លោក អេង ជាសាង ប្រត្តិភូរាជរដ្ឋាភិបាល ថា កសិដ្ឋានចិញ្ចឹមបង្គា ក្នុងឃុំព្រៃនប់ ទទួលផលពីបង្គា ២៧តោន លើផ្ទៃទឹកប្រមាណ ១៥ហិកតា
ខេត្តព្រះសីហនុៈ
ដោយ៖ សេង ស៊ីដារ៉ូ
លោក អេង ជាសាង ប្រត្តិភូរាជរដ្ឋាភិបាល និងជាប្រធានរដ្ឋបាលជលផល និងសហការី បានអញ្ជើញចុះពិនិត្យកសិដ្ឋានចិញ្ចឹមបង្គា ក្នុងឃុំព្រៃនប់ ស្រុកព្រៃនប់ ខេត្តព្រះសីហនុ។
ការចុះពិនិត្យកសិដ្ឋានចិញ្ចឹមបង្គានៅខេត្តព្រះសីហនុនេះ បានបង្ហាញឲ្យឃើញពីវិសាលភាព និងការជីកជាស្រះចិញ្ចឹមបង្គាទៅតាមបច្ចេកទេស ហើយទទួលបានផលពីបង្គាចំនួន ២៧តោន លើផ្ទៃទឹកប្រមាណ ១៥ហិកតា ដោយការចិញ្ចឹមតាមបែបធម្មជាតិ និងការផ្តល់ចំណីកន្ទួតដ៏តិចតួចបំផុត។
ការបង្ហោះតាមប្រព័ន្ធហ្វេសបុករបស់រដ្ឋបាលជលផល បានឲ្យដឹងថា តម្លៃបង្គាក្នុងទីផ្សារលក់បានថ្លៃ ២៧០០០រៀល ក្នុងមួយគីឡូក្រាម ដោយក្នុងផ្ទៃដីមួយហិកតា អាចដាក់កូនបង្គាចិញ្ចឹមបាន ២០ម៉ឺនក្បាល និងអាចទទួលបានផលពីបង្គា ក្នុងរយៈពេល៣ខែ បន្ទាប់ពីដាក់កូនបង្គាចិញ្ចឹម។ ហើយកសិដ្ឋាននេះមានគម្រោងពង្រីកការចិញ្ចឹមបង្គារហូតដល់ ១៥០ហិកតា នាពេលខាងមុខ៕
Post a Comment