ការរៀបចំដី ដើម្បីដាំសណ្តែកគួរ

ដោយៈ សេង ស៊ីដារ៉ូ

ការរៀបចំដី

ត្រូវភ្ជួរហាលដីឱ្យស្ងួត ២ ឬ ៣សារ ដើម្បីសំលាប់ស្មៅបំផ្លាញជំរកសត្វល្អិតសំលាប់មេរោគឱ្យដីធូរមានខ្យល់ ចេញចូលល្អ បន្ទាប់មករាស់បំបែកដីឱ្យល្អិតប្រមូលយកស្មៅ ឬវត្ថុកំទិចកំទីរុក្ខជាតិចេញឱ្យស្អាត ត្រូវលើក​រងឱ្យបានខ្ពស់ កំពស់រងពី ១៥-២០ស.ម រដូវប្រាំង នៅរដូវវស្សា ២៥-៣០ស.ម ទទឹងរង ១២០ស.ម បណ្ដោយ​ទៅតាមសភាពដី។ ក្រោយពីលើករងហើយ ត្រូវកៀរដីឱ្យស្មើលើរងនីមួយៗ បន្ទាប់មកយកកូន​ចប​កាប់​មុខតូច​កាប់ជារណ្ដៅលើករងដោយប្រើចន្លោះជួរ ៧០ស.ម ចន្លោះរណ្ដៅ ៥០ស.ម ហាលចោល ២-៣ថ្ងៃ ។

ការដាំដុះសណ្តែកគួរ

ការដាំដោយគ្រាប់ផ្ទាល់ ត្រូវយកគ្រាប់ពូជដាក់ហាលថ្ងៃរយៈពេល ១-២ម៉ោង បន្ទាប់មកត្រាំ​គ្រាប់ពូជ​៣០​ក្រាម​រយៈពេល ៣០នាទី រួចទៅដាំក្នុងរណ្ដៅ ២គ្រាប់ ក្នុង១រណ្ដៅ បន្ទាប់មកលប់ដីពីលើកំរាស់ ២-៣ស.ម និងរោយកំទេចចំបើងស្ងួតៗ ចំៗរណ្ដៅមួយចាប់ៗ រួចស្រោចទឹកតាមក្រោយ ។

ការថែទាំដំណាំ

ការថែទាំដំណាំសណ្ដែកទ្រើង យើងត្រូវជ្រុំជ្រោយដីដកស្មៅស្រោចទឹកដាក់ជីដោតចំណារលើកទង បាញ់ថ្នាំ​ការពារសត្វល្អិត ជាដើម។

ការជ្រុំជ្រោយដី និដកស្មៅ ការជ្រុំជ្រោយដីត្រូវធ្វើឡើងក្រោយពីរយៈពេល ១០-១៥ថ្ងៃ ពេលសណ្ដែក​មាន​សន្លឹក​ពិត ២ធាង គឺជ្រុំជ្រោយដីឱ្យធូរហើយពូនរងឡើងវិញនិងហាលដីឱ្យស្ងួត ២-៣ថ្ងៃ។ លើកទី ២ គឺមិន​ជ្រុំ​ជ្រោយដីឡើយ ប៉ុន្ដែត្រូវធ្វើស្មៅចេញឱ្យស្អាតក្រោយពីដាំរយៈពេល ៣៥-៤០ថ្ងៃ កាលណាទុក​ស្មៅឱ្យវែង​ជាជំរកសត្វល្អិតដណ្ដើមទឹកជីពន្លឺព្រមទាំងបង្កឱ្យមានជំងឺទៀតផង។

ការស្រោចស្រព៖

សណ្ដែកទ្រើងត្រូវការទឹកជាប្រចាំ ប៉ុន្ដែមិនត្រូវការទឹកដក់នៅក្នុងចំការឡើយ។ ការស្រោចដោយប៉ោតជារៀង​រាល់ថ្ងៃព្រឹកល្ងាចៗ ជាការល្អ។ ចំពោះការបញ្ចូលទឹកត្រូវបញ្ចូល ២ដង ក្នុង១អាទិត្យទៅតាមសភាពដី និង​ធាតុអាកាស។ សណ្ដែកត្រូវការទឹកខ្លាំងចាប់ពីវាមានអាយុ៣០ថ្ងៃឡើងទៅ ព្រោះដំណាក់កាលនេះ​សណ្ដែកចាប់ផ្ដើមចេញផ្កាជាបណ្ដើរៗ រហូតដល់ពេលប្រមូលផល ។

ការដោតចំណារ៖

ដំណាំសណ្ដែកទ្រើង ត្រូវការទ្រើងឬចំណារសំរាប់វាតោងឡើងត្រូវយកមែកឈើឬកូនឈើ ឫស្សី​ដែលមាន​ប្រវែង២,៥-៣ម មកដោតក្បែរៗគុម្ពមួយដើមៗ ហើយចងចុងចំណារគួបគ្នាឱ្យជាប់ បន្ទាប់មកដាក់ស្នួរ​កណ្ដា​ល​ ​ដើម្បីឱ្យជួយជ្រែងគ្នា។ ការដោតត្រូវធ្វើឡើងក្រោយពីដាំ ១២-១៨ថ្ងៃ គឺជាដំណាក់កាលដែល​ដំណាំ​ត្រូវការ។ នៅពេលខ្នែងរបស់វាចេញយើងត្រូវលើកខ្នែងសណ្ដែកពត់ទៅចងនឹងចំណារតាមទិស បញ្ច្រាស់​នឹង​ទ្រនិចនាឡិកាប្រសិនបើដាក់ ខុសសណ្ដែកមិនតោង ឡើងឡើយ។

http://search.conduit.com/results.aspx?q=crop+management+of+long+bean&Suggest=&stype= Results&FollowOn=True&SSPV=EB_SSPV&SelfSearch=1&SearchType=SearchWeb&SearchSource=15&ctid=CT3072253&octid=CT3072253 -plant Genetic and​Breeding ​របស់និស្សិត​ជំនាន់​​ទី៥ ឆ្នាំទី២ -SEED PROCESSINGAND STORAGE (Copyright © 2004 by Jeffrey H. McCormack, Ph.D.)

 http://en.wikipedia.org/wiki/Vigna_unguiculata_subsp._sesquipedalis

ក្រសូងកសិកម្ម និងការស្រាវជ្រាវពីនិស្សិត នៅសាកលវិទ្យាល័ភូមិន្ទកសិកម្ម

សៀវភៅដំណាំត្រប់របស់ក្រសួងកសិកម្ម និង នេសាទ លេខ ១៤៤៥. CAM(SF ) 2005 រ៉េន រដ្ឋា សិស្ស​កសិ​កម្ម ( បាត់ដំបង)