អ្នកស្រី សុគន្ធ ថា ការបង្កើតសហគ្រាសផលិតប្រេងកូឡា​ ប្រេងខ្យល់សញ្ញារូបនាគនេះ​ឡើង​ គឺចង់បង្ហាញពី​ស្នាដៃកូនខ្មែរ​ ក្នុងការចូលរួមប្រកួតប្រជែងលើទីផ្សារ ដូចផលិតផលក្រៅប្រទេស

ខេត្តបាត់ដំបងៈ

ដោយ៖ ហុង ចំណាប់

សហគ្រាសផលិតប្រេងកូឡា និងប្រេងខ្យល់សញ្ញារូបនាគ មានប្រភពដើមមកពីខេត្តបាត់ដំបង ​ជាផលិត​ផល​

ស្នាដៃកូនខ្មែរពិត បាន​បង្កើតឡើងរយៈពេល១០ឆ្នាំមកហើយ ព្រមទាំង​បង្ហាញវត្តមានក្នុងពិព័ណ៌ផលិតផល​ខ្មែរជារៀងរាល់ឆ្នាំ។

អ្នកស្រី សុគន្ធ នាយកសហគ្រាសផលិតផលប្រេងកូឡា ​និងប្រេងខ្យល់សញ្ញារូបនាគ​មានអាស័យដ្ឋាននៅ​ទី​រួម

ខេត្តបាត់ដំបង បានបង្កើតឡើង១០ឆ្នាំ​ ដោយមានអតិថិជនស្គាល់ពីគុណភាពប្រេងកូឡា ​និងប្រេង​ខ្យល់​នេះ

​ក្នុងខេត្តបាត់ដំបង, ភ្នំពេញ, សៀមរាប, កំពង់ចាម, និងខេត្តព្រះសីហនុ​ តាមរយៈពិព័ណ៌បង្ហាញ​ជាច្រើន​លើក

រួចមកហើយ។

អ្នកស្រី សុគន្ធ បានបញ្ជាក់ពីការផ្សំឡើងពីវត្ថុធាតុដើមក្នុងស្រុកមាន ម៉ុងតុល, កាប៊ូ, ប្រេងរកាំ​និងប្រទាល​ខ្មែរ​​​

បូរាណ១០៨មុខ សម្រាប់ការផលិតនេះ គឺជាស្នាដៃកូនខ្មែរសុទ្ធសាធ។ ប្រេងកូឡា រូបនាគនេះ ១ដបថ្លៃ ២៥០០រៀល ចំពោះប្រេងខ្យល់ ១ដបថ្លៃ ៤០០០រៀល​ដោយបន្តចែកចាយ​តាម​បណ្តាខេត្តនានា។

អ្នកស្រី សុគន្ធ បានប្រាប់បន្តទៀតថា គោលបំណងនៃការបង្កើតសហគ្រាសខ្នាតតូចនេះឡើង​ គឺចង់បង្ហាញពី​

ស្នាដៃកូនខ្មែរ​ ក្នុងការចូលរួមប្រកួតប្រជែងលើទីផ្សារ ដូចផលិតផលថៃជាដើម ហើយក៏បានអំពាវនាវ​ឲ្យប្រជា

​ពលរដ្ឋ មេត្តាជួយគាំទ្រ និងប្រើប្រាស់ផលិតផលខ្មែរក្នុងស្រុក ឲ្យបានច្រើនផង៕