នាងខ្ញុំ ហុក ចាន់ម៉ូលី នៅខេត្តឈៀងម៉ៃ ប្រទេសថៃ​ សួររកបងប្អូនបែក​គ្នា​តាំងពី១២ឆ្នាំ​ស្ថិតនៅតំបន់បឹងស្នោ ស្រុកទ្រាំង ខេត្តតាកែវ

ដោយៈ សេង ស៊ីដារ៉ូ

នាងខ្ញុំ ហុក ចាន់ម៉ូលី អាយុ ៥៨ឆ្នាំ ជាកូនច្បង បានបែកក្រុមគ្រួសារ តាំងពីអាយុ ១២ឆ្នាំមកម៉្លេះ នៅក្នុងរបបគ្រប់គ្រងរបស់លោក ហេង សំរិន ដែលមានទីតស្ថិតនៅតំបន់បឹងស្នោ ស្រុកទ្រាំង ខេត្តតាកែវ។

ក្រុមគ្រួសាររបស់នាងខ្ញុំមានឈ្មោះដូចខាងក្រោម៖

១ ឪពុកមានឈ្មោះ ហុក កៀរុន (ស្លាប់ដោយសារខ្សែភ្លើងឆក់)

២ ម្តាយមានឈ្មោះ វ៉ា វារី

៣ ប្អូនប្រុសឈ្មោះ ហុក សៅវ៉ាន់ឌី

៤ ប្អូនប្រុសឈ្មោះ ហុក ភុតធី

៥ ប្អូនប្រុសឈ្មោះ ហុក ដាវី

៦ ប្អូនស្រីឈ្មោះ ហុក ខៀន

៧ ប្អូនស្រីឈ្មោះ ហុក កៀរី

៨ ជីដូនខាងឪពុកឈ្មោះ ផេង សេ (ស្លាប់)

៩ ជីតាខាងឪពុកឈ្មោះ កុង ឆេល (ស្លាប់)

១០ បងប្អូនជីដូនមួយស្រី មានឈ្មោះ អាផន និងអាវណ្ណា

ប្រវត្តិកាលពីសម័យ លន់ នល់៖

កាលពីសម័យលន់ នល់ ឪពុករបស់នាងខ្ញុំ ធ្វើការនៅរដ្ឋករទឹក ហើយ​គាត់​បានស្លាប់ដោយសារខ្សែភ្លើងឆក់​។ កាលនោះគ្រួសារនាងខ្ញុំរស់​នៅម្តុំវត្តសន្សំកុសល្យ។

ក្រោយមកទើបគ្រួសារនាងខ្ញុំបានផ្លាស់ប្តូរទីលំនៅ មករស់នៅតំបន់បឹង​ស្នោ ស្រុកទ្រាំង ខេត្តតាកែវវិញ ជាគ្រួសារអ្នកមាន និងមានឋានៈខ្ពង់​ខ្ពស់ (មានដីស្រែរាប់រយហិកតា)។

បើសិនបងប្អូនប្រជាពលរដ្ឋ ឬសាច់ញាតិបានដឹងពីដំណឹងនេះ សូម​មេត្តា​ជួយផ្តល់ព័ត៌មាន មកដល់នាងខ្ញុំ លេខទូរស័ព្ទៈ ០៨៩ ៤៩១ ៣៩៧,០៩៦ ៨០៨ ៤០ ៨៨ នាងខ្ញុំនឹងជូនសាគុណ៕