ដើមឆ្កែស្រែងជាឱសថព្យាបាលសម្រាប់ជំងឺ ច្រើនប្រភេទ

ដោយៈ សេង ស៊ីដារ៉ូ

ឆ្កែស្រែង ជាប្រភេទរុក្ខជាតិដើមឈើ មានមែកច្រើន ដុះនៅតាមព្រៃរ បោះ និងព្រៃក្រាស់មធ្យម មានកំពស់​ពី ៨ ទៅ ១៥ម៉ែត សំបកពណ៌ ប្រផេះ ខាងក្នុងពណ៌ស ស្លឹកមានរាងពងក្រពើ ធំ ដុះឆ្លាស់ទង។

ផ្កាប្រហាក់​​ប្រហែលនឹងផ្កាទៀប។ វាជាប្រភេទឈើមិនសូវជាប់ទេ តែអាចប្រើដើម្បីសង់ជារោងបណ្ដោះ​អាសន្ន​បាន។

គេប្រើប្រាស់ ដើម ឫស សំបកនៃរុក្ខជាតិឆ្កែស្រែងធ្វើជាឱសថព្យាបាល ជំងឺ ដូចជា៖

–ស្ងោរផឹកដើម្បីបញ្ចុះកំដៅ។

–សំបកមានធាតុមួយដែលអាចបំបាត់រោគវិលមុខ។

–សាច់ដើមកោសជាកំទេចតូចៗ ហាលឲ្យស្ងួត មូរជក់ដើម្បីព្យាបាលរោគច្រមុះ។

–ឆ្កែស្រែងលាយជាមួយមុខឈ្នាង អាចជួយព្យបាលរោគរបេងសួត ហើយជាពិសេស រុក្ខជាតិនេះ មានផ្ទុក​សារធាតុដែលអាចសម្លាប់អាមីបបាន។

សូមបញ្ជាក់ថា ៖ ដើមឆ្កែស្រែង មានផ្ទុកសារធាតុដូចជា POLYPHENOL GLYCOSIDES។

អត្ថបទដកស្រង់ចេញពីសៀវភៅ៖ រុក្ខជាតិឱសថកម្ពុជា (Cambodia Medical Plants)

https://kronglungvek.com.kh