អ្នកដាំឈូក ខេត្តកណ្តាល ភាគច្រើនដាំពូជឈូកមកពីសាំងហ្គាពួផ្លែធំ ប៉ុន្តែមិនសូវមានហាងឆេង ដូចពូជឈូកបាយនោះទេ
ខេត្តកណ្តាលៈ
ដោយ៖ ញ៉ែម សុវត្ថារ៉ូ
ដំណាំឈូក ពេលខ្លះគេដាំយកផ្លែ ពេលខ្លះទៀតគេដាំយកផ្កា សម្រាប់លក់ ក៏ប៉ុន្តែភាគច្រើនប្រជាកសិករយើងគឺដាំយកផ្លែច្រើនជាង យកផ្កា ព្រោះផ្លែឈូកមានតម្លៃខ្ពស់ ហើយក្នុងរយៈពេលដាំឈូកក្នុងមួយឆ្នាំ បានតែមួយដងប៉ុណ្ណោះ ចូលឆ្នាំទី២ ត្រូវភ្ជួររាស់ដីដាំឡើងវិញ។
ប្រជាកសិករ ដាំឈូក នៅក្នុងសង្កាត់ព្រែកហូរ ក្រុងតាខ្មៅ ខេត្តកណ្តាល បានឲ្យដឹងថា ដើមឈូកដែលដាំនេះជាពូជសាំងហ្គាពួ ដែលដាំលើផ្ទៃដីជិត២ហិកតា ចំណាយទុនជិត៧០០ដុល្លារ ដោយដាំបានតែម្តងប៉ុណ្ណោះក្នុងមួយឆ្នាំ ។
លោក សុន ម្ចាស់បឹងឈូក បានមានប្រសាសន៍ទៀតថា ឈូកខ្ចីលក់គិតជាផ្លូន ក្នុងមួយផ្លូន១០០០០រៀល ហើយចំពោះគ្រាប់ឈូកទុំអាចលក់បានក្នុងមួយគីឡូ ១០០០០រៀលដែរ។ ការប្រមូលផលផ្លែឈូកនេះចាប់ពីខែសីហា ដោយក្នុងផ្ទៃដីជិត២ហិកតានេះ ប្រមូលបានជាមធ្យម ៨០០ដុល្លារ។ លោក សុន បានបន្តថា បើគិត ទៅលើថ្លៃដីជួល អ្នកដាំឈូកមិនអាចចំណេញបានច្រើឡើយ តែនេះមកពីលោកតា នៅចាំដីឲ្យគេ ម្ខាស់គេឲ្យដាំឈូកទៅ ទើបការចំណាយធូរបន្តិច ហើយចំណូលដែលបានពីការដាំឈូកនេះ គ្រាន់តែទប់ទល់ជីវភាពប្រចាំថ្ងៃប៉ុណ្ណោះ។
អ្នកដាំឈូកភាគច្រើន គេនិយមដាំឈូកដែលផ្លែច្រើន ក៏ប៉ុន្តែក្នុងនោះពូជឈូកមកពីសាំងហ្គាពួផ្លែធំ មានហាង ឆេង តែចំពោះឈូកបាយ ផ្លែតូចគ្រាប់ច្រើន៕
ដោយ៖ ញ៉ែម សុវត្ថារ៉ូ
ប្រជាកសិករ ដាំឈូក នៅក្នុងសង្កាត់ព្រែកហូរ ក្រុងតាខ្មៅ ខេត្តកណ្តាល បានឲ្យដឹងថា ដើមឈូកដែលដាំនេះជាពូជសាំងហ្គាពួ ដែលដាំលើផ្ទៃដីជិត២ហិកតា ចំណាយទុនជិត៧០០ដុល្លារ ដោយដាំបានតែម្តងប៉ុណ្ណោះក្នុងមួយឆ្នាំ ។
អ្នកដាំឈូកភាគច្រើន គេនិយមដាំឈូកដែលផ្លែច្រើន ក៏ប៉ុន្តែក្នុងនោះពូជឈូកមកពីសាំងហ្គាពួផ្លែធំ មានហាង ឆេង តែចំពោះឈូកបាយ ផ្លែតូចគ្រាប់ច្រើន៕
Post a Comment