អង្គការធម្មជាតិសង្គ្រោះកម្ពុជា បានអភិរក្សរក្សា សិប្បកម្មតម្បាញពីកប្បាសឡើងវិញ
ដោយ៖ សេង ស៊ីដារ៉ូ
ផលិតផលដែលកើតចេញពីតម្បាញកប្បាស
ដែលមានយូរលង់មកហើយ តែនាពេលបច្ចុប្បន្ននេះ ត្រូវបានអភិរក្ស
និងបង្កើតឲ្យមានឡើងវិញ នូវសិប្បកម្មតម្បាញកប្បាសនេះ ដើម្បីជូយលើកស្ទួយដល់កម្រិតជីវភាពរបស់ប្រជាពលរដ្ឋ
និងជួយដល់សេដ្ឋកិច្ចសង្គម។
សិប្បកម្ម ដែលត្បាញរវៃពីកប្បាសនេះ
ត្រូវបានអង្គការធម្មជាតិសង្គ្រោះកម្ពុជា បង្កើតឡើងតាំងពីឆ្នាំ២០០៩ ដោយមានចំការដាំកប្បាស
នៅស្រុកស្តៅ ខេត្តបាត់ដំបង ហើយធ្វើការដឹកជញ្ជូនយកមកកែច្នៃ តាមរយៈតម្បាញរវៃ នៅក្នុងឃុំកោះដាច់
រាជធានីភ្នំពេញ។
លោក សុខ រស្មី
ប្រធានអង្គការធម្មជាតិសង្គ្រោះកម្ពុជា បានមានប្រសាសន៍ថា ក្នុងការបង្កើតឡើងនូវសិប្បកម្មតម្បាញកប្បាសនេះ
គឺមានគោលបំណងជួយដល់ជនពិការ ជនទីទាល់ក្រ ដើម្បីដាំដំណាំកប្បាសឡើងវិញ ដោយនៅក្នុងរបបប៉ុលពត
សិប្បកម្មនេះ ត្រូវបានបំបាត់ចោលអស់ទៅហើយ ដូច្នេះហើយរូបលោក មានបំណងចង់ស្តាអភិរក្សរក្សា
នូវប្រពៃណីមុខរបរនេះឡើងវិញ។
រូបលោក បានដាំកប្បាស
ដែលជាវត្ថុធាតុដើមពិតៗរបស់ខ្មែរ ដែលពីមុនមកធ្លាប់តែដាំ នៅកំពង់ចាម តែក្រោយមកក៏យកពូជមកដាំនៅបាត់ដំបងវិញ
នៅលើផ្ទៃដី៤ហិកតា ហើយបានយកកប្បាសទាំងនេះ មកកែច្នៃនៅកោះដាច់ រាជធានីភ្នំពេញវិញ ។
ក្នុងសិប្បកម្មអង្គការនេះ
បានជួយដល់ប្រជាពលរដ្ឋយើង ក្នុងមូលដ្ឋានបានច្រើន ដោយការរវៃត្បាញតាមលក្ខណៈបុរាណសុទ្ធសាធ៕
Post a Comment