ក្រូចឃ្វិចបណ្តុះសក់ សំបូរទៅដោយវីតាមីន C
ដោយៈ សេង ស៊ីដារ៉ូ
ក្រូចឃ្វិច ពុំមែនគ្រាន់តែជាផ្លែឈើសំបូរទៅដោយវីតាមីន C ប៉ុណ្ណោះទេ តែសំបករបស់វាដែលយើងនឹកស្មាន ថាគ្មានប្រយោជន៍ បែរជាអាចជួយបណ្តុះសក់បាន ទៀតផង។ មិនមែនជាកានិយាយលេងសើចឡើយ សំបក ក្រូចឃ្វិចពិតជាអាចជួយដល់អ្នកក្រខ្សត់សក់មែនណា+។
បើមិនជឿចូរសាកល្បងយករូបមន្តនេះទៅប្រើដោយខ្លួនឯង ឬយកទៅអោយមនុស្សក្បែរខ្លួន ដែលមានបញ្ហារុះរោយសក់ប្រើក៏បាន។
យើងទិញក្រូចឃ្វិចមកបកយកសាច់បរិភោគ ដើម្បីបង្កើនវីតាមីនC នៅក្នុងខ្លួន ហើយយកសំបកវាមកច្របាច់ទឹកដាក់ត្រង់បរិវេណដែលមានសក់ជ្រុះ។
អ្នកណាមានសក់ជ្រុះច្រើនត្រូវឧស្សាហ៍ច្របាច់ទឹកសំបកក្រូចឃ្វិច ដាក់អោយច្រើនបន្តិច ប្រសិនបើមានអារម្មណ៍ថា ផ្សាស្បែកក្បាលនោះ សូមកុំអាលភ្ញាក់ផ្អើល តែត្រូវបន្តប្រើ ទឹកសំបកក្រូចឃ្វិចលើ កន្លែងទំនេរសក់បន្តែម អោយបាន១៥ថ្ងៃ អ្នកនឹងបានឃើញពន្លកសក់ថ្មីចាប់ផ្តើមដុះ ឡើងវិញជាមិនខាន។
ក្រៅពីនេះសំបកក្រូចឃ្វិចថែមទាំងជួយកំចាត់ក្លិនក្បាល និងជួយកាត់បន្ថយញើសត្រង់បរិវេណក្បាលដែល គ្មានសក់ទៀតផង។
មិនបាច់ចំណាយប្រាក់ មិនពិបាកធ្វើ ហេតុអីក៏អ្នកមិនសាកល្បង ដើម្បីអោយសក់វិលត្រឡប់មកដុះលើក្បាល អ្នកម្តងទៀត ដោយសំបកក្រូចឃ្វិចទៅ! ដកស្រង់ចេញពីសៀវភៅ បន្លែ ផ្លែឈើ អាហាសម្រាប់សុខភាព រក្សាសិទ្ធិដោយ លោក ស៊ឹង ណាហុង។
Post a Comment