លោក ដែក សុវណ្ណ ឈ្នះរង្វាន់ទឹកប្រាក់ចំនួន ១០០ ០០០ដុល្លារ ពីកម្មវិធីឈ្នះ​១ម៉ឺនដុល្លារ​រៀង​រាល់ថ្ងៃពី​សែលកាត

ភ្នំពេញៈ

ដោយ៖ កញ្ញា សុវ៉ាត

កម្មវិធីឈ្នះ ១ម៉ឺនដុល្លារ រៀងរាល់ថ្ងៃ របស់សែលកាត ឥឡូវនេះអ្នកមានសំណាង បានឈ្នះរង្វាន់ទឹកប្រាក់​ដ៏​ច្រើន​សន្ធឹកសន្ធាប់ពីសែលកាត ​ ១០០ ០០០ ដុល្លារ។

លោក ដែក សុវណ្ណ មានមុខរបរជាគ្រូបង្រៀននៅក្នុងទីក្រុងភ្នំពេញ គឺជាអ្នកដែលមានសំណាងបានឈ្នះ​រង្វាន់ ១០០ ០០០ដុល្លារ នៅក្នុងកម្មវិធីចាប់រង្វាន់ផ្ទាល់​ប្រចាំថ្ងៃរបស់​សែល​កាត នាថ្ងៃអង្គារ ទី១៦ ខែមិថុនា ឆ្នាំ២០២០។ លោក ដែក សុវណ្ណ គឺជាអ្នកឈ្នះ លើកទី ២៤ នៃកម្មវិធីឈ្នះ១ម៉ឺនដុល្លារ​រៀងរាល់ថ្ងៃ​របស់​ក្រុមហ៊ុនសែលកាត ក្នុងឆ្នាំនេះ  ហើយក្រុមហ៊ុនបាននាំយករង្វាន់ទៅប្រគល់ជូនគាត់ ដល់គេហដ្ឋាន នៅក្នុងខណ្ឌសែនសុខ រាជធានីភ្នំពេញ នៅថ្ងៃព្រហស្បតិ៍ទី ១៨ ខែមិថុនា។

ការផ្សាយផ្ទាល់លើទំព័រ YouTube របស់សែលកាត បានLive ចាប់រង្វាន់នៅម៉ោង ៩យប់ ហើយក្រុមការងារ​របស់សែលកាត បានតេទៅភ្លាមៗ ពីការឈ្នះរង្វាន់ដ៏មហាសំណាងនេះ។

ប៉ុន្តែលោក ដែក សុវណ្ណ ថា ក្រុមគ្រួសាររបស់លោកមិនជឿថា ​ពិតជាមានសំណាងបានឈ្នះរង្វាន់​មែននោះ​ទេ។ បន្ទាប់ពីស្តាប់ការពន្យល់យ៉ាងច្បាស់លាស់ ដោយពិធីកររបស់សែលកាត និងការបញ្ជាក់បន្ថែមពីកូន​ប្រ​សា​រ​ស្រីរបស់គាត់ ទីបំផុត គាត់ក៏ជឿជាក់ថា រូបគាត់ពិតជាអ្នកមានសំណាងឈ្នះរង្វាន់ពីកម្មវិធីឈ្នះ​១ម៉ឺន​ដុល្លារ​រៀង​រាល់ថ្ងៃ ពិតប្រាកដមែន។

លោក ដែក សុវណ្ណ បានលើកឡើងថា «ខ្ញុំមានអារម្មណ៍រន្ធត់ខ្លាំងណាស់ នៅពេលដែលដឹងថាខ្ញុំ​បានឈ្នះ​រង្វាន់​នេះ ហើយខ្ញុំសឹងតែមិនជឿខ្លួនឯងទេថា វាគឺជាការពិត។​ យ៉ាងណាមិញ ខ្ញុំសូមថ្លែងអំណរគុណចំពោះ​ក្រុមហ៊ុន​សែលកាត នូវឱកាសដ៏មហាពិសេសនេះ ព្រោះថា ក្នុងអំឡុងពេលនេះ យើងគ្រប់គ្នាកំពុងតែជួបការ​លំបាកផ្នែកហិរញ្ញវត្ថុខ្លាំងណាស់។ 

លោក អៀន វ៉ាតសុន(Ian Watson) នាយកប្រតិបត្តិក្រុមហ៊ុនសែលកាត បានមានប្រសាសន៍ថា លោកពិត​​ជា​​មានអារម្មណ៍រំភើបរីករាយជាខ្លាំង ជាមួយនឹងការឈ្នះរង្វាន់ពីកម្មវិធីឈ្នះ១ម៉ឺនដុល្លារ រៀងរាល់ថ្ងៃ។

 “វាពិតជាអស្ចារ្យណាស់ ដែលក្រុមហ៊ុនសែលកាត អាចចូលរួមជួយផ្លាស់ប្តូរជីវិតរបស់បងប្អូនខ្មែរយើងបាន ជាមួយឱកាសនៃការឈ្នះនូវរង្វាន់ដ៏ច្រើនសន្ធឹកសន្ធាប់ ហើយអ្វីដែលមិននឹកស្មានដល់នោះ គឺយើងបាន​សែ្វង​​​រកឃើញអ្នកឈ្នះរង្វាន់ធំចំនួនពីរនាក់ នៅក្នុងកំឡុងពេលគៀកៗគ្នា ខ្ញុំក៏សូមចូលរួមអបអរសាទរ​ជា​មួយ​លោក ដែក សុវណ្ណ ថា និងក្រុមគ្រួសាររបស់គាត់នូវការឈ្នះរង្វាន់ដ៏មហាសំណាងនេះ។ សែលកាត គឺ​ជាក្រុមហ៊ុនផ្តល់សេវាទូរគមនាគមន៍ល្អផ្តាច់គេ នៅក្នុងប្រទេសកម្ពុជា ដូច្នះដើម្បីថ្លែងអំណរគុណ​ចំ​ពោះ​ភាព​ស្មោះស្ម័គ្ររបស់អតិថិជន សែលកាត ក៏មានមោទនភាព​ក្នុងការផ្តល់ជូននូវរង្វាន់លើកទឹកចិត្ត​សម្រាប់​​ការគាំ​ទ្រ​របស់ពួកគាត់ដូចគ្នា” ។

ប្រសិនបើចាប់អារម្មណ៍ចង់ចូលរួមលេង ជាមួយកម្មវិធីផ្សងសំណាងប្រចាំថ្ងៃនេះ អ្នកអាចតេទៅលេខ 8888 ឬផ្ញើសារ “10K” ទៅកាន់ 8888 ហើយបន្ទាប់មក អ្នកនឹងទទួលបានលេខផ្សងសំណាងទាំង ៦ខ្ទង់។ អ្នក​ឈ្នះ នឹងត្រូវប្រកាសជារៀងរាល់ថ្ងៃនៅម៉ោង ៦ល្ងាច នៅលើទំព័រ YouTube របស់ក្រុមហ៊ុនសែលកាត៕