ដើមទ្រាំង ជារុក្ខជាតិដែលមានអត្ថប្រយោជន៍ច្រើន សម្រាប់កែច្នៃធ្វើជាចង្កឹះ និងវត្ថុផ្សេងៗ
ខេត្តស្ទឹងត្រែង៖
ដោយ៖ សេង ស៊ីដារ៉ូ
នៅមជ្ឈមណ្ឌលស្តី្រអភិវឌ្ឍន៍ស្ទឹងត្រែង ក្នុងមន្ទីរកិច្ចការនារី ខេត្តស្ទឹងត្រែង បានឲ្យដឹងថា ដើមទ្រាំងដែលបិតធ្វើជាចង្កឹះបាន ក្លាយជាមុខរបរមួយជួយដល់មនុស្សចាស់ ដែលមានវ័យ៦០ឡើងទៅ ដោយគាត់គ្រាន់តែអង្គុយបិតច្នៃធ្វើជាចង្កឹះ ដើម្បីបោះដុំលក់ប៉ុណ្ណោះ។
នៅក្នុងមជ្ឈមណ្ឌលនេះ ពីមុនមកមានមនុស្សចាស់តែ៦នាក់ តែឥឡូវនៅសល់តែ៣នាក់ ដោយសារតែពួកគាត់ភ្នែកមើលមិនសូវឃើញ ក្នុងការបិតធ្វើជាចង្កឹះនេះ។ ចង្កឹះដែលកែច្នៃនេះ ជារបស់កសិករយើង ហើយចង្កឹះនេះ មានប្រវែង២៦សង់ទីម៉ែត្រ ទៅ២៧សង់ទីម៉ែត្រ ដោយលក់ចេញក្នុង១បាច់មាន១០គូរបានថ្លៃ៦០០០ទៅ៧០០០រៀល។
បច្ចុប្បន្ននេះ ចង្កឹះផលិតចេញពីដើមទ្រាំង នៅក្នុងខេត្តស្ទឹងត្រែង បានធ្វើការផ្សព្វផ្សាយគ្រប់ខេត្តក្រុង ម្លោះហើយតាមបណ្តាខេត្តបានស្គាល់ បានលក់ផលិតផលសិប្បកម្មចង្កឹះនេះ ហើយនៅទីផ្សារធំ មានតែនៅក្នុងរាជធានីភ្នំពេញប៉ុណ្ណោះ ដែលនៅមានការកម្ម៉ងជារៀងរាល់ថ្ងៃ។
ដើមទ្រាំងរហូតមកដល់ពេលបច្ចុប្បន្ននេះ នៅក្នុងខេត្តស្ទឹងត្រែង និងក្រចេះ ស្ទើតែបាត់បង់អស់ទៅហើយដោយសារការឈូសឆាយដីសម្បទាន ហើយឥឡូវនេះប្រភពនៃដើមទ្រាំងនេះ គឺត្រូវស្វែងរកនៅឯខេត្តព្រះវិហាវិញម្តង៕
Post a Comment