ត្រប់ជាប្រភេទដំណាំមួយ អាចដាំបានលើដីគ្រប់ប្រភេទ

ដោយៈ សេង ស៊ីដារ៉ូ

ត្រប់ជាប្រភេទដំណាំមួយ ដែលអាចដុះលូតលាស់បានលើផ្ទៃ​ដី​ស្ទើរ​គ្រប់​ប្រភេទ ដូចជា ដីខ្សាច់ស្រាល ខ្សាច់ មធ្យម ខ្សាច់ធ្ងន់ ដីឥដ្ឋខ្សោ

យ ដីឥដ្ឋមធ្យម និងដីឥដ្ឋ។

ប្រភេទដីដែលសមស្របសំរាប់ដំណាំនេះ គឺដីឥដ្ឋល្បាយ និងដីល្បាយ​ខ្សាច់ ធ្វើឲ្យត្រប់ទទួលបានទិន្នផល ខ្ពស់។ ប៉ុន្តែដីសំរាប់ដាំត្រប់ គួរតែ​ស្រទាប់ដាំដុះជ្រៅ និងpH ចាប់ពី៥,៥-៦,០ ទើបល្អប្រសើរជាងដី ដែល មានស្រទាប់ដាំដុះរាក់ pH ទាបជាង៥ ឬខ្ពស់ជា៨ វាតែងតែ ធ្វើឲ្យត្រប់​ជួបប្រទះនូវបញ្ហាជំងឺ កង្វះសារធាតុ ចិញ្ចឹមលើផ្លែ។

បច្ចេកទេសដាំដុះ

១ ការជ្រើសរើសពូជ៖ ដំណាំត្រប់ក៏ដូចជាដំណាំដទៃទៀតដែរ ការ​ជ្រើសរើសពូជមានសារៈសំខាន់បំផុតគឺ សំដៅទៅលើការលូតលាស់ និងឲ្យផល។ ពូជត្រូវដឹងប្រភពត្រឹមត្រូវ ប្រភេទពូជបង្កាត់មានជំនាន់ Hybride F1 ឬពូជបង្កាត់សេរី (OPV) ដែលហៅថា ពូជក្នុងស្រុកមាន​អាយុកាល ដុះលូតលាស់សមស្របនិងតំបន់ដាំដុះព្រមទាំង ពេញ​និយមប្រើប្រាស់។ គ្រាប់ពូជមានសុខភាពល្អ ភាពសុទ្ធ ការកំណត់

ប្រើ​ជាក់លាក់។

២ ការសាបកូននិងការថែទាំកូនត្រប់៖ គ្រាប់ត្រប់តូចល្អិត សំប៉ែត សំបក​រឹង ហើយក្រាស់ ជាទូទៅចំនួន២៥០គ្រាប់ ឲ្យទម្ងន់១ក្រាម។ដើម្បីដាំលើ​ផ្ទៃ​ដី​១ហិចតាគេត្រូវប្រើគ្រាប់ពូជចំនួន ៣៧៥-៥០០ក្រាម។ មុននឹង​សា​បគ្រាប់ពូជត្រូវយកមកសំអាតជាមុនសិនបន្ទាប់មកយកទៅដាក់ហាលថ្ងៃរយៈពេល១-២ម៉ោង ក្រោយមកទៀតយកទៅត្រាំទឹកក្តៅឧណ្ហៗ​រយៈ​ពេល១៥-២០នាទី ទើបត្រាំទឹកត្រជាក់ធម្មតាមួយយប់ ក្រោយមកយក​ទៅផ្អាប់ពីយប់ នៅពេលគ្រាប់ត្រប់ដុះពន្លកសៗ ដំបូងអាចយកទៅ​សា​ប​ឬដាក់ក្នុងកន្ទោងក៏បាន។

៣ វិធីសាប និងថ្នាលធម្មតា៖ ដំបូងត្រូវរកទីតាំងថ្នាលសាបគឺ ស្រឡះ ដី​ទួល​ស្រស់ទឹក មានជីជាតិល្អ បន្ទាប់មកត្រូវកាប់ហាលដីឲ្យស្ងួត ទើប​​លើក​រងឲ្យបានត្រឹមត្រូវ ដីលើរង គឺត្រូវឲ្យម៉ដ្ឋល្អកៀរឲ្យស្មើ (ធ្វើដំបូល​ប្រក់ពេលមានភ្លៀង) ទើបយកជីប្រភេទស៊ុពែផូស្វាត​មក​បាចពីលើ​ចំ​នួន១៥០ក្រាម សម្រាប់ផ្ទៃថ្នាល១០ម៉ែត្រការេ ១៥ ១៥ ១៥ ចំនួន​២០០ក្រាម បន្ទាប់មករាស់លុបជីទាំងនោះឲ្យកប់ជ្រៅក្នុងដី។

ការសាបគ្រាប់ពូជត្រូវធ្វើឡើងជាបន្ទាន់ ដោយសាបឲ្យរង្វើលល្មម ក្រោយ​សាបហើយត្រូវរោយកំទេចចំបើង ចិញ្រ្ចាំខ្លីៗ​ពីលើតាមក្រោយ​ដើម្បីការពារសំណើមដី បន្ទាប់មកស្រោចទឹកឲ្យជោគ ហើយស្រោច​សូលុយស្យុង ថ្នាំផ្សិត ដូចជា Mancozeb ការពារជំងឺរលួយកូនឈ្មោះ Damping off នៅពេលវាដុះថ្មីៗ។ ការស្រោចទឹក ដកស្មៅ និងជីបំប៉ន​ដីត្រូវធ្វើឡើងជាប្រចាំ ដើម្បីឲ្យកូនដំណាំលូតលាស់ល្អ ក្រោយពីសាប​រយៈពេល ៣-៤អាទិត្យ អាចយកមកទៅដាំបាន។

kronglungvek.com.kh

http://search.conduit.com/results.aspx?q=crop+management+of+long+bean&Suggest=&stype= Results&FollowOn=True&SSPV=EB_SSPV&SelfSearch=1&SearchType=SearchWeb&SearchSource=15&ctid=CT3072253&octid=CT3072253 -plant Genetic and​Breeding ​របស់និស្សិត​ជំនាន់​​ទី៥ ឆ្នាំទី២ -SEED PROCESSINGAND STORAGE (Copyright © 2004 by Jeffrey H. McCormack, Ph.D.)

1.  http://en.wikipedia.org/wiki/Vigna_unguiculata_subsp._sesquipedalis

ក្រសូងកសិកម្ម និងការស្រាវជ្រាវពីនិស្សិត នៅសាកលវិទ្យាល័ភូមិន្ទកសិកម្ម

សៀវភៅដំណាំត្រប់របស់ក្រសួងកសិកម្ម និង នេសាទ លេខ ១៤៤៥. CAM(SF ) 2005 រ៉េន រដ្ឋា សិស្ស​កសិ​កម្ម ( បាត់ដំបង)