ពិធីហែអ្នកតាចិន គឺធ្វើឡើងសុំសេចក្តីសុខ ដល់កូនចៅជាប់សែឡាយចិន
ខេត្តកណ្តាលៈ
ដោយ៖ ហុង ចំណាប់
ពិធីហែអ្នកតាចិននេះ គេយកជាគោលដៅរួមក្នុងវិហារអ្នកតាខ្មៅ
ហើយបានចាត់ទុកអ្នកតាខ្មៅជាអ្នកតាធំផងដែរ។
លោក ម៉េង បានរៀបរាប់ថា ក្បួនហែអ្នកតានេះ មានរយៈពេល ២ថ្ងៃ គឺ១៩-២៥ ខែកុម្ភៈ ឬក្នុងខែមាឃ ជាពិធីដ៏ធំសម្រាប់ប្រជាជន ដែលមានសែស្រឡាយកូនកាត់ចិន បានរៀបចំជារៀងរាល់ឆ្នាំ មិនដែលខកខានឡើយ។ លោក ម៉េង បន្តទៀតថា ក្បួនហែអ្នកតាចាប់ផ្តើមឡើងនៅ ថ្ងៃ១៩ ខែកុម្ភៈ ហែជើងធូបទេវតា និងរសៀលម៉ោង៣ ថ្ងៃ២០ ខែកុម្ភៈ គឺជាការរៀបចំក្បួនដង្ហែអ្នកតា ជុំវិញ ក្រុងតាខ្មៅ។ អ្នកតា ឬអ្នកស្នងរូបចូល ខ្លះអាចចូលរូបបានតែពាក់កណ្តាលផ្លូវ ហើយខ្លះទៀតចូលរូប ដល់ចប់ចុងចប់ដើម។ ដោយឡែកតាមមុខផ្ទះច្រើនដាក់ផ្លែឈើ ទឹក ដើម្បីទទួលអ្នកតា ក្នុងគ្រាដែលអ្នកតា ចូលទៅលោតអញ្ឆែង ឲ្យពរជ័យដល់ម្ចាស់ផ្ទះ ហើយសេចក្តីសុខ ដល់អ្នកដែលបានអញ្ជើញអ្នកតា ម្យ៉ាងទៀតក្បួនហែអ្នកតានេះ រូបស្នងលោតរាំពន់ពានខ្លួន ទៅ តាមចង្វាក់ស្គរវៃ ហើយខ្លះទៀតអា អណ្តាតរហូតដល់ចេញឈាម ហើយយកក្រដាសយ័នមកជូត ហើយហុចទៅឲ្យប្រជាពលរដ្ឋ ដែលចង់បានក្រដាសយ័នជូតឈាមនោះ មលដាក់ក្នុងផ្ទះ ដើម្បីមានសេចក្តីសុខសប្បាយ។
ដោយគេមានជំនឿថា ឈាមអ្នកតាចូលមានឫទ្ធិអំណាច
ដេញខ្មោចព្រាយបាន។ អ្នកស្នងរូបអ្នកតា ដែលចូលរួមហែនេះ មានប្រមាណជាង ៥០នាក់
មកពីតាមបណ្តាលខណ្ឌ រាជធានី ដូចជាច្បារអំពៅ និងខេត្តកណ្តាលផងដែរ៕
Post a Comment