ផ្អកស្លឹកដំឡូងមីខ្ចីៗ ជាចំណីមានជាតិប្រូតេអ៊ីន ដែលធ្វើឲ្យសត្វគោឆាប់ធំធាត់

ខេត្តបាត់ដំបងៈ

ដោយ៖ សេង ស៊ីដារ៉ូ

ការផលិតផ្អកពីស្លឹកឬត្រួយដំឡូងមី​​ អាចធ្វើជាចំណីសត្វគោបានយ៉ាងងាយ ​ក្រោយការបន្សាបជាតិពុលរួច​រាល់

​​ហើយ​​នោះ។​

ព្រោះដោយសារតែស្លឹកដំឡូងមីនេះ សំបូរទៅដោយជាតិប្រូតេអ៊ីនច្រើន ​ក្នុងការបំប៉នដល់សុខភាពសត្វគោ​ឲ្យ​​

ឆាប់ធំធាត់ និងបានផ្តល់អត្ថប្រយោជន៍ច្រើន ដល់អ្នកប្រកបមុខរបរចិញ្ចឹមគោ។

លោក នី ណាក់ ជាម្ចាស់កសិដ្ឋានចិញ្ចឹមគោ ​ក្នុងខេត្តបាត់ដំបង បានបា្រប់ឲ្យដឹងពីការកែច្នៃអាហារចំណីគោ​ពីស្លឹកដំឡូងមី ឲ្យទៅជាផ្អកដែលអាចទុករយៈពេលលើសពី៦ខែ ​ដោយច្រកក្នុងថង់ឲ្យបានត្រឹមត្រូវ បើសិន​បើកចំ ហនឹងបណ្តាលឲ្យខូចគុណភាពផ្អកស្លឹកដំឡូងមី។ លោក នី ណាក់ បានបន្តថា​​ ស្លឹកដំឡូងមីខុស​ពី​ស្លឹក​ដំឡូងគ ដោយស្លឹកដំឡូងមីមានជាតិពុលច្រើនមិនអាចទទួលទានបានទេ ដោយឡែកស្លឹកដំឡូងគ អាច​ទទួលទានបាន តែមិនសូវមានអ្នកដាំដុះច្រើននោះទេ។​

ដើម្បីឲ្យស្លឹកដំឡូងមី ក្លាយជាផ្អកទុកបានយូរ​ យើងត្រូវធ្វើការបន្សាបជាតិពុលជាមុនសិន ​មុននឹងឲ្យគោស៊ី ហើយក្នុងការឲ្យវាស៊ី ក៏ត្រូវឲ្យមានកម្រិតវាផងដែរ។ លោក នី ណាក់ បន្តទៀតថា បច្ចេកទេសធ្វើផ្អកដំឡូងមី​នេះ​ គឺធ្វើតាមប្រទេសថៃ។យើងមានវត្ថុធាតុដើមដ៏ល្អ យើងមិនគួរបោះចោលឡើយ គឺនាំឲ្យខាតបង់លុយ​កាក់​ដ៏ច្រើន ព្រមទាំងមានប្រូតេអ៊ីន២៩%។

នៅពេលធ្វើផ្អក វាកើនប្រូតេអ៊ីនដល់លើសពី៤០% ដែល​ធ្វើឲ្យគោធំធាត់លឿន យកស្លឹកដំឡូងមីស្រស់ទាំងដើម​ខ្ចីៗមកហាលសំដិលនៅក្រោមកំដៅថ្ងៃចំនួនមួយម៉ោងឬ២ម៉ោង ​ដើម្បីឲ្យស្រពោនបាត់បង់ជាតិទឹកខ្លះៗនៅ​សល់​សំណើម៦០% រួចហើយយកវាទៅហាន់ល្អិតៗ​មុនហាលថ្ងៃ​ ត្រូវយកស្កររងូរ ​កាកស្កររោងចក្រ ដែលសុទ្ធ​ល្អ​មកលាយប្រោសពីលើវាតាមអត្រាស្លឹកដំឡូងមី១០០គីឡូ ស្កររងូ៥គីឡូក្រាម ឬអាចប្រើស្ករត្នោតចាស់ៗ ក៏បានដែរ។

ច្របល់ចូលគ្នាឲ្យសព្វល្អ(ហាមដាក់ទឹក)រួចច្រកចូលក្នុងស្បោងឬថង់ប្លាស្ទិចប៊ឺតយកខ្យល់ចេញ​ពីថង់​ឲ្យ​អស់​​​

(សុញ្ញកាស)ហើយត្រូវចងមាត់ឲ្យជិតល្អរក្សាទុកចំនួន២១ថ្ងៃ(អាចរក្សាទុកបាន១ឆ្នាំ)បរិមាណដែលត្រូវ​ផ្តល់​ឲ្យ​គោស៊ី គឺ ៣គីឡូ្កក្រាមក្នុង១ថ្ងៃ លាយជាមួយស្មៅស្រស់ឬផ្អកចំបើង។ ត្រូវចងចាំថា បរិមាណចំណីឲ្យ គោស៊ីគឺ​១០% នៃទំងន់ខ្លួនរបស់វា៕