ម្ជូរល្មម ព្យាបាលក្រួសក្នុងតម្រងនោម

ដោយៈ សេង ស៊ីដារ៉ូ

ម្ជូរល្មម ក៏ដូចជាម្ជូរដទៃទៀតដែរ ដែលអាចយកមកប្រើធ្វើជាអាហារ ធ្វើជាម្ជូរ និងភេសជ្ជៈ ហើយប្រហែលជា អាស្រ័យដោយ​រសជាតិ​មិន​ជូរជ្រេញខ្លាំងពេករបស់វានេះហើយ ទើបធ្វើអោយវាត្រូវបានគេហៅថា ម្ជូរល្មម អ្នកធ្លាប់បរិភោគម្ជូរល្មម និយាយថា បើទោះជាគេយកស្លឹក​វា​ទៅបង់សម្លច្រើនបែបណាក៏វានៅតែជូរល្មមដែរ។

លក្ខណៈផ្នែករុក្ខសាស្ត្រ៖

ម្ជូរល្មមជាដំណាំងាយស្រួលដាំដុះ ដែលមានកំពស់ប្រមាណ ១ទៅ២​ម៉ែត្រ មែកធាងរបស់វាមានពណ៌ក្រហម ស្វាយ មានស្លឹកច្រើន ហើយ​សន្លឹកនីមួយៗមានឆែក ២ទៅ៣ឆែក។ ស្លឹកមានទទឹង និងបណ្តោយ​ប្រហាក់ប្រ ហែលគ្នា ប្រមាណពី៨ទៅ១៥សង់ទីម៉ែត្រ។ ផ្កែរបស់​វា​ទោលមួយៗ ដោយត្របកផ្កាពណ៌ជម្ពូរ ឬលឿង បរិវេណកេសរពណ៌​ក្រហមស្វាយ ឯផ្លែរបស់វាពេលទុំមានត្របកស្រោមពីក្រៅពណ៌​ក្រហមឆេះ។

ការដាំដុះ៖

ម្ជូរល្មម គេដាំដោយបណ្តុះគ្រាប់ ហើយដាំបានគ្រប់តំបន់ទាំងអស់

ប្រយោជន៍ផ្នាំឱសថ៖

ស្លឹកៈ មានរសជាតិជូរអាចព្យាបាលអាការក្អក កាត់ស្លេស្មិ៍ និងសំបោរ​ក្នុង​ពោះវៀនអាយចេញមកតាមទ្វារធំ។

គ្រាប់ៈ ប៉ូវកំលាំង ជួយអោយនោមស្រួល ព្យាបាលភាពទន់​ខ្សោយរបស់​ប្រមាត់។

ស្លឹកខ្ចី ផ្នែកខ្ចី ត្របកផ្កាខាងក្រៅៈយកម្ជូរល្មមទៅស្ងោរជាមួយទឹកស្ករ ដើម្បីធ្វើជាភេសជ្ជៈ ពិសាព្យាបាលអា ការក្តៅក្នុង ស្រេកខះក និងជួយ​ការពារកកផ្តុំនៃខ្លាញ់ក្នុងសរសៃឈាម ព្យាលបាលអាការក្អក កំចាត់​ស្លេស្មិ៍ បញ្ជុះទឹកនោម។ សំខាន់គឺវាអាចព្យាបាលជំងឺក្រួសតម្រងនោម ព្យាបាលផ្លូវទឹកមូត្រ និងព្យាបាលអាការៈរលា កប្លោកនោម។

ដកស្រង់ចេញពីសៀវភៅ បន្លែ ផ្លែឈើ អាហារសំរាប់សុខភាព រក្សាសិទ្ធិដោយ ស៊ឹងណាំហុង។

https://kronglungvek.com.kh