រដ្ឋមន្ត្រីក្រសួងអភិវឌ្ឍន៍ជនបទ ជាតំណាងដ៏ខ្ពង់ខ្ពស់ របស់សម្តេច ហ៊ុន សែន បានអញ្ជើញបញ្ចុះសីមាព្រះវិហារ វត្តគាំច័ន្ទវរារាម
ខេត្តកំពង់ឆ្នាំៈ
ដោយ៖ ហុង ចំណាប់
រដ្ឋមន្ត្រីក្រសួងអភិវឌ្ឍន៍ជនបទ ជាតំណាងដ៏ខ្ពង់ខ្ពស់ របស់សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីបុណ្យបញ្ចុះសីមាព្រះវិហារ និងសម្ពោធដាក់ឲ្យ ប្រើប្រាស់សមិទ្ធិផលនានា ក្នុងវត្តគាំច័ន្ទវរារាម (ហៅវត្តច្រកត្នោត) ស្ថិតក្នុងភូមិច្រកត្នោត ឃុំឈានឡើង ស្រុកសាមគ្គីមានជ័យ ខេត្តកំពង់ឆ្នាំង។
ក្នុងពិធីបុណ្យបញ្ចុះសីមានេះ មានវត្តមាន លោកឧកញ៉ា ស្រីងួន និងលោកជំទាវ លោកឧកញ៉ា ស្រីវុទ្ធី ព្រមទាំង ឯកឧត្តម លោកជំទាវ លោក លោកស្រី ជាថ្នាក់ដឹកនាំ និងមន្ត្រីអ្នកមុខ អ្នការជាច្រើនរូបទៀត។
ព្រឹកថ្ងៃទី២០ ខែឧសភា ឆ្នាំ២០១៨ តាមរបាយការណ៍របស់ ឯកឧត្តម អៀង វុធ អភិបាលរងខេត្ត កំពង់ឆ្នាំង បានឲ្យដឹងថា វត្តគាំច័ន្ទវរារាម បានចាប់ផ្តើមកសាងតាំងពីឆ្នាំ១៩៩៨ មកម្លេះ។ ឆ្លងកាត់ការដឹកនាំរបស់ ព្រះចៅអធិការ ពីរអង្គគឺ ព្រះគ្រូចៅអធិការព្រះនាម យ៉ុន គង់ និងព្រះគ្រូចៅអធិការ ព្រះនាម ស៊ីវសុផល គឺកសាងបានតែសមិទ្ធិផលចំនួន ២ប៉ុណ្ណោះ គឺព្រះពន្ល័យតូចមួយខ្នង និងសាលាឆាន់មួយខ្នង សម្រាប់ព្រះសង្ឃ ធ្វើឧបោសថកម្ម។ លុះមកដល់ឆ្នាំ២០០៧ ព្រះគ្រូចៅអធិការ ព្រះនាមនៅចន្ធី និងគណកម្មភាពអាចារ្យបានចម្រើនពរស្នើសុំ ឯកត្តម អ៊ុក រ៉ាប៊ុន និងលោកជំទាវ លោកឧកញ៉ា ស្រី ងួន និងលោកជំទាវឧកញ៉ា ស្រី វុទ្ធី និងពុទ្ធបរិស័ទជិតឆ្ងាយ ដើម្បីកសាង ព្រះវិហារថ្មីនេះ ហើយបានកសាងចប់ជាស្ថាពរ ក្នុងឆ្នាំ២០១៧។ ព្រះវិហារ និងសមិទ្ធិផលនានា ដែល ត្រូវបញ្ចុះសីមា និងសម្ពោធដាក់ឲ្យប្រើប្រាស់នាពេលនេះ ចំណាយថវិកាសរុបអស់ចំនួន ២៣ម៉ឺន ៣០៨៣ដុល្លារអាមេរិក ក្នុងនោះ ព្រះវិហារចំណាយថវិកាអស់ ១៧ម៉ឺន ៥៥០៣ដុល្លារអាមេរិក ។
លោករដ្ឋមន្ត្រី បានកោតសរសើរចំពោះការខិតខំប្រឹងប្រែងរបស់អាជ្ញាធរ គ្រប់លំដាប់ថ្នាក់ ព្រះចៅអធិការវត្ត សប្បុរសជន និង ពុទ្ធបរិស័ទទាំងក្នុង និងក្រៅប្រទេស ដែលបានរួមសាមគ្គីគ្នា ក្នុងការកសាងព្រះវិហារ និងសមិទ្ធផលនានា ក្នុងវត្តនេះឡើង សម្រាប់ជាទីសក្ការៈនៃពុទ្ធសាសនិកជនទូទៅ ហើយសមទ្ធិផលនេះ គឺបានបង្ហាញឲ្យឃើញពីការរីកចម្រើនលើវិស័យ ព្រះពុទ្ធសាសនា ដែលជាសាសនារបស់រដ្ឋ។ លោករដ្ឋមន្ត្រី មានប្រសាសន៍បន្តថា ទាំងផ្នែកពុទ្ធចក្រ និងអាណាចក្រ អាចរីកចម្រើនទៅបានដោយសារតែ ប្រទេសជាតិយើង មានសុខសន្តិភាព ពេញលេញ តាមរយៈការអនុវត្តនយោបាយឈ្នះៗ របស់សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ បច្ចុប្បន្នគ្រប់សាសនា ទាំងអស់នៅកម្ពុជា គឺត្រូវបានបើកទូលាយឲ្យប្រជាពលរដ្ឋ គោរពប្រតិបត្តិ តាមជំនឿរៀងៗខ្លួន ហើយបានរួមរស់ជាមួយគ្នា ដោយសុខដមរមនា ក្រោមដំបូលនៃ រដ្ឋធម្មនុញ្ញតែមួយ។
ចំពោះការីកចម្រើន លើវិស័យព្រះពុទ្ធសាសនា នៅក្នុងខេត្តកំពង់ឆ្នាំ ដែលមានទីអារាមរហូតដល់ ជាង ២០០ និងព្រះសង្ឃគង់នៅប្រមាណ ២៥០០អង្គ និងអាចារ្យ ដែលទទួលបានការអប់រំបណ្តុះបណ្តាល វិជ្ជាជីវៈអាចារ្យ មាន ៧៧៦នាក់។ ក្រៅពីនេះចេត្ត ក៏មានសាលាពុទ្ធិករសិក្សាតាំងពីបឋមរហូតដល់ មានសាខានៃពុទ្ធិកលាកវិទ្យាល័យថែមទៀតផង ដែលជាមោទនភាពមួយសម្រាប់ខេត្តកំពង់ឆ្នាំង។
លោករដ្ឋមន្ត្រី បានរំលឹកជូនប្រជាពលរដ្ឋផងដែរថា ថ្ងៃទី២០ ឧសភា នេះ គឺជាថ្ងៃមួយដែលប្រជាពលរដ្ឋសល់ពីការកាប់សំលាប់របស់របបប៉ុលពត បានចាត់ទុកជាថ្ងៃចងកំហឹងជាមួយបន ប្រល័យពូជសាសន៍ តែឥឡូវថ្ងៃនេះ ត្រូវបានរាជរដ្ឋាភិបាលចាត់ទុកថាជាទិវានៃការចងចាំវិញ ហើយ ត្រូវបានបញ្ចូលទៅ ក្នុងប្រតិទិនបុណ្យជាតិមួយ សម្រាប់រំលឹកពីការឈឺចាប់នៃរបបដ៏ឃោរឃៅនេះ។
ក្នុងឱកាសនេះដែរ លោករដ្ឋមន្តី ក៏បានអំពាវនាវ ដល់ប្រជាពលរដ្ឋ ដែលមានឈ្មោះក្នុងបញ្ជី បោះឆ្នោតទាំងអស់ ត្រូវបំពេញកាតព្វកិច្ច និងសិទ្ធិរបស់ខ្លួន ដោយត្រូវអញ្ជើញទៅបោះឆ្នោតជ្រើសរើសតំណាងរាស្ត្រ ឲ្យបានគ្រប់ៗគ្នានៅថ្ងៃទី ២៩ ខែកក្កដា ឆ្នាំ២០១៨ ខាងមុខនេះ៕
ដោយ៖ ហុង ចំណាប់
ក្នុងពិធីបុណ្យបញ្ចុះសីមានេះ មានវត្តមាន លោកឧកញ៉ា ស្រីងួន និងលោកជំទាវ លោកឧកញ៉ា ស្រីវុទ្ធី ព្រមទាំង ឯកឧត្តម លោកជំទាវ លោក លោកស្រី ជាថ្នាក់ដឹកនាំ និងមន្ត្រីអ្នកមុខ អ្នការជាច្រើនរូបទៀត។
លោករដ្ឋមន្ត្រី បានកោតសរសើរចំពោះការខិតខំប្រឹងប្រែងរបស់អាជ្ញាធរ គ្រប់លំដាប់ថ្នាក់ ព្រះចៅអធិការវត្ត សប្បុរសជន និង ពុទ្ធបរិស័ទទាំងក្នុង និងក្រៅប្រទេស ដែលបានរួមសាមគ្គីគ្នា ក្នុងការកសាងព្រះវិហារ និងសមិទ្ធផលនានា ក្នុងវត្តនេះឡើង សម្រាប់ជាទីសក្ការៈនៃពុទ្ធសាសនិកជនទូទៅ ហើយសមទ្ធិផលនេះ គឺបានបង្ហាញឲ្យឃើញពីការរីកចម្រើនលើវិស័យ ព្រះពុទ្ធសាសនា ដែលជាសាសនារបស់រដ្ឋ។ លោករដ្ឋមន្ត្រី មានប្រសាសន៍បន្តថា ទាំងផ្នែកពុទ្ធចក្រ និងអាណាចក្រ អាចរីកចម្រើនទៅបានដោយសារតែ ប្រទេសជាតិយើង មានសុខសន្តិភាព ពេញលេញ តាមរយៈការអនុវត្តនយោបាយឈ្នះៗ របស់សម្តេច ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ បច្ចុប្បន្នគ្រប់សាសនា ទាំងអស់នៅកម្ពុជា គឺត្រូវបានបើកទូលាយឲ្យប្រជាពលរដ្ឋ គោរពប្រតិបត្តិ តាមជំនឿរៀងៗខ្លួន ហើយបានរួមរស់ជាមួយគ្នា ដោយសុខដមរមនា ក្រោមដំបូលនៃ រដ្ឋធម្មនុញ្ញតែមួយ។
ចំពោះការីកចម្រើន លើវិស័យព្រះពុទ្ធសាសនា នៅក្នុងខេត្តកំពង់ឆ្នាំ ដែលមានទីអារាមរហូតដល់ ជាង ២០០ និងព្រះសង្ឃគង់នៅប្រមាណ ២៥០០អង្គ និងអាចារ្យ ដែលទទួលបានការអប់រំបណ្តុះបណ្តាល វិជ្ជាជីវៈអាចារ្យ មាន ៧៧៦នាក់។ ក្រៅពីនេះចេត្ត ក៏មានសាលាពុទ្ធិករសិក្សាតាំងពីបឋមរហូតដល់ មានសាខានៃពុទ្ធិកលាកវិទ្យាល័យថែមទៀតផង ដែលជាមោទនភាពមួយសម្រាប់ខេត្តកំពង់ឆ្នាំង។
លោករដ្ឋមន្ត្រី បានរំលឹកជូនប្រជាពលរដ្ឋផងដែរថា ថ្ងៃទី២០ ឧសភា នេះ គឺជាថ្ងៃមួយដែលប្រជាពលរដ្ឋសល់ពីការកាប់សំលាប់របស់របបប៉ុលពត បានចាត់ទុកជាថ្ងៃចងកំហឹងជាមួយបន ប្រល័យពូជសាសន៍ តែឥឡូវថ្ងៃនេះ ត្រូវបានរាជរដ្ឋាភិបាលចាត់ទុកថាជាទិវានៃការចងចាំវិញ ហើយ ត្រូវបានបញ្ចូលទៅ ក្នុងប្រតិទិនបុណ្យជាតិមួយ សម្រាប់រំលឹកពីការឈឺចាប់នៃរបបដ៏ឃោរឃៅនេះ។
ក្នុងឱកាសនេះដែរ លោករដ្ឋមន្តី ក៏បានអំពាវនាវ ដល់ប្រជាពលរដ្ឋ ដែលមានឈ្មោះក្នុងបញ្ជី បោះឆ្នោតទាំងអស់ ត្រូវបំពេញកាតព្វកិច្ច និងសិទ្ធិរបស់ខ្លួន ដោយត្រូវអញ្ជើញទៅបោះឆ្នោតជ្រើសរើសតំណាងរាស្ត្រ ឲ្យបានគ្រប់ៗគ្នានៅថ្ងៃទី ២៩ ខែកក្កដា ឆ្នាំ២០១៨ ខាងមុខនេះ៕
Post a Comment