ឧបករណ៍ភ្លេងបុរាណខ្មែរ បាននាំចេញទៅលក់នៅប្រទេសអាមេរិក និងវៀតណាម

ខេត្តសៀមរាប និងខេត្តកំពង់ស្ពឺ

ដោយៈ សេង ស៊ីដារ៉ូ

ឧបករណ៍ភ្លេងបុរាណខ្មែរ ជាតន្ត្រីរក្សាអត្តសញ្ញាណជាតិ និងបាន​ថែ​រក្សាការពារប្រពៃណី ចង្វាក់បទភ្លេងបុរាណខ្មែរមកជាយូរមកហើយ នឹងបានបន្តស្នាដៃទុកឲ្យកូនខ្មែរជំនាន់ក្រោយ ដោយបានបង្កើតជា

សិប្ប​កម្មផលិតឧបករណ៍ភ្លេងបុរាណនេះ តាមរយៈស្នាដៃក្មេងជំនាន់​ក្រោយដើម្បីរក្សាទុករាប់រយឆ្នាំបន្តទៅទៀត។

សិប្បកម្មផលិតឧបករណ៍ភ្លេងបុរាណខ្មែរនេះមានដូចជា ស្គរ តាខេ ពិណពាទ្យ រនាត ។ល។ មានតិចតួចណាស់ដូចជានៅខេត្តសៀមរាប និងខេត្តកំពង់ស្ពឺ ដែលមានសិប្បកម្មខ្មែរម៉ាច ម៉ុយ ស្ថិតនៅក្នុងឃុំ​ព្រះ​ស្រែ ស្រុកឧត្តុង្គ ខេត្តកំពង់ស្ពឺ។

លោក ម៉ាច ម៉ុយ បានមានប្រសាសន៍ថា ឧបករណ៍ភ្លេងបុរាណ​ខ្មែរ​មាន​ភ្លេងពិណពាទ្យ ឧបករណ៍ភ្លេងការ គងជ័យ ស្គរជ័យ ដោយឧបករណ៍​ទាំង​នេះផលិតចេញពីប្រភេទឈើខ្នុរ ភាគច្រើនដោយក្នុងមួយវង់អាច​ផលិតឧបករណ៍ភ្លេងនេះដោយប្រើរយៈពេល១ខែឯណោះ។

លោក ម៉ាច ម៉ុយ បានបន្តទៀតថា សិប្បកម្មឧបករណ៍ផលិត​ភ្លេងខ្មែរ​នេះកកើតឡើងជាង៣០ឆ្នាំមកហើយដោយប្រើប្រាស់កូនជាង១០នាក់ ក្នុងនោះឧបករណ៍ភ្លេងបុរាណផលិតសម្រេចបាន ក្នុងមួយវង់អាច​លក់​បាន១២០០ដុល្លារ។

បើឧបករណ៍ភ្លេងខ្មែរ ដែលបានកម៉្មង់ទុក មានក្បូរក្បាច់ច្រើនអាចលក់​បានតម្លៃ១៥០០ដុល្លារក្នុងមួយវង់។ ចំពោះទីផ្សារមានការបញ្ជាកម៉្មង់​ទិញទៅសហរដ្ឋអាមេរិក និងទៅវៀតណាម ដោយលក់ក្នុងស្រុក​មួយ​ឆ្នាំៗអាចលក់បានចំនួន២០ទៅ៣០វង់។ ឧបករណ៍ភ្លេងបុរាណខ្មែរយើង ដែលផលិតពីឈើខ្នុរ អាចមានអាយុកាលចាប់ពី២៥ទៅ៣០ឆ្នាំ៕

https://kronglungvek.com.kh