ដើមកំណើតអប្សរា ចេញពីសង្គ្រាមកូរ សមុទ្រទឹកដោះ រវាងពពួកទេវតា និងយក្សា
ដោយ៖ សេង ស៊ីដារ៉ូ
រូបចម្លាក់អប្សរា ដ៏ច្រើនលើសលប់នៅតាមផែជញ្ជាំងប្រាសាទបុរាណ
ក្នុងអង្គរ ច្រើនចាត់ទុកថា ជាទេពអប្សនៅឋានសួគ៌ា និងមានការនិទានរឿងសំដៅទៅដល់ ព្រះសីវៈទាក់ទងនឹងព្រហ្មញ្ញណ៍សាសនា
ក្នុងរឿងសង្គ្រាមកូរទឹកសមុទ្រ ដើម្បីយកទឹកអម្រិតរវាងពពួកទេវតា និងពពួកយក្សា។
បើតាមរឿងព្រេងឥណ្ឌបុរាណ
ដូចជារឿងរាមកេរ្តិ៍ បានរៀបរាបថា អប្សាជាស្ត្រីក្រមុំ ពុំមែនជាមនុស្សនោះទេ ដែលរស់នៅឋានលើ
ហើយក្នុងគ្រាដែលករកើតទឹកដីដំបូងមក អប្សាមានកំណើតតែម្តងគត់។ ចំណែក អក្សរាកើតចេញពីពពុះទឹកដោះ
កូរក្នុងគ្រាដែលពពួកទេវតា និងពពួកយក្ស ប្រឹងកូរសមុទ្រ ដើម្បីដណ្តើមយកទឹក អម្រិត មកផឹកឲ្យក្លាយខ្លួនជាអមតៈមិនចេះស្លាប់
ហើយក្នុងគ្រាដែលកូរសមុទ្រទឹកដោះនេះ បានកើតចេញជាពពុះ ហើយពេលដែលពពុះបែកនោះហើយ បានកើតឡើងនៅរូបរាងអប្សាតាំងពីពេលនោះមក។
តាមរឿងព្រេងឥណ្ឌ
បានបន្តទៀតថា អក្សរា មានអាយុ១៦ឆ្នាំ នៅក្រមុំរហូត មិនចេះចាស់ ហើយក៏មិនចេះស្លាប់បានដែរ
មានជីវិតអមតៈដូចព្រះ (សីវៈ)។ អប្សរា មានដងខ្លួនល្វតល្វន់ ចូលចិត្តច្រៀងរាំធ្វើឲ្យព្រះគ្រប់អង្គពេញព្រះទ័យ
និងបានយកធ្វើជាមហេសីផងដែរ ដូចជាទេពធីតាឈ្មោះថា លក្ម្សី ដែលមាននៅក្នុងព្រេងនិទាន បុរាណ
ដូចដែលបានបរិយាយមកស្រាប់៕
Post a Comment