កើននូវសមត្ថភាព លទ្ធភាពរបស់រាជរដ្ឋាភិបាល ដែលត្រលប់មកវិញ គឺជាផលប្រយោ ជន៍សម្រាប់មន្រ្តីរាជការ និងកងកម្លាំងប្រដាប់អាវុធនោះឯង។ ដើម្បីសន្តិភាព និងនិរន្តរភាពនៃការអភិវឌ្ឍនេះ យើងបានប្តេជ្ញារួមគ្នា គាំទ្របេក្ខភាពសម្តេចតេជោ ជា នាយករដ្ឋមន្រ្តីនៅអាណត្តិបន្តបន្ទាប់ និងបេក្ខភាពឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តីនាថ្ងៃអនាគត។
https://kronglungvek.com.kh
Post a Comment