ឯកឧត្តម ហ៊ុន ម៉ានី អញ្ជើញចូលរួមអង្គជំនុំជម្រះតុលាការកំពូល​នៃ អង្គជំនុំជម្រះវិសាមញ្ញ ​ក្នុងតុលាការ​កម្ពុជា (បំភ្លេចម្តេចបាន ៧មករា ១៩៧៩ អរគុណសន្តិភាព)

ដោយៈ សេង ស៊ីដារ៉ូ

ឯកឧត្តម ហ៊ុន ម៉ានី មានប្រសាសន៍ថា អង្គជំនុំជម្រះតុលាការកំពូល នៃ អង្គជំនុំជម្រះវិសាមញ្ញ​ក្នុងតុលាការ​កម្ពុជា បានប្រកាសសាលដីកាលើ​សំ​ណុំ​​រឿង ០០២/០២ ដែលមានជនជាប់ចោទឈ្មោះ ខៀវ សំផន។

នេះជា​ការផ្តល់នូវយុត្តិធម៌​តាមផ្លូវច្បាប់​ជា​លក្ខណៈប្រវត្តិសាស្ត្រ ដល់ ប្រជាជនកម្ពុជា ដែលបានឆ្លងកាត់​របបប្រល័យពូជសាសន៍ខ្មែរក្រហម ដ៏ឃោរឃៅ (បំភ្លេចម្តេចបាន ៧មករា១៩៧៩ អរគុណសន្តិភាព។

ការផ្តល់សច្ចធម៌ប្រវត្តិសាស្ត្រ ដល់ប្រជាពលរដ្ឋកម្ពុជា នឹងអាចសម្រាល នូវសេចក្តីឈឺចាប់ ភាពសោក​សង្រេង និងការនឹករលឹករបស់ខ្លួនពីភាព ដិតដាម និងរបួសផ្លូវចិត្តដែលបន្សល់ដោយរបបខ្មៅងងឹត​អស់​រយៈពេល ៣ឆ្នាំ ៨ខែ ២០ថ្ងៃ។

បើទោះបីសាលដីកា ដែលត្រូវបានប្រកាសនេះបានបង្ហាញពីការបញ្ចប់ នៃនីតិវិធីច្បាប់ក្តី យើងទាំងអស់គ្នា​មិនត្រូវភ្លេចដល់សោកនាដកម្មដែល ប្រទេសជាតិ និងប្រជាជនយើងបានឆ្លងកាត់ ជាពិសេសទុក្ខវេទនា ការ ព្រាត់ប្រាស និងការឈឺចាប់នានា។

ឯកឧត្តម ហ៊ុន ម៉ានី បានលើកឡើង ជាមួយនឹងពាក្យស្លោកថា «បំភ្លេច ម្តេចបាន» ដែលយុវជនជំនាន់មុន (ជាថ្នាក់ដឹកនាំបច្ចុប្បន្ន) តែងបាន ក្រើនរំលឹក យើងទាំងអស់គ្នាឱ្យត្រូវតែចងចាំ និងរៀនសូត្រ ពីប្រវត្តិ​សាស្ត្រ​នៃឧក្រិដ្ឋកម្មក្នុងរយៈកាលរបបខ្មែរក្រហម ដែលប្រជាជនស្លូត ត្រង់របស់កម្ពុជាបានឆ្លងកាត់ និង​ពលី​យ៉ាងអយុត្តិធម៌ ហើយត្រូវប្តេជ្ញា ការពារឱ្យបានដាច់ខាត ​កុំឱ្យរបបប្រល័យពូជសាសន៍ កើតមាន​ឡើង​វិញ ទោះក្នុងតម្លៃណាក៏ដោយ៕

https://kronglungvek.com.kh