គូឆាយ មានគុណប្រយោជន៍យ៉ាងខ្លាំង នៃអាហារ
ដោយៈ សេង ស៊ីដាណារ៉េ
គូឆាយ អាចយកទៅធ្វើអាហារជាច្រើនប្រភេទ ដូចជា ឆាផ្កាគូឆាយ ឬយកទៅធ្វើនំ ដូចជានំគូឆាយដែលប្រើស្លឹកសំប៉ែតៗរបស់វាជាដើម។
នៅតាមបណ្ដោយនៃស្លឹកពណ៌បៃតងស្រស់ របស់គូឆាយសំបូរទៅដោយកាល់ស្យូម នឹងហ្វូសហ្វ័រ ដែលជាសារធាតុសំខាន់ជួយផលិត និងជួសជុលឆ្អឹងនៅតាមរាងកាយ។ វាក៏សំបូរទៅដោយវីតាមីន B , C និងធាតុដែក
ដ៏មានប្រយោជន៍ផងដែរ។
ជាពិសេសវាមានសារ:សំខាន់ដែលរាងកាយត្រូវការ ដើម្បីផលិតវីតាមីន A គឺសារ ធាតុបេតាខែរ៉ូទីន ដែលគេមានជំនឿថា អាចការពារជំងឺមហារីកបាន។
ចំណែកផ្កាគូឆាយវិញ ក្រៅពីសំបូរទៅដោយកាបូហាយដ្រេត វាក៏មានសារធាតុដទៃទៀតមិនចាញ់ស្លឹកវាឡើយ ដូចជាបេតាខែរ៉ូទីន, វីតាមីន B១, ធាតុដែក និងហ្វូសហ្វ័រ។ អ្វីដែលសំខាន់បំផុត គឺវាមានចំណែកសំខាន់ធ្វើអោយប្រព័ន្ធរំលាយអាហារមានតុល្យភាពល្អ ព្រោះវាមានកាកសរសៃអា ហារច្រើន ជួយអោយការរំលាយ និងការបន្ទោរបង់ប្រព្រឹត្តទៅស្រួល និង ជួយកាត់បន្ថយការទល់លាមក ព្រមទាំងកំចាត់សារធាតុពិសពុលចេញពីរាងកាយ ដែលជាហេតុធ្វើអោយយើងមានសុខភាពល្អ មានស្បែកស្អាត និងគេចផុតពីជំងឺមហារីកពោះវៀនធំ។
ដកស្រង់ចេញពីសៀវភៅ បន្លែផ្លែឈើ អាហារសំរាប់សុខភាព រក្សា
សិទ្ធិដោយ លោកស៊ឹង ណាំហុង។
Post a Comment