ក្រុមហ៊ុនបាធឺខេម ដែលមានរូបនង្គ័លខ្មែរ ជាយីហោសម្គាល់ បានបង្រីកសាខាលក់តាមបណ្តាខេត្តនានា និងត្រៀមលក្ខណៈ នាំចេញទៅអឺរ៉ុប
ដោយ៖
សេង ស៊ីដារ៉ូ
អង្ករផ្កាម្លិះ
ឬស្រូវក្រអូប ជាអង្ករខ្មែរសុទ្ធ ដែលសំរិតសំរាំងជាពិសេស សម្រាប់នាំចេញទៅក្រៅប្រទេស
ក៏ប៉ុន្តែអង្ករក្រអូបនេះ ត្រូវបានក្រុមហ៊ុនបាធឺខេម ជ្រើសរើសយកទីផ្សារក្នុងស្រុកខ្មែរវិញ
ដោយធ្វើការលក់ និងដឹកជញ្ជូនដល់ផ្ទះតែម្តង ហើយអតិថិជនគាំទ្រច្រើន
ក្រោយពីបានភ្លក់រសជាតិអង្ករខ្មែរយើងសុទ្ធៗនេះ។
ក្រុមហ៊ុនបាធឺខេម
ដែលមានរូបនង្គ័លខ្មែរ ជាយីហោសម្គាល់ ទើបនឹងបើកអាជីវកម្មដំបូងនាចុងឆ្នាំ២០១៦នេះ
ហើយបានលក់ចេញនូវអង្ករក្រអូបនេះ ក្នុង១ខែ បានចំនួន ១៥តោន
ដោយការដឹកជញ្ជូនដល់ផ្ទះអតិជន មិនឲ្យលើស ៣០នាទីឡើយ។
លោកស្រី គឹម ហ័រ
នាយកប្រតិបត្តិក្រុមហ៊ុន បាធឺខេម ដែលមានរូបនង្គ័លខ្មែរ ជាយីហោសម្គាល់មានប្រសាសន៍បន្តថា
ក្រុមហ៊ុនបាធឺខេម បានត្រៀមលក្ខណៈក្នុងការនាំអង្ករទៅអឺរ៉ុបដែរ តែពេលនេះ បានសំរិតសំរាំងអង្ករលេខ១នេះ
ទុកលក់ជូនប្រជាពលរដ្ឋក្នុងរាជធានី និងពង្រីកសាខា លក់បន្តដល់ខេត្តសៀមរាប កំពង់ធំ
ខេត្តព្រះសីហនុ។
លោកស្រី
បានបញ្ជាក់ទៀតថា នង្គ័លខ្មែរ ជាម៉ាកអង្ករក្រអូបប្រណិតល្អ តាមស្តង់ដាអន្តរជាតិ
សម្រាប់ការនាំចេញ។ អង្ករក្រអូបនេះ
គឺទទួលបានពីអ្នកជំនាញកិនអង្កររោងម៉ាស៊ីនកិនស្រូវធម្មជាតិ មកពីខេត្តបាត់ដំបង
ព្រៃវែង កំពង់ធំ និងបន្ទាយមានជ័យ ដែលបានសំរិតសំរាំងជាពិសេស មានរសជាតិឆ្ងាញ់ ជាប្រពភេទអង្ករគុណភាពខ្ពស់ស្តង់ដារនាំចេញ។
អង្ករក្រអូបម៉ាកនង្គ័លខ្មែរនេះ ក្នុងបេមានទម្ងន់ ២៥គីឡូក្រាម មានតម្លៃស្មើនឹង
២៥ដុល្លារ ដែលមានអាសយដ្ឋានទីតាំងលក់ ផ្ទះលេខ ២៧សេ ផ្លូវ៤៧៨ សង្កាត់ទួលទំពូង២
ខណ្ឌចំការមន រាជធានីភ្នំពេញ។ ទីផ្សារអង្ករក្រអូប ត្រូវបានមើលឃើញថា
មានការវិវត្តន៍ថ្មីទៀត ដោយសារតែមានតម្រូវការខ្ពស់ក្នុងស្រុក ទើបប្រជាពលរដ្ឋងាកមកទទួលទានអង្ករខ្មែរ
ដែលមានរសជាតិឆ្ងាញ់ និងសុទ្ធល្អ៕
Post a Comment