លោក វ៉ាន់ ថន ម្ចាស់សិប្បកម្មផលិតពពុះសណ្តែក ថា នាពេលបច្ចុប្បន្ននេះ ពពុះសណ្តែក​បានថ្លៃ

 ខេត្តកណ្តាលៈ

ដោយ៖ សេង ស៊ីដារ៉ូ

ពពុះសណ្តែក ឬហូរគី គេតែងតែយកមកផ្សំជាមួយសម្ល ​ឬឆា​ក៏បាន តាមតម្រូវការអ្នកទទួលទាន​ដែលផលិត​

ចេញពីសណ្តែកសៀង។

លោក វ៉ាន់ ថន ម្ចាស់សិប្បកម្មផលិតពពុះសណ្តែក តាំងពីឆ្នាំ២០១៥មកម៉្លេះ ដែលរស់នៅក្នុងឃុំឧញ៉ាតី ខេត្ត​កណ្តាល ដោយរូបលោក បានរៀនផលិតពពុះសណ្តែកនេះតៗគ្នាមក។ការផលិតពពុះសណ្តែក​នេះ​មាន​​​ចំនួន ៩៦ខ្ទះ​ ដោយប្រើប្រាស់កំលាំងចម្អិន៤នាក់។​ ចំណែកការ​ផលិតពពុះសណ្តែកវិញ​ គឺនៅពេល១យប់​ហើ​យពេលថ្ងៃយើងត្រូវដាក់ហាលសណ្តែកស្ងួតល្អ ងាយស្រួលវៃយកសម្បកចេញ​ បន្ទាប់មកយើងត្រូវយក​ស​ណ្តែក​មកកិន រួច​​យកវាទៅស្ងោរក្នុងខ្ទះ និងប្រើបច្ចេកទេសដួសចេញយកមកហាល ដោយពីសង្គមមុនត្រូវ​ហាលនឹងទឹកសន្សើ​ម​ជាមុនសិន ដើម្បីឲ្យពពុះសណ្តែកទន់ងាយស្រួលបត់ យកទៅលក់ ក៏ប៉ុន្តែសម័យ​បច្ចុ​ប្ប​ន្ន​នេះ ប្រើប្រាស់ការបាញ់​ទឹក ឲ្យសាចត្រូវពពុះសណ្តែកឆាប់ទន់ និងឆាប់បត់យកទៅលក់ផង។​

បើនិយាយពីតម្លៃពីមុនថ្លៃ ១៧០០០រៀលក្នុង១គីឡូក្រាម តែមកដល់ពេលនេះ ពពុះសណ្តែកបានថ្លៃ​១៨៥​០០

​​​រៀល ឈានទៅដល់២ម៉ឺនរៀលក្នុង១គីឡូក្រាម ក្នុងឱកាសបុណ្យភ្ជុំបិណ្ឌនេះ។

លោក វ៉ាន់ ថន ថាសិប្បកម្មរបស់លោក អាចប្រើប្រាស់សណ្តែកសៀង ក្នុងការផលិតពពុះសណ្តែកបានចំនួន

​៥០០គីឡូក្រាមក្នុង១ថ្ងៃ។ ការផលិតពពុះសណ្តែក មានអត្ថប្រយោជន៍ច្រើន ដោយកាកសណ្តែកសល់ពី​ការ​

ផលិតអាចឲ្យជាចំណីគោ ជ្រូក ត្រីបាន ​រាល់ថ្ងៃលោកវ៉ាន់ថន អាចចិញ្ចឹមគោចាប់ពី២៥ក្បាល​ទៅ៣០ក្បាល

(ដោយក្នុងនោះក្តាំងរបស់ពពុះសណ្តែកក៏ជាចំណីសត្វដែរ)៕