ដើមថ្នាំជក់ ជាដំណាំបន្ទាប់បន្សំ របស់អ្នកស្រុកក្រូចឆ្មា

ខេត្តកំពង់ចាមៈ

ដោយ៖ សេង ស៊ីដារ៉ូ

ដើមថ្នាំជក់ភាគច្រើន កសិករយើងតែងតែដាំដុះ​នៅតាមដងទន្លេមេគង្គ ​ដោយសារដីល្បាប់សម្បូរ​ទៅដោយជី​ជាតិ និងសម្បូរទឹកផង តែប្រភេទ ដំណាំនេះ តម្រូវការទឹកប្រើប្រាស់ច្រើនផងដែរ។

អ្នកស្រី ណារី មានឪពុកជាអ្នកដាំដើមថ្នាំជក់នេះ​ជារៀងរាល់ឆ្នាំ បាន លើកឡើងថា ​ដំណាំថ្នាំជក់ត្រូវការ​ជ្រើស​រើសដី និងតម្រូវការទឹក ច្រើន។​ ដោយការដាំដើមថ្នាំ ត្រូវការសាបព្រោះពូជជាមុន​ក្នុងរយៈ ពេល១ខែទៅ​ ដាំ​នៅពេលវាមានកម្ពស់១តឹក ដោយប្រើរយៈពេល ២ខែបន្តទៀត ទើបអាចកាត់ស្លឹកប្រមូលផលបាន។

ចំណែកការដាំដើមថ្នាំជក់ គេរាប់គិតជាចំនួនកូន ដោយកសិករយើងខ្លះ អាចដាំបានចំនួន៣ម៉ឺនទៅ៥ម៉ឺន​កូន ក្នុងតំបន់នេះ ដាំថ្នាំជក់បានក្លាយ ជាទម្លាប់ទៅហើយ។​

របៀបប្រមូលផលថ្នាំជក់ គឺត្រូវកាត់ស្លឹកថ្នាំយកមកចំហុយ ដោយប្រើ ការច្អើរយៈពេល៥ថ្ងៃបន្តទៀ។ រដូវដាំថ្នាំ​ជក់​ គឺមានរយៈពេលបីខែ ចាប់ផ្តើមពីខែកញ្ញា រហូតដល់ពេលប្រមូលផលចុងខែកុម្ភៈ។

ដោយឡែកតម្លៃលក់ចេញថ្នាំជក់ ក្រោយពីចំហុយស្លឹកថ្នាំហើយ​អាច លក់បានក្នុង១គីឡូក្រាម ចាប់ពី​៦ពាន់​ទៅ៧ពាន់​រៀល មិនសូវជាចំ ណេញទេ ដោយសារការចំណាយទុនច្រើន ​និងជាមុខរបរបន្ទាប់

បន្សំ​សម្រាប់​ផ្គត់ផ្គង់ជីវភាពប្រចាំថ្ងៃទៅហើយ៕