សិប្បកម្មកែច្នៃទូកត្នោត និងរទេះគោ កំពុងចំណាប់អារម្មណ៍យ៉ាងខ្លាំង

ខេត្តកំពង់ធំៈ

ដោយ៖ សេង ស៊ីដារ៉ូ

សិប្បកម្មកែច្នៃ រទេះគោចាស់ៗ ដែលធ្វើការកែច្នៃឡើងវិញ និងដើមត្នោត ​ផលិតឲ្យក្លាយទៅជាទូកត្នោតនេះ

​កំពុងពេញ​និយម​ពីសំណាក់អ្នកប្រើប្រាស់។ ហើយសិប្បកម្មកែច្នៃមួយនេះ​ បានធ្វើការដឹកជញ្ជូនពីកន្លែង​ផលិត ស្ថិត​នៅក្នុងស្រុកបារាយណ៍ ខេត្តកំពង់ធំ យកមកលក់គ្រប់ទីកន្លែងសាធារណៈ ពិសេស​គឺ ក្នុង​រាជ​ធានី​ភ្នំពេញ​តែ​​​ម្តង។

ដើមត្នោត នៅពេលបានកែច្នៃទៅជាទូកត្នោត ​អាចជិះបានមនុស្ស ២ទៅ៣នាក់​ ហើយ​ពេលនៅ​ត្រាំក្នុងទឹក​វា

​មានអាយុកាលរាប់សិបឆ្នាំ។

លោក ខា បានបញ្ជាក់អំពីរទេះគោថា ដោយឡែករទេះគោវិញ បានកែលម្អដោយធ្វើការបាញ់ និងលាបថ្នាំ​ខ្មៅ​

ឲ្យ​​រលោង ទើបដឹកជញ្ជូនទូកត្នោត និងរទេះគោនេះ មកលក់តាមទីប្រជុំជននានា​ ពិសេស គឺដឹកនាំចូល​មក​លក់ក្នុងរាជនីភ្នំពេញ និងក្នុងក្រុងតាខ្មៅ។ ក្នុងនោះទូកត្នោត១ ​មានតម្លៃលក់ចេញ ១០០ដុល្លារ​ មានទាំង​ជើង​​ទម្រផង ចំណែករទេះគោ អាចលក់បានថ្លៃជាង ក្នុង១រទេះ បានតម្លៃ៤០០ដុល្លារ។

លោក ខា បានបន្តថា សិប្បកម្មរបស់លោក បានដឹកជញ្ជូនទូកត្នោត លក់អស់ចំនួនជាង៥០០ទូក និងរទេះ​គោ បានប្រមាណ ៦០រទេះ។ ​ក្នុង១លើកៗ អាចដឹកជញ្ជូនបានទូកត្នោត ១៥ទូក និងរទេះគោបានចំនួន ​២ គ្រឿង ក្នុងការដឹកជញ្ជូននេះ គឺ​ប្រើរ៉ឺមក ទើបបានតិច ដែលប្រើរយៈពេល៤ថ្ងៃ​ទើបអស់​។ សិប្បកម្មកែច្នៃ​ទូកត្នោត​នេះ ​មានអ្នកគាំទ្រច្រើន ដែលជាផលិតផលខ្មែរ កើតឡើងពីស្នាដៃកូនខ្មែរសុទ្ធសាធ នឹងក៏បានចូល​រួម​អភិរក្សវត្ថុ​ពីសម័យបុរាណ ឲ្យបានយូរអង្វែងសម្រាប់ឲ្យកូនខ្មែរស្រករក្រោយស្គាល់ផងដែរ៕