លោក យ៉ាន ថា បុខរបរដាំផ្កាស្បៃរឿង អាចជួយសម្រួលដល់សេដ្ឋកិច្ច ក្នុងគ្រួសារ

ខេត្តកណ្តាល:

ដោយ៖​ យ៉ែម សុវត្ថារ៉ូ

ផ្កាស្បៃរឿង មានពីរប្រភេទ គឺ ផ្កាស្បៃរឿងសម្រាប់តុបតែងលម្អរ  និងសម្រាប់យកមកធ្វើបន្លែអន្លក់  ដែល​

ប្រជាកសិ​​ករ ក្នុងឃុំរកាខ្ពស់ ក្រុងតាខ្មៅ តែងតែដាំជារៀងរាល់ឆ្នាំ និងជាមុខរបរប្រចាំថ្ងៃ របស់ពួកគាត់។

ផ្កាស្បៃរឿងទាំងពីរប្រភេទនេះ ដាំឆាប់ទទួលបានផលដូចគ្នា ចំណែក​ផ្កាស្បៃរឿងមានផ្កាពណ៌លឿង ស្រស់

ឆើត អាចលក់បានជារៀងរាល់ថ្ងៃ ពិសេសក្នុងឱកាសបុណ្យទានធំៗ ឬថ្ងៃសិល ដែលប្រជាពលរដ្ឋខ្មែរនិយម​ប្រើប្រាស់។

លោក  យ៉ាន ​ជាកសិករក្នុងឃុំរការខ្ពស់ ក្រុងតាខ្មៅ ដែលដាំស្បៃរឿងអន្លក់មកលក់នៅទីផ្សារ បានប្រាប់ថា 

ស្បៃរឿងជាបន្លែ ឬអន្លក់នេះ ក៍មានផ្កាដែរ តែមិនអាចហូបផ្កាបានទេ អាចហូបដើមបាន នៅពេលដើមស្បៃ​រឿង​នេះ ឆាប់ចេញផ្កាតូចៗចំរុះ ពេលនោះជាពេលដែល យើងទុកគ្រាប់វាធ្វើពូជ សម្រាប់ទុកដាំនៅពេល​ក្រោយទៀត។

លោក យ៉ាន បានបន្តទៀតថា  ឈ្មួញមកទិញបន្លែស្បៃរឿងនេះ ជាប្រចាំ ដោយតម្លៃក្នុង១គីឡូ ១៥០០៛ 

ជួនកាលបានថ្លៃតែ ៥០០៛ ក៍មានដែរ ស្បៃរឿងអន្លក់នេះ ដាំតែរយៈពេល១ខែ អាចច្រូតប្រមូលផលបាន និង

ក្រោយពីរច្រូតយកត្រួយវាហើយ រយៈពេល១០ថ្ងៃ បន្តការច្រូតបានរហូត។

លោក យ៉ាន  បានចាប់អាជីពដាំស្បៃរឿង រយៈពេល ៥ឆ្នាំមកហើយ ដោយបង់ថ្លៃឈ្នួលដី ២00 $ ក្នុង១ឆ្នាំ

ហើយមុខរបរនេះ ក៍បានជួយសម្រាលបន្ទុក ក្នុងសេដ្ឋកិច្ចគ្រួសារបានមួយផ្នែកដែរ៕