ផ្លូវចំនួន០២ខ្សែ កំពុងស្ថាបនា នៅខេត្តកំពង់ឆ្នាំង ជាជំនួយឥតសំណងរបស់សាធារណរដ្ឋប្រជាមានិតចិន
ខេត្តកំពង់ឆ្នាំង
ដោយ៖ ហុង ចំណាប់
លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយ រដ្ឋលេខាធិការប្រចាំការថ្នាក់ដឹកនាំក្រសួង លោក ឈួ ច័ន្ទឌឿន អភិ បាលខេត្តកំពង់ឆ្នាំង ព្រមមន្ត្រីជំនាញបានចុះពិនិត្យការដ្ឋានស្ថាបនា
ផ្លូវក្រាលកៅស៊ូពីរជាន់ប្រភេទ DBST ចំនួន០២ខ្សែ ដែលស្ថិតក្នុងក្រប ខណ្ឌគម្រោងកែលម្អ ផ្លូវជនបទជំហានទី២ ក្រោមហិរញ្ញប្បទាន ឥត សំណងពីរដ្ឋាភិបាលនៃសាធារណរដ្ឋប្រជាមានិតចិន កាលព្រឹកថ្ងៃព្រហស្បតិ៍ ១កើត ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៤ ខែមករា ឆ្នាំ២០២១ ថ្មីៗនេះ ។
ខ្សែទី១ ចាប់ពីផ្លូវជាតិលេខ ៥៣ (ភូមិប្រច័ក្ស) ទៅភូមិព្រៃមូល ភូមិតា លោ ប្រវែង ៤.១៥គ.ម ស្ថិតក្នុងស្រុករលាប្អៀរ។
ខ្សែទី២ ពីផ្លូវលេខ ១៥០A ភូមិសាលាលេខ៥ ទៅផ្លូវលេខ ១៥០B ភូមិតាចេស ស្រុកកំពង់ត្រឡាច ខេត្តកំពង់ឆ្នាំង ដែលមានប្រវែងសរុប ១១.០៣៧គ.ម ។ ផ្លូវទាំងពីរខ្សែនេះ លទ្ធផលសម្រេចបានប្រមាណ ៤៨% ហើយ៕
Post a Comment