សមាគមន៍អភិរក្សស៊ីក្លូ កំពុងលើកស្ទួយដល់អ្នកធាក់ស៊ីក្លូ
ដោយ៖ សេង ស៊ីដារ៉ូ
មុខរបរអ្នកធាក់ស៊ីក្លូ
បច្ចុប្បន្ន កំពុងតែធ្លាក់ចុះ ហើយអ្នកធាក់ស៊ីក្លូ នៅមានទម្លាប់បន្តអាជីពនេះ
តកូនដដែល បើទោះជារបរនេះ ថយចុះក៏ដោយ ប៉ុន្តែឥឡូវស៊ីក្លូ កំពុងអភិរក្សឡើងវិញ ដូច្នេះអ្នកធាក់ស៊ីក្លូនៅមានសង្ឃឹម។
លោក ហ៊ឹម សម្បត្តិ ប្រធានសមាគមអភិរក្សស៊ីក្លូ
និងមុខរបរក្រៅប្រព័ន្ធ បានលើកឡើងថា តួលេខនៃចំនួនស៊ីក្លូ ដែលនៅក្នុងរាជធានីភ្នំពេញ
ក្នុងឆ្នាំ២០១៥ និង២០១៦ មានការថយចុះតិចតួច ក្នុងចំនួន ៥៤៧គ្រឿង ក្នុងនោះមានអ្នកធាក់ស៊ីក្លូ
១៤០នាក់ ប៉ុណ្ណោះ ជាគោលដៅ និងបំណងរបស់សហគមអភិរក្សស៊ីក្លូ គឺមានគោលដៅចង់ឲ្យអ្នកធាក់ស៊ីក្លូសហគមន៍
ឬអ្នកធាក់ស៊ីក្លូខ្លួនឯង ក៏ដោយ ត្រូវតែធ្វើការលាបពណ៌ កែលម្អស៊ីក្លូឲ្យបានល្អ
ក្នុងការរកចំណូល ពីមុខរបរនេះ។
លោក ហ៊ឹម សម្បត្តិ
បានបន្តទៀតថា សហគមន៍អភិរក្សស៊ីក្លូ របស់លោក នឹងធ្វើការអប់រំដល់អ្នកធាក់ស៊ីក្លូ ឲ្យយល់ដឹងឲ្យបានច្បាស់ពីច្បាប់ចរាចរណ៍
និងក៏មានគោលដៅចង់ជួយឲ្យអ្នកស៊ីក្លូ មានប្រាក់លើកទឹកចិត្តប្រចាំខែ ក្នុងម្នាក់
២ម៉ឺនរៀលបន្ថែមទៀត ដើម្បីជាការជួយសម្រួលបន្ទុកជីវភាពរបស់ពួកគាត់ ហើយជាមូលនិធិទេសចរណ៍
ដែលជាគម្រោងរបស់សមាគមន៍។ បច្ចុប្បន្ននេះ សមាគមអភិរក្សស៊ីក្លូ
និងមុខរបរក្រៅប្រព័ន្ធ បានជួយដល់ សមាជិកអ្នកធាក់ស៊ីក្លូ ដែលមានមុខរបរនេះ
មកពីខេត្តព្រៃវែង ស្វាយរៀង កណ្តាល កំពត និងកំពង់ស្ពឺ
ក្នុងនោះផ្តល់ទីកន្លែបោកគក់សំអាត់កាយ និងបានសម្រាក២ថ្ងៃផង។
លោក សម្បត្តិ
បន្តទៀតថា យើងមិនអាចកំណត់ភ្ញៀវទេសចរណ៍ថា នឹងមកជិះស៊ីក្លូ ក្នុងថ្ងៃណាមួយបានទេ
ដោយកំណើន ភ្ញៀវបរទេសចូលមក ហើយយើងត្រូវតែរៀបចំកាលវិភាគថ្ងៃខុសគ្នា
ដើម្បីទទួលភ្ញៀវទេសចរណ៍កុំឲ្យជាន់ថ្ងៃគ្នា ព្រោះបើ មិនអញ្ចឹងទេ
ពេលលំហូរភ្ញៀវបរទេសច្រើន មិនអាចរកស៊ីក្លូឲ្យភ្ញៀវបានភ្លាមៗ នោះឡើយ។
ស៊ីក្លូនៅភ្នំពេញ មានអ្នកធាក់តិចតួចបំផុត នៅក្នុងថ្ងៃធម្មតាភាគច្រើន
ដឹកភ្ញៀវតាមផ្ទះជិតៗផ្សារ មានផ្សារថ្មី ផ្សារអូរឫស្សី ផ្សារចាស់ ផ្សារកណ្តាល។ លោកសម្បត្តិ
បន្តទៀតថា ស៊ីក្លូនៅតែអភិរក្សដដែល បើទោះជាគ្មានភ្ញៀវជិះ ក៏ដោយ ក៏អ្នកមានអាជីពនេះ
គាត់គិតថា គាត់មានលុយអាចទិញម៉ូតូរត់បាន តែគាត់មិនចាប់យកមុខរបររត់ម៉ូតឌុបនោះទេ
គាត់នៅតែចាប់យករបរធាក់ស៊ីក្លូនេះដដែល និងខ្លះអាចបន្តដល់កូនថែមទៀតផង៕
Post a Comment