សមា្មធិ គឺជាការរំងាប់អារម្មណ៍តាមផ្លូវព្រះពុទ្ធសាសនា និងបានជួយព្យាបាលដល់រាងកាយ

 ខេត្តសៀមរាប

ដោយៈ សេង ស៊ីដារ៉ូ

សមា្មធិ គឺជាផ្លូវរំងាប់អារម្មណ៍ដែលព្រះពុទ្ធអង្គ តែងតែប្រៀនប្រដៅដល់ពុទ្ធបរិស័ទ​ឲ្យរំងាប់តាមផ្លូវធម៌​សមា្ម​ធិ​ បានអប់រំផ្លូវចិត្តដោយលំហាត់កាយ​ដែលជួយដល់សុខភាព​ក្នុងរាងកាយយើង ​និងអាចព្យាបាលនៅជំងឺ​តិច​តួច​ក្នុងរាងកាយយើងផងដែរ។

 ឧបាសិកា ឡុង ចិន្តា មានប្រសាសន៍លើកឡើងថា ជាគ្រូបង្ហាត់តាមផ្លូវសមា្មធិ​ដែលមានទីតាំងនៅខេត្ត​សៀម​រាប និងភ្នំពេញ​ ដោយការហ្វឹកហាត់សមា្មធិនេះ ​ក្នុងមួយវគ្គមានកូនសិស្សចូលរួម២៥ទៅ៣០នាក់ ហើយការ​ហ្វឹកហាត់នេះឆ្លងកាត់ជាច្រើនវគ្គមកហើយដោយការធ្វើសមា្មធិនេះដោយយកបច្ច័យទៅតាមសទ្ធាជ្រះថ្លារបស់​ពុទ្ធបរិស័ទប៉ុណ្ណោះ។

ឧបាសិកា ឡុង ចិន្តា មានប្រសាសន៍បន្តទៀតថា ​ក្នុងការហ្វឹកហាត់ធម៌សមា្មធិនេះ ក្នុងមួយលើកប្រើ​រយៈ​ពេល២ម៉ោងតិចបំផុត ហើយការហាត់រៀនសមា្មធិនេះ​ ដោយការតាំងអារម្មណ៍ឲ្យស្ងប់​ប្រើរយៈពេលដក​ដង្ហើមចេញចូលទៅតាមចិត្ត និងអាចប្រើបា្រស់ខ្យល់ចេញចូលទៅតាមកន្លែង​ដែលយើងឈឺ​ក្នុងរាងកាយ ​ដូច​ជារលាកក្រពះរលាកពោះវៀន ឈឺចុកឆ្អល់ជាដើម ដោយប្រើប្រាស់ខ្យល់ចេញចូល​នេះ​មាន៤ដំណាក់កាល​ដែល​រៀនធម៌សមាធិនេះ។

ឧបាសិកា ឡុង ចិន្តា ​បានបន្ថែមទៀតថា ​ការបញ្ជាខ្យល់ចេញចូលតាមធម្មជាតិ ធ្វើឲ្យយើងស្គាល់ខ្លួនឯង​ ដូច​ជាការដេកលក់អញ្ចឹង។ សិស្សទាំងវ័យចាស់ វ័យក្មេង ពិសេសចាស់ៗទទួលបានធម៌សមា្មធិនេះ បានស្វែង​យល់ច្រើន និងបានធ្វើឲ្យរាងកាយមានការធូរស្រាលច្រើនទាំងអារម្មណ៍ ​និងអាការៈឈឺចាប់ផ្សេងៗក្នុងរាង​កាយ​យើងផងដែរ។

 ឧបាសិកា ឡុង ចិន្តា បានបញ្ជាក់ទៀតថា បច្ចុប្បន្ននេះ នឹងមានគម្រោងបង្កើតមណ្ឌលសមា្មធិនេះ​នៅ​ខេត្ត​កំពង់ឆ្នាំងទៀត ដោយសាងសង់លើផ្ទៃដី១ហិកតា​ ដោយដីនោះជាអំណោយរបស់សិស្សនៅក្នុងខេត្តកំពង់​ឆ្នាំង​ដែលមានចិត្តសទ្ធាឲ្យកសាងលើផ្ទៃដីនោះ។

តាមរយៈការធ្វើសមា្មធិនេះ ភិក្ខុព្រះនាមរដ្ឋា ​គង់នៅវត្តអង្គរខេត្តសៀមរាប​ បានមានសង្ឃដីកាឲ្យដឹងទៀតថា ផ្លូវសមា្មធិនេះ ដែលពុទ្ធបរិស័ទគោរពប្រតិបត្តិព្រះពុទ្ធសាសនា​ ជាធម៌រំងាប់អាររម្មណ៍​និងជាការអប់រំផ្លូវចិត្ត​ឲ្យ​ជ្រះថ្លាដោយឡែកក្នុងនោះក៏មានសម្មាធិកម្មដ្ឋានផងដែរ ដែលអ្នកហ្វឹកហាត់សម្មាធិនេះ ​ចូលកាន់តែស៊ី​ជម្រៅ​ថែមទៀតនៅពេលដែលសម្មាធិអាចឃើញនៅក្នុងប្រព័ន្ធសរីរាង្គក្នុងរាងកាយយើងតែការស្មឹងស្មាតសម្មាធិកម្មដ្ឋាននេះ កម្រមាននរណាសម្រេចបានដល់វគ្គកំពូលនេះណាស់៕