លោក ស៊ី នួន ម្ចាស់សិប្បកម្មផលិតកញ្ចុះធ្វើពីឫស្សី ថា ខាងលោកនឹងធ្វើការដឹកជញ្ជូន​គ្រប់ទីកន្លែង​តាមការ​កម៉្មង់ទិញកញ្ជុះធ្វើពីឫស្សីនេះ

ភ្នំពេញៈ

ដោយ៖ សេង ស៊ីដារ៉ូ

លោក ស៊ី នួន ម្ចាស់សិប្បកម្មផលិតកញ្ចុះធ្វើពីឫស្សី​ ដែលចាប់ផ្តើម កែច្នៃធ្វើកញ្ចុះចល័តនេះ ​ដែលអាចចល័ត​បាន​គ្រប់​ទីកន្លែង ដោយធ្វើការដឹក ជូនអតិជនតាមរថយន្ត ទូទាំង២៥រាជធានី ខេត្តតែម្តង។

លោកស៊ីនួន បានធ្វើការផលិតកញ្ចុះពីឫស្សីនេះ​ អស់រយៈពេល៣ឆ្នាំមកហើយ ដែលមានទីតាំងឋិតនៅតាម​បណ្តោយផ្លូវជាតិលេខ១ ក្នុងបុរីប៉េងហួតបឹងស្នោ រាជធានីភ្នំពេញ។

លោក ស៊ី នួន បានបន្តប្រាប់ថា តាមស្ថានភាពកញ្ចុះឫស្សីនីមួយៗ មាន តូច ឬធំ​ដោយមានខ្នាត​ទំហំ​៣ម៉ែត្រ​គុណនឹង៥ម៉ែត្រ ប្រើរយៈពេល៤ថ្ងៃ ចំណាយកម្មករចំនួន៨នាក់ ដែលអាចលក់ក្នុងតម្លៃ១២០០ដុល្លារ ទៅ​១៥០០ ដុល្លារទៅតាមទីកន្លែងឆ្ងាយ ឬជិត តាមការកម៉្មង់បញ្ជាទិញរបស់អតិថិជនក្នុងស្រុក​ដោយក្នុងនោះ​កញ្ចុះ​ឫស្សីខ្នាតតូច២,៧០ម៉ែត្រ គុណនឹង ២,៧០ម៉ែត្រ លក់ចេញក្នុងតម្លៃ៣៤០ដុល្លារ​ក្នុងរយៈពេល១ថ្ងៃ​ហើយ​ ក្នុង១ខែអាចផលិតកញ្ចុះនេះ បានចំនួនចាប់ពី ១០ទៅ២០តែប៉ុណ្ណោះ៕