លោក ចៅ ឡង់ឌី អនុប្រធានមន្ទីររៀបចំដែនដីនគរូបនីយកម្ម សំណង់ និងសូរិយោដី កោះហៅ លោក គីស៊ុន ហេង ម្ចាស់សំណង់ ​ដែលសាងសង់ដោយពុំមានច្បាប់មកសាកសួរ

ខេត្តសៀមរាបៈ

 

ដោយ៖ ហុង ចំណាប់

 

សំណង់មួយកន្លែងកំពស់៣ជាន់ សាងសង់ដោយពុំមានច្បាប់ ស្ថិតនៅភូមិចុងកៅស៊ូ សង្កាត់​ស្ល​ក្រាម ក្រុងសៀមរាប ខេត្តសៀមរាប ត្រូវបានមន្ទីរសូរិយោដីខេត្តសៀមរាប អោយផ្អាកការសាង សង់​ ជាបណ្តោះអាសន្នហើយ កាលពីថ្ងៃទី២៦ មិថុនា ឆ្នាំ២០១៩ ។

 

លោក ចៅ ឡង់ឌី អនុប្រធានមន្ទីររៀបចំដែនដីនគរូបនីយកម្ម សំណង់ និងសូរិយោដី ខេត្តសៀម​រាប បានកោះហៅ លោក គីស៊ុន ហេង ម្ចាស់ផ្ទះ (ម្ចាស់សំណង់)  និង២គ្រួសារទៀត​ជាអ្នកជាប់​ព្រំដី​គ្នាទី១ លោកស្រី ណែម ស៊ាងហ៊ន  ជាប់ព្រំដីខាងកើត និងលោក ផេង សុង អ្នកជាប់ ព្រំដី ខាងលិច ដើម្បីមកដោះស្រាយ បន្ទាប់ពីបានស្តាប់ការរៀបរាប់ផ្ទាល់មាត់រវាងម្ចាស់ សំណង់ និង អ្នកជាប់ព្រំដី២ គ្រួសារនោះរួច។

 

លោក ចៅ ឡង់ឌី អនុប្រធានមន្ទីរ បានព្រមានលោក គី ស៊ុនហេង ម្ចាស់សំណង់ ឲ្យផ្អាកការ​សាង​សង់​ជាបណ្តោះអាសន្ន រងចាំច្បាប់អនុញ្ញាតចេញសិន ហើយត្រូវរកក្រុមហ៊ុន ឬវិស្វករ​ដែលមាន​ជំនាញសាងសង់មកពិនិត្យឡើងវិញ ពីគុណភាព​ ម្យ៉ាងទៀតសំណង់ផ្ទះនោះបាក់ស្រុត ឬរលំ នូវ​ប្រការ​ណាមួយត្រូវធានារ៉ាប់រង ដល់អ្នកជិតខាងជាប់ព្រំដី២គ្រួសារនោះសិន។

 

សូមបញ្ជាក់ថា កាលពីព្រឹក​ថ្ងៃទី០១ ឧសភា ២០១៩ គណៈកម្មាការទទួលបន្ទុកសំណង់ សង្កាត់ស្ល​ក្រាម ក្រុងសៀមរាប បានហៅមកដោះស្រាយម្តងហើយ ដោយលោកស្រីណែម ស៊ាងហ៊ន  សុំ​​ឲ្យ​​​ផ្អាក​ការសាងសង់ហើយសំណង់នោះមិនមានច្បាប់ ម្យ៉ាងទៀតសំណង់មិនទទួលខុសត្រូវ​ រាល់ ការ​ខូច​ខាត បាក់ស្រុង ឬរលំ មកលើអ្នកជិតខាងទេ។

 

ចំណែកលោក ផេង សុង និយាយថា សំណង់នោះពុំមានគ្រឹះរឹងមាំ ហើយជាងម៉ៅការសំណង់អត់​មានជំនាញ​ខាងសំណង់ គ្រឿងសំណង់ជ្រុះរប៉ាត់រប៉ាយ ទើលើដំបូលផ្ទះ លើជញ្ជាំង ឥដ្ឋធ្លាក់ធ្លុះ​ស័ង្កសីជាដើម។

 

ចំណែកលោក គី ស៊ុនហេង ម្ចាស់សំណង់ថា សំណង់លោកមានច្បាប់ ហើយបើចង់ដឹងមានច្បាប់ ឬក៏អត់សូមទៅមើលនៅមន្ទីរសូរិយោដី ខេត្តកណ្តាល ហើយលោកមិនអាចផ្តល់ការសាងសង់​បាន​ទេ គណៈកម្មការទទួលបន្ទុកផ្នែកសំណង់ សង្កាត់ស្លក្រាម បានហៅសំណង់​ណាដែលពុំទាន់​មាន​ច្បាប់​សាងសង់ វាជាអំពើខុសច្បាប់។

ចំពោះ២គ្រួសារខាងលើនេះ ទទួចសុំឲ្យលោកចៅ ឡង់ឌី ជួយពួគាត់តាមផ្លូវច្បាប់ផង។ បន្ទាប់ពី​កក្រើករឿងបាក់រលំអាគារ៧ជាន់នៅក្រុងព្រះសីហនុ ជាសារបង្ហាញថា សំណង់អត់មានវិស្វករអត់​មានច្បាប់ ជាពិសេសស្ថាប័នជំនាញ មិនត្រូវស៊ុំក្រលំ ជ្រកក្រោមអំពើពុករលួយទេ និងបណ្តាល​ឲ្យ​មានហានិភ័យប្រថុយប្រថាន និងគ្រោះថ្នាក់យ៉ាងខ្លាំងបំផុត៕