សិប្បកម្មគ្រាប់ស្វាយចន្ទី យីហោ ឡឹង ម៉ានុត ចំការលើ កំពុងពង្រីកទីផ្សារក្នុងរាជធានីភ្នំពេញ និងធ្វើការលក់ ចេញទៅទាំងប្រទេស ៦០តោន ក្នុងមួយឆ្នាំៗ
ភ្នំពេញៈ
ដោយ៖ ហុង ចំណាប់
គ្រាប់ស្វាយចន្ទី ដែលចំអិនរួចហើយ ធ្លាប់តែនាំចូលពីប្រទេសជិតខាង ក៏ប៉ុន្តែមកដល់ពេលនេះ មានសិប្បកម្មគ្រប់ស្វាយចន្ទីចំការលើមួយ បានពង្រីកអាជីវកម្មរបស់ខ្លួន ក្នុងការផលិតគ្រាប់ស្វាយចន្ទីនេះ ឲ្យទៅតាមស្តង់ដា និងមានការវេចខ្ចប់ដាក់ជាកំប៉ុង ឥឡូវបានចែកចាយបន្តទៅតាមស្តង់ តាមផ្សារនានា ក្នុងរាជ ធានីភ្នំពេញ បានរហូតដល់ ២០សាខា។
សិប្បកម្មគ្រាប់ស្វាយចន្ទី យីហោ ឡឹង ម៉ានុត ចំការលើ ខេត្តកំពង់ចាម ដែលផលិតគ្រាប់ស្វាយចន្ទីចំអិនហើយនេះ បង្កើតយូរឆ្នាំមកហើយ រហូតធ្វើឲ្យមានអតិថិជនគាំទ្រច្រើន ដោយសារគុណភាពខ្ពស់ ដូចជាគ្រាប់ធំៗ ពណ៌ផ្កាឈូក មានរស់ជាតិឆ្ងុយឆ្ងាញ់ មិនចាញ់ផលិតផលនាំចូលពីខាងក្រៅប្រទេសនោះឡើយ។
កញ្ញា ឡឹង ម៉ានុត ម្ចាស់សិប្បកម្មគ្រាប់ស្វាយចន្ទីចំការលើ បានឲ្យដឹងថា ក្នុងឆ្នាំ២០១៧កន្លងទៅ ការផលិតកែច្នៃគ្រាប់ស្វាយចន្ទីឆ្អិនហើយ បានធ្វើការលក់ចេញទៅទូទាំងប្រទេស បានបរិមាណប្រមាណ ៦០តោន។ នេះជាកត្តាដែលនាំឲ្យបណ្តាញ បន្តទទួលទិញគ្រាប់ស្វាយចន្ទីនេះ រហូតដល់ជាង២០សាខា បន្ថែមទៀត នៅក្នុងរាជធានីភ្នំពេញ តាមតំបន់អូរឬស្សី អូរឡាំពិក បឹងកេងកង ទួលគោក រហូតដល់ក្រុងតាខ្មៅ និងសាខាលក់បន្តរហូតដល់១០ខេត្តក្រុង។ តម្លៃលក់គ្រាប់ស្វាយចន្ទី ក្នុងកំប៉ុងធំ ទម្ងន់កន្លះគីឡូតម្លៃ ៤០០០០រៀល មានកំប៉ុង ៣០០០០រៀល កំប៉ុង ២០០០០រៀល និង ១០០០០រៀល ហើយអតិថិជនអាចរកទិញបានទៅ តាមស្តង់ដែលរៀបរាប់ខាងលើ៕
ដោយ៖ ហុង ចំណាប់
សិប្បកម្មគ្រាប់ស្វាយចន្ទី យីហោ ឡឹង ម៉ានុត ចំការលើ ខេត្តកំពង់ចាម ដែលផលិតគ្រាប់ស្វាយចន្ទីចំអិនហើយនេះ បង្កើតយូរឆ្នាំមកហើយ រហូតធ្វើឲ្យមានអតិថិជនគាំទ្រច្រើន ដោយសារគុណភាពខ្ពស់ ដូចជាគ្រាប់ធំៗ ពណ៌ផ្កាឈូក មានរស់ជាតិឆ្ងុយឆ្ងាញ់ មិនចាញ់ផលិតផលនាំចូលពីខាងក្រៅប្រទេសនោះឡើយ។
Post a Comment