ផ្លូវជនបទចំនួនពីរខ្សែ ត្រូវបានស្ថាបនាដោយក្រាលកៅស៊ូពីរជាន់ ក្នុងស្រុកកំពង់រោទិ៍

 ខេត្តស្វាយរៀង

 ដោយ៖ ហុង ចំណាប់

លោក អ៊ុក រ៉ាប៊ុន រដ្ឋមន្ត្រីអភិវឌ្ឍន៍ជនបទ អមដំណើរដោយរដ្ឋលេខាធិការ និងអភិបាលខេត្តស្វាយរៀង និង​មន្ត្រីជំនាញជាច្រើនរូប បានអញ្ជើញទៅពិនិត្យការដ្ឋានស្ថាបនាផ្លូវជនបទក្រាលកៅស៊ូពីរជាន់ (DBST)​ចំនួន​២ខ្សែ នៅខេត្តស្វាយរៀង។

 ការស្ថាបនាផ្លូវនេះ មានពីរគម្រោងផ្សេងគ្នាក្នុងនោះមាន៖ ខ្សែផ្លូវទី១មានប្រវែង ៨គីឡូម៉ែត្រ ស្ថិតនៅក្នុង​ឃុំ​ញរ ឃុំរាជ្យមុន្នី និងឃុំបន្ទាយក្រាំង ស្រុកកំពង់រោទិ៍ ក្នុងក្របខណ្ឌគម្រោងកែលម្អផ្លូវជនបទជំហានទី២ ក្រោ​ម​ហិរញ្ញប្បទានឥតសំណងពីរដ្ឋាភិបាលនៃសាធារណរដ្ឋប្រជាមានិតចិន។ លទ្ធផលសម្រេចបាន ២២% និង​ផ្លូវ ១ខ្សែទៀតមានប្រវែង១២គីឡូម៉ែត្រ តភ្ជាប់ពីឃុំព្រះពន្លាទៅដល់ឃុំសំយ៉ោង ស្រុកកំពង់រោទិ៍ ក្នុងក្រប​ខណ្ឌគម្រោងកែលម្អផ្លូវជនបទ ជំហានទី៣ ក្រោមឥណទានសម្បទានពីធនាគារអភិវឌ្ឍន៍អាស៊ី (ADB)។ លទ្ធ​ផលប្រមាណ ៣,៩៥% ហើយគ្រោងនឹងបញ្ចប់ការក្រាលកៅស៊ូពីរជាន់(DBST)នៅក្នុងអំឡុងខែ មេសា ​ឆ្នាំ ២០២៣៕