លោកវាសនា ថា ការផ្គត់ផ្គង់សាច់មាន់ក្នុងទីផ្សារ មានតម្រូវការរាល់ថ្ងៃ តម្លៃក៏សមរម្យ

ខេត្តកណ្តាលៈ

ដោយ៖ សេង ស៊ីដារ៉ូ

ការផ្អាកនាំចូលមាន់ ជ្រូក​ពីក្រៅប្រទេស បានធ្វើឲ្យអ្នកចិញ្ចឹមមាន់ ក្នុងស្រុក​មានសង្ឃឹម ព្រោះទីផ្សារតម្រូវការ​

សាច់ទាំងនេះច្រើន។

លោក វាសនា រស់នៅក្នុងព្រែកតាម៉ាក់ ស្រុកខ្សាច់កណ្តាល ខេត្តកណ្តាល ដែលមានមុខរបរចិញ្ចឹមមាន់​នេះ​

អស់រយៈពេលបីឆ្នាំមកហើយ ក្នុងការចិញ្ចឹមមាន់ស្រែមួយលើកៗ គឺចាប់ពី៥០០ទៅ១០០០ក្បាល។ ដោយក្នុង ១ឆ្នាំៗអាចបញ្ចេញលក់បានបីទៅបួនដង។

ក្នុងការចិញ្ចឹមមាន់ស្រែនេះ រូបលោក ប្រើរយៈពេលជាងបីខែ ​អាចលក់ចេញបាន ​ក្នុងនោះមានមេពូជ​ មួយ​

ក្បាលតម្លៃ ៤ម៉ឺនរៀល ដែលមានទម្ងន់២,៥០គីឡូក្រាម ហើយចំណែកមាន់ស្រែ អាចលក់បាន​១គីឡូ​ក្រាម​ថ្លៃ 

១៨០០០រៀលសម្រាប់លក់ដុំ បើលក់រាយលក់បាន២ម៉ឺនរៀល។​

លោក វាសនា​ បានឡើងឡើងថា ដោយឡែករោងចិញ្ចឹមមាន់ស្រែរបស់ រូបលោក មានទទឹង៦ម៉ែត្រ និង 

បណ្តោយ១២ម៉ែត្រ ដែលអាចចិញ្ចឹមមាន់បានចាប់ពី៦០០ទៅ៧០០ក្បាល​ដោយក្នុងនោះចំណាយទុន៣ម៉ឺន​ដុល្លារ​ជាភាគហ៊ុនចូលគ្នា។

ក្នុងការចិញ្ចឹមមាន់ស្រែនេះ ក៏ជួបនឹងឧបសគ្គខ្លះដែរ ទៅនឹងមាន់ដែលមានជំងឺប្រគាវកាច់ មិនថាមាន់តូចឬធំ 

នោះទេ គឺវាកើតឡើងលើមាន់​ទាំងអស់ ​យើងក៏ត្រូវមានវិធានការណ៍ចាក់វ៉ាក់សាំងមាន់ បង្ការជាមុន​ក្នុងមួយ​ឆ្នាំបានម្តងដែរ។​ ចំណែកទីផ្សារសាច់មាន់វិញ ​មានការកើនឡើងជារៀងរាល់ថ្ងៃ ចំពោះមាន់សាច់ មានឈ្មួញ មក​ទិញដល់កន្លែងចិញ្ចឹមតែម្តង៕