ទឹកម្ជូរល្មម មានលក្ខណៈជាអាស៊ីដ ជួយកាត់បន្ថយអាការរលាកតម្រង​នោម និងផ្លូវទឹកមូត្រ

ដោយៈ សេង ស៊ីដារ៉ូ

ទឹកម្ជូរល្មម មានលក្ខណៈជាអាស៊ីដ ជួយកាត់បន្ថយអាការរលាកតម្រង​នោម និងផ្លូវទឹកមូត្រ ដោយគ្មានផលវិ បាកបន្ទាប់បន្សំអ្វីទាំងអស់។

ការពិសោធន៍ក្រុមគ្រូពេទ្យទៅលើមនុស្សធម្មតា និងមនុស្សដែលមាន​ជំងឺ​ក្រួសតម្រងនោម ដោយយកផ្កាម្ជូរល្មមប្រមាណ ១០ទៅ១៥ផ្កា មក​ស្ងោរយកទឹកមួយកែវលាយជាមួយស្ករអោយ ផ្អែមល្មម ហើយយកទៅ​អោយមនុស្សទាំងពីរក្រុមនេះ ទទួលទានមួយថ្ងៃបីកែវ។

ជាលទ្ធផលគេសង្កេតឃើញថា មនុស្សធម្មតា ដែលគ្មានជំងឺក្រោយ​ពេល​ពិសាទឹកភេសជ្ជៈម្ជូរល្មមរួចហើយ គេនឹងបត់ជើងតូច​ចេញមក​ដោយទឹកមានលក្ខណៈជាអាស៊ីដ ទាំងក្នុងពិសាអាហារ និងអត់អា​ហារ។ ចំណែ កអ្នកដែលមានក្រួសក្នុងតម្រងនោមវិញ ពិសាមួយថ្ងៃ​បួនកែវ ហើយលទ្ធផលដែលចេញមក គឺទឹកនោមរបស់គេដែលពីមុន​មកមានលក្ខណៈល្អក់ ក៏ចាប់ផ្តើមថ្លាឡើងជាលំដាប់ ហើយកាន់តែមាន​លក្ខណៈជាអាស៊ីដទ្វេ ឡើង។

គេក៏មានជំនឿផងដែលថា ទឹកភេសជ្ជៈម្ជូរល្មមជួយកាត់បន្ថយសម្ពាធ​ឈាម បន្ថយភាពស្អិតខាប់របស់ឈាម ជួយរក្សាព្យាបាលសរសៃ​ឈាម​កុំអោយស្រួយរឹងផង។

ប្រយោជន៍ផ្នែកអាហារ

ផ្លែស្លឹកខ្ចីក្នុងរដូវភ្លៀវត្របកផ្កាខាងក្រៅ។ ក្រៅពីធ្វើទឹកភេសជ្ជៈ ដូច​បាន​រៀបរាប់ខាងលើ គេក៏អាចយកផ្លែខ្ចី របស់ម្ជូរល្មមទៅស្ងោរធ្វើ​ជាអន្លក់​ទឹក​គ្រឿង រីឯស្លឹកខ្ចី គេអាចយកទៅស្លម្ជូរ ឬស្រុសធ្វើជាអន្លក់ហូបជា​មួយ ទឹកគ្រឿងផងដែរ។ ក្រៅពីនេះ គេក៏អាចយកម្ជូរល្មមទៅធ្វើជា​នំ​តំណាប់ទៀតផង។

រសជាតិ និងប្រយោជន៍ចំពោះសុខភាព

ផ្លែម្ជូរល្មមខ្ចីមានរសជាតិសាប ត្រជាក់ក្នុងខណៈដែលត្រួយខ្ចីមានរស​ជាតិ​ជូរ។ នៅក្នុងស្លឹកម្ជូរល្មមខ្ចី ១០០ ក្រាម ផ្តល់ថាមពលសំរាប់រាង​កា​យ ៤៣គីឡូកាឡូរី សរសៃអាហារ ១.៣ក្រាម កាល់ស្យូម ៩មិល្លីក្រាម ហ្វូហ័្វរ ៤មិល្លីក្រាម ដែក ០.៨មិល្លីក្រាម វិតាមីនA ១០៨៣៣ IU វីតាមីន​B1 ០.១១មិល្លីក្រាម វីតាមីនB2 ០.២៤មិ ល្លីក្រាម ណៃអាស៊ីន ៤.៥មិល្លី​ក្រាម វីតាមីន C៤៤មិល្លីក្រាម៕

ដកស្រង់ចេញពីសៀវភៅ បន្លែ ផ្លែឈើ អាហារសំរាប់សុខភាព រក្សាសិទ្ធិដោយ ស៊ឹងណាំហុង។

https://kronglungvek.com.kh