ម្ចាស់កសិដ្ឋានលក់កូនត្រី ក្នុងខេត្តត្បូងឃ្មុំ ថា ​​ប្រជាកសិករងាកមកចិញ្ចឹមត្រី​ ​ដើម្បីផ្គត់ផ្គង់​ជីវភាព​គ្រួសារ​​លក្ខណៈគ្រួសារ

 ខេត្តត្បូងឃ្មុំៈ

 ដោយ៖ សេង ស៊ីដារ៉ូ

កសិដ្ឋានលក់កូនត្រី ក្នុងខេត្តត្បូងឃ្មុំ បានផ្សព្វផ្សាយលក់តាម​បណ្តាញសង្គមហ៊្វេកប៊ុក ​ដូចជា​ប្រភេទ​កូន​ត្រី​អណ្តែង ត្រីប្រា ត្រីឆ្ពិន ត្រីក្រាញ់ ត្រីរ៉ស់ ដែលគិតតម្លៃទៅតាម​ការរាប់ក្បាលកូនត្រី ហើយអាចលក់ក្នុងមួយ​ថ្ងៃ​បានជាង១០០គីឡូក្រាមឯណោះ។

 ម្ចាស់កសិដ្ឋានលក់កូនត្រី បានរៀបរាប់ប្រាប់ថា ក្នុងចំណោមកូនត្រីចម្រុះដែលដាក់លក់ក្នុងកសិដ្ឋាននេះ មានកូនត្រីប្រា ដែលមានតម្លៃខ្ពស់ជាងគេ ដែលលក់ចេញក្នុង១គ្រាប់៩០រៀលទៅ១០០រៀល តែចំពោះ​ត្រី​បា្រនេះ ពិបាកចិញ្ចឹមបន្តិចដោយចំណាយទុនច្រើន និងមានតម្រូវការទីផ្សារច្រើនផងដែរ។​

ចំណែកកូនត្រីរ៉ស់ អាចលក់ចេញបាន១គ្រាប់៦០រៀល។ ប៉ុន្តែសព្វថ្ងៃនេះ ​ប្រជាកសិករងាកមកចិញ្ចឹមត្រី​ក្នុង​ស្រុក​ដើម្បីផ្គត់ផ្គង់ជីវភាពគ្រួសារ ភាគច្រើនក្នុងខេត្តត្បូងឃ្មុំនេះតែម្តង ដោយសារកន្លងមកជំងឺកូវីដ១៩​រាល​ដាលជាសកល ដែលបានធ្វើឲ្យចរាចរណ៍ត្រីតូ្រវផ្អាក ការនាំចូលនាំចេញ ​ដែលជាឱកាសមាស​របស់​ប្រជា​កសិករ ងាក មកចាប់មុខរបរចិញ្ចឹមត្រី ជាលក្ខណៈគ្រួសារដែលធ្វើឲ្យតម្លៃត្រីងើបឡើងជាបណើ្តរៗ ក៏ដោយ​សារ​​មានតម្រូវការ ទីផ្សារខ្ពស់ក្នុងស្រុក។

 បើយោងតាមសេចក្តីប្រកាសព័ត៌មានរបស់ក្រសួងកសិកម្មរុក្ខាប្រមាញ់ និងនេសាទ​ បានចេញបម្រាមមិនឲ្យ​អាជី​វករធ្វើការនាំចូលដូចជា ត្រីប្រា ត្រីពោ ត្រីអណ្តែង និងត្រីចម្រុះផ្សេងៗទៀត​បានឡើយ ​ដែលជាការ​លើក​ទឹកចិត្តដល់អ្នកចិញ្ចឹមត្រីក្នុងស្រុក មានទឹកចិត្តពង្រីកនៅមុខរបរចិញ្ចឹមត្រីនេះឡើងវិញ​ ដើម្បីបម្រើសេដ្ឋកិច្ច​ក្នុង​ប្រទេសទាំងមូល៕