សែលកាត និង ក្រុមហ៊ុនទូរស័ព្ទ Polaris ដាក់តាំងលក់ ទូរស័ព្ទ itel ទំនើប តម្លៃសមរម្យមុនដំបូងគេ

ភ្នំពេញៈ

ដោយ៖ ហុង ចំណាប់

ថ្ងៃទី២២ ខែមករា ឆ្នាំ២០១៨ ក្រុមហ៊ុនសែលកាត បានរួមគ្នាជាមួយក្រុមហ៊ុនចែកចាយទូរស័ព្ទចល័ត Polaris ប្រកាសអំពីការមកដល់ថ្មី នៃទូរស័ព្ទ itel​ ដែលជាទូរស័ព្ទ មានតម្លៃសមរម្យបំផុត​នៅក្នុង​ប្រទេស​កម្ពុជា។ ​ទូរស័ព្ទ itel ម៉ូដែល P11 នេះ មានតម្លៃត្រឹមតែ ៦៦ ដុល្លារប៉ុណ្ណោះ ដែលផ្តល់នូវ​កាមេ​រ៉ា​គុណភាពច្បាស់ត្រជាក់ភ្នែក និងទំហំផ្ទុកទិន្នន័យកាន់តែប្រសើរ លើសពីនេះ អតិថិជននឹង​ទទួល​បាន​ការផ្ដល់ជូនទិន្នន័យអ៊ីនធើណិត ឥតគិតថ្លៃរយៈពេល ៦ខែ (រហូតដល់ 8GB)​ពីក្រុមហ៊ុនសែល​កាត​​​ ។

ក្រុមហ៊ុន Itel ក៏បានផ្ដល់នូវម៉ូដែល A43 កាន់តែប្រសើរជាងមុន ក្នុងតម្លៃត្រឹមតែ ៧៣ដុល្លារ។ ទូរស័ព្ទម៉ូដែលទាំងពីរនេះ​ មានតំលៃសមរម្យសក្ដិសមបំផុត សម្រាប់អតិថិជនគ្រប់ស្រទាប់។
ចំពោះ​​​​លោក​អ្នក​ ដែលចូលចិត្តប្រើប្រាស់ទូរស័ព្ទធម្មតា លោកអ្នកក៏អាចស្វែងរកម៉ូដែល it5613, it2150, it5603 ដែលមានតម្លៃចាប់ពី ១៣ ដុល្លារប៉ុណ្ណោះ។ ទូរស័ព្ទទាំងនេះ មានសមត្ថភាពដំណើរ​ការ​MP3, កម្មវិធីចាក់វីដេអូ និងវិទ្យុ។

ការដាក់សម្ភោធទូរស័ព្ទ itel នៅការិយាល័យកណ្តាលរបស់ក្រុមហ៊ុនសែលកាត នាព្រឹកថ្ងៃច័ន្ទទី ២២ ខែមករានេះ នឹងបន្តដាក់លក់រហូតដល់ថ្ងៃព្រហស្បតិ៍ទី ២៥ ខែមករា ឆ្នាំ២០១៨។
អ្វីដែល​​ពិសេស​នោះ ក្រុមហ៊ុនសែលកាត និង Polaris នឹងផ្តល់ជូននូវរង្វាន់ដ៏អស្ចារ្យជាច្រើន ដូចជា គ្រឿងបម្លាស់ និងលម្អទូរស័ព្ទជាច្រើន ទិន្នន័យអ៊ិនធើណិតឥតគិតថ្លៃ លេខទូរស័ព្ទពិសេសៗ និង​រង្វាន់​​ផ្សេងៗជាច្រើនទៀត។

លោកអៀន វ៉ាតសុន នាយកប្រតិបត្តិ ក្រុមហ៊ុនសែលកាត ថ្លែងថា ការដាក់សម្ភោធទូរស័ព្ទទំនើប itel នេះ នឹងជួយជំរុញគោលដៅរបស់ក្រុមហ៊ុន ក្នុងការផ្តល់ជូននូវបទពិសោធន៏អ៊ីនធើណិត ដ៏ល្អបំផុតជា មួយនឹងការផ្ដល់ជូនស្មាតហ្វូន តម្លៃសមរម្យដំបូងគេបង្អស់ ដល់ប្រជាជនកម្ពុជាទាំងមូល។
«នៅទីនេះយើងផ្ដល់ជូនទូរស័ព្ទទំនើប ក្នុងតម្លៃសមរម្យបំផុត មិនធ្លាប់មានសង្ឃឹមថា​ នឹងអាចផ្ដល់ ជូន​អតិថិជនរបស់យើង នូវបទពិសោធន៍ប្រើប្រាស់ទូរស័ព្ទទំនើប ដ៏ល្អ ជាមួយនឹងល្បឿន អ៊ីនធើណិត លឿនបំផុតពីសែលកាតនៅទូទាំងប្រទេស»។

អំពីItel:
Itel បានបង្កើតឡើងក្នុងឆ្នាំ ២០០៧ ក្នុងគោលបំណងជួយភ្ជាប់ទំនាក់ទនង។ ចាប់ពីឆ្នាំ ២០០៧ ដល់ឆ្នាំ ២០១៦ អតិថិជន Itel បានកើនឡើងនៅទូទាំងពិភពលោក ជាមួយនឹងការិយាល័យ ដែល​គ្របដណ្តប់ជាង ៤៥ ប្រទេស។ នៅឆ្នាំ ២០១៦ ក្រុមហ៊ុន Itel បានផ្តល់ជូននូវ៥០+ លាន​ទូរស័ព្ទ​ចល័ត​ដល់អតិថិជនទូទាំងពិភពលោក ក្នុងគោលបំណងពង្រីកវិសាលភាពទំនាក់ទំនងរបស់មនុស្ស។
ព័ត៌មានបន្ថែម: http://www.itel-mobile.com/។

អំពីក្រុមហ៊ុន Polaris MobileInternational
ក្រុមហ៊ុន Polaris Mobile International Co. , Ltd. គឺជាអ្នកចែកចាយទូរស័ព្ទនៅក្នុងប្រទេសកម្ពុជា​លើ​​ម៉ូដែល Oukitel, Infocus, Philips។ តាមរយៈកិច្ចសហប្រតិបត្តិការរវាង ក្រុមហ៊ុន Oukitel​និង ក្រុមហ៊ុន Polaris វាផ្តល់ឱ្យយើងនូវទំនុកចិត្ត លើការផ្តល់ជូននូវគុណភាពល្អ និងតម្លៃសមរម្យ​នៃទូរស័ព្ទ​ទំនើបដល់ប្រជាជនកម្ពុជា។

ការិយាល័យលក់ និងសេវាកម្ម Polaris: # ៤៦១ ព្រះមុន្នីវង្ស, សង្កាត់បឹងព្រលិត, ខណ្ឌ ៧មករា, រាជធានីភ្នំពេញ, ព្រះរាជាណាចក្រកម្ពុជា។

ទូរស័ព្ទលេខ 023​ 217 668/078 266 168 គេហទំព័រ: www.polariscambodia.com
អ៊ីមែល: info@polariscambodia.com៕