តេង ស៊ាវភីង បិតានៃវឌ្ឍនភាពសេដ្ឋកិច្ច បានប្រើទ្រីស្តីម៉ៅនិយម ហើយវៀតណាម កម្ពុជា ឡាវ សុទ្ធតែអនុវត្តទ្រីស្តីយោធា ម៉ៅ សេទុង ដើម្បីច្រានអាមេរិកចេញពីឥណ្ឌូចិននៅឆ្នាំ១៩៧៥
ដោយៈ សេង ស៊ីដារ៉ូ
ថ្នាក់ដឹកនាំបស្ទឹមលោក អ្នកសង្កេតការណ៍ និងអ្នកការទូតចាប់អារម្មណ៍ឡើងៗ ទៅលើមហិច្ឆតារបស់ចិន ពីព្រោះចិនទុកខ្លួនឯងកាន់តែខ្លាំង ចង់ឲ្យពិភពលោកទទួលស្គាល់ខ្លួនថា ជាមហាអំណាចមួយពិតប្រាកដ។
សកម្មភាពអន្តរជាតិ របស់មហាយក្សអាស៊ីមួយនេះ សកម្មភាពដែលច្របាច់បញ្ចូលគ្នាយ៉ាងប្រសប់ជំនួញ និង ការទូតកំពុងជះឥទ្ធិពលខ្លាំងទៅលើអាស៊ី អហ្វ្រិក និងអាមេរិកខាងត្បូង។
គេនឹងមិនអាចយល់បានឡើយថា ហេតុអ្វីបានជានៅដើមសតវត្ស២១នេះ ចិនបានក្លាយជាមហាអំណាចតំបន់ និងមានមហិច្ឆតាចង់ក្លាយជាមហាអំណាចពិភព បើសិនជាគេមិនយល់ជាមុនសិនទេ នូវមរតកសេដ្ឋ កិច្ច និងសម្បត្តិមនោគមវិជ្ជាដ៏ធំធេងដែ ល តេង ស៊ាវភីង បានបន្សល់ទុកឲ្យប្រជាជាតិចិន។ គឺ តេង ស៊ាវភីង នេះហើយ ដែលប្តូរទិសដៅយុទ្ធសាស្ត្រប្រទេសចិនមុនគេបង្អស់ ដោយបានទាញប្រ ជាជាតិទាំងមូលចេញពីសករាជមនោគមវិជ្ជា ដើម្បីបោះជំហានទៅរកការអភិវឌ្ឍន៍សេដ្ឋកិច្ច។
ឆ្នាំ១៩៤៩ ឆ្នាំដែលសាធារណរដ្ឋប្រជាមានិតចិន បានបដិសន្ធិឡើងរហូតដល់ឆ្នាំ១៩៧៦ នៃបរណភាពរបស់ ជូ អេនឡាយ និងរបស់ម៉ៅ សេទុង យុទ្ធសាស្ត្ររបស់ប្រទេសចិនពឹងផ្អែកទាំងស្រុងទៅលើកត្តាមនោគមវិជ្ជា ទៅ លើទ្រឹស្តីរបស់អគ្គមគ្គុទេសក៍ ម៉ៅ ទ្រឹស្តីគេបានចងក្រងទុកក្នុងកូនសៀវ ភៅក្រហម។ ចំពោះ ម៉ៅ សេទុង វិរបុរសចិន គឺជាអ្នកដែលបានចាប់កំណើតនៅក្នុងភាពក្រតោកយ៉ាក តែធំដឹងក្តីនៅក្នុងភាពរុងរឿងដោយសារ តែគណបក្សកុម្មុយនីស្ត។
តាមរយៈការសង្វាតអានសៀវភៅក្រហមរបស់ មៅ សេទុង រៀងរាល់ថ្ងៃ វិរបុរសកុម្មុ យនីស្តចិន ប្រែក្លាយទៅជាគោលគំនិតរបស់ ម៉ៅ សេទុង ដែលកំពុងតែមានចលនានិងសកម្មភាពជាក់ស្តែង នៅក្នុងជីវិតប្រចាំថ្ងៃតែម្តង។
ចំពោះម៉ៅ សេទុង មនោវិជ្ជាម៉ៅនិយម គឺជាអាវុធភូមិសាស្ត្រនយោបាយដ៏មានប្រសិទ្ធភាបម្រាប់ទប់ទល់នឹង ការគំរាមកំហែងពីសំណាក់សហរដ្ឋអាមេរិក និងពីសំណាក់សហភាពសូវៀត។
ឧទាហរណ៍៖ ទ័ពកុម្មុយនីស្ត នៅវៀតណាម កម្ពុជា និងឡាវ សុទ្ធតែបានអនុវត្តទ្រីស្តីយោធារបស់ ម៉ៅ សេទុង ដើម្បីច្រានអាមេរិកចេញពី ឥណ្ឌូចិននៅឆ្នាំ១៩៧៥។
ដកស្រង់ពីសៀវភៅ ភូមិសាស្ត្រនយោបាយប្រទេសចិន (ហ្សង់-ហ្រ្វង់ស័រ តាន់)
Post a Comment