ចង្រិតសម្បូរច្រើនក្នុងខេត្តក្រចេះ ដែលមានតម្លៃថ្លៃនៅក្នុងទីផ្សារ
ខេត្តក្រចេះ
ដោយៈ សេង ស៊ីដារ៉ូ
សត្វចង្រិតភាគច្រើនសម្បូរនៅក្នុងរដូវវស្សាធ្លាក់ភ្លៀង យើងមិននិយាយទៅដល់ការចិញ្ចឹមចង្រិតរបស់ប្រជាពលរដ្ឋឡើយ។នៅក្នុងខែវិច្ឆិកា ធ្នូ ជារដូវចង្រិតពងរហូតដល់ខែមិថុនា ដែលជារដូវភ្លៀងចង្រិតចាប់ផ្តើមចេញរកស៊ីនាពេលរាត្រី។
ជាឱកាសដែលប្រជាពលរដ្ឋ អាចចាប់ចង្រិតរស់បានតាមរយៈការប្រើភ្លើង ដាក់តាមវាលស្រែនិងធ្វើអាងដោយប្រើក្រណាត់ប្លាស្ទិច នៅពេលដែលចង្រិតហើរមកប៉ះក្រណាត់ប្លាស្ទិចនឹងធ្លាក់ចូលទឹកក្នុងអាង ដែលរៀបចំជាស្រេចនោះ។
អ្នកស្រីពេជ្រ ជាអ្នកលក់បង្កងធម្មជាតិនៅក្នុងភ្នំពេញថា ដោយសារតែមានអ្នកទទួលទានច្រើនចំពោះចង្រិតដូងនេះ ទើបមានការកម៉្មង់ច្រើន ហើយប្រភពដើមចង្រិតរស់នេះ នាំចូលពីខេត្តក្រចេះជាប្រភេទចង្រិតធម្មជាតិ មិនមែនចង្រិតចិញ្ចឹមនោះទេ។
អ្នកស្រីពេជ្រ បានបន្តទៀតថា ដោយការកម៉្មង់ពីអតិថិជនច្រើនទើបស្តង់តម្រូវឲ្យកម៉្មង់បន្តទៅអ្នកចាប់ចង្រិតរស់ឲ្យនាំចូលពីខេត្តក្រចេះទៅភ្នំពេញ ដោយប្រើរយៈពេលយូរៗម្តងពុំមានរាល់ថ្ងៃនោះទេ។
ការកម៉្មង់ចង្រិតរស់នេះក្នុង១ដងអាចទទួលបានមកលក់ក្នុងស្តង់ចាប់ពី ៦គីឡូក្រាម ទៅ១២គីឡូ ក្រាម ដោយមានអ្នកកម៉្មង់ចាប់ពី២គីឡូក្រាម ៤គីឡូក្រាម ដល់៦គីឡូក្រាមជាប្រភេទចង្រិតដូង។
ចង្រិតដូងយកមកចម្អិនញាត់ជាមួយសណ្តែកដី មានរសជាតិឆ្ងាញ់ណាស់ ហើយចង្រិតដូងនេះមានតម្លៃលក់ចេញក្នុង១គីឡូក្រាម១២ម៉ឺនរៀល។ បច្ចុប្បន្ននៅរដូវភ្លៀងធ្លាក់ចង្រិតសម្បូរភាគច្រើន ក្នុងខេត្តក្រចេះ ដែលប្លែកពីប៉ុន្មានឆ្នាំមុនចង្រិតសម្បូរខ្លាំងនៅខេត្តកំពង់ធំ ដែលមានបរិមាណរាប់តោនផ្គត់ផ្គង់ក្នុងស្រុកផងនិងធ្វើការនាំចេញទៅប្រទេសថៃតាមច្រកប៉ោយប៉ែតផងដែរ៕
Post a Comment