រដ្ឋមន្ត្រីក្រសួងអភិវឌ្ឍន៍ជនបទ ជំរុញក្រុមការងារទាំងអស់​ ពន្លឿនអត្តសញ្ញាណកម្មគ្រួសារក្រីក្រ​ដែលរង​ផល​ប៉ះ​ពាល់​ ជំងឺកូវីដ ១៩

ខេត្តកំពង់ឆ្នាំងៈ

ដោយ៖ ហុង ចំណាប់

ក្រុមការងាររាជរដ្ឋាភិបាល បានផ្សព្វផ្សាយផែនការកំណត់អត្តសញ្ញាណកម្មគ្រួសារក្រីក្រ នៃការរីករាលដាល​

ជំងឺ​កូវីដ ១៩ នៅមូលដ្ឋានខេត្តកំពង់ឆ្នាំង ឆ្នាំ២០២០ និងបើកប្រជុំបូកសរុបលទ្ធផលការងាររយៈពេល៣ខែ ក្រោមអធិបតីភាព លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានក្រុមការងារ និងលោក ត្រាំ អ៉ីវតឹក ទេសរដ្ឋមន្ត្រី​ទទួល​បន្ទុក​បេសកកម្ម​ពិសេស និង​ជាអនុប្រធានក្រុមការងារ កាលពីព្រឹកថ្ងៃទី២ ខែមិថុនា ឆ្នាំ២០២០ នៅសាលសាលាខេត្តកំពង់ឆ្នាំង។

​កិច្ចប្រជុំ​បូកសរុបលទ្ធផលការងារ រយៈពេល៣ខែនេះ គឺចាប់ពីខែមីនា ដល់ខែឧសភា ឆ្នាំ២០២០ និងផ្សព្វ​

ផ្សាយ​​សេចក្ដីជូនដំណឹងលេខ ១៧ សជណ ចុះថ្ងៃទី២៥ ខែឧសភា ឆ្នាំ២០២០ ស្ដីពីការតាមដានគាំទ្រ និង​ជំរុញ​សកម្មភាពកំណត់អត្តសញ្ញាណកម្មគ្រួសារក្រីក្រ ​នៃ​ការ​រីករាលដាលជំងឺកូវីដ ១៩ ដើម្បីរៀបចំគម្រោង និងវិធានការអន្តរាគមន៍ដល់គ្រួសារក្រីក្រ ដែលរងផលប៉ះពាល់ជីវភាពរស់នៅ ដោយសារជំងឺកូវីដ ១៩ ព្រោះ​ជា​គោលដៅអាទិភាពរបស់រាជរដ្ឋាភិបាលកម្ពុជា នៃការគាំពារសង្គមដ៏មានប្រសិទ្ធភាព ដើម្បី​ជួយ​សម្រាល​ការ​​​លំបាក​របស់​ប្រជាពលរដ្ឋ​។

លោកអ៊ុក រ៉ាប៊ុន បានជំរុញឲ្យក្រុមការងារ ដោយ​មានកិច្ច​សហការ​ជាមួយ​អាជ្ញាធរមូលដ្ឋាន បន្តពិនិត្យ​ និង​យក

​ចិត្តទុកដាក់ខ្ពស់ទៅលើប្រជាពលរដ្ឋក្រីក្រ ធ្វើយ៉ាងណាឲ្យគ្រួសារក្រីក្រពិតប្រាកដ​មានឈ្មោះ ក្នុងបញ្ជី​គ្រួសារក្រីក្រឲ្យ​បាន​ចប់សព្វគ្រប់ នៅដំណាច់ខែឧសភា ឆ្នាំ២០២០ ចំពោះតំបន់ជនបទ និងតំបន់ទីប្រជុំជន​ឲ្យ​បានមុនដំណាច់ខែមិថុនា ឆ្នាំ២០២០។

អង្គ​ប្រជុំ​ ក៏​បាន​ដាក់​ចេញ​នូវ​ទិសដៅការងារ​សំខាន់​ៗ​មួយ​ចំនួន​បន្ថែម​ទៀត ដើម្បី​បន្តពង្រឹង​ប្រសិទ្ធភាព​ការ​ងារ

​​ក្នុង​ការ​ត្រួតពិនិត្យ និង​គាំទ្រ​ការ​អនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី៤ របស់​​រាជរដ្ឋាភិបាល រួម​គ្នា​ដោះស្រាយ​បញ្ហា​ប្រឈម និង​សម្រាល​ការ​លំបាក​របស់​ប្រជាពលរដ្ឋនៅមូលដ្ឋាន៕