ប្រជាពលរដ្ឋ ក្នុងឃុំរកាខ្ពស់ ប្រកបមុខរបរដាំផ្ទី ច្រើនជាងគេអ្នក
ខេត្តកណ្តាលៈ
ដោយ៖ ញ៉ែមសុវត្ថារ៉
ដំណាំដែលប្រជាកសិករ ធ្វើការដាំដុះនោះ គឺ ពោត សណ្តែក ត្រសក់ ពិសេស គឺដំណាំផ្ទីដូងតែម្តង ដែលប្រជាពលរដ្ឋក្នុងឃុំរកាខ្ពស់ ដាំច្រើនជាងគេ។
អ្នកស្រី អួន ជាអ្នករស់នៅក្នុងឃុំរកាខ្ពស់ ស្រុកស្អាង ខេត្តកណ្តាល បានឲ្យដឹងថា ដំណាំផ្ទីដូងនេះ ដាំប្រើរយៈពេលតែ ១ខែប៉ុណ្ណោះ ដោយក្នុង១ឆ្នាំអាចដាំបានពី២ទៅ៣ដង។ ហើយផ្ទីដូងនេះ ក៏ត្រូវការជី និងថ្នាំកំចាត់សត្វល្អិតផងដែរ។ អ្នកស្រី អួន បានបន្តទៀតថា ស្ទើតែគ្រប់គ្រួសារទៅហើយ ដែលដាំផ្ទីដូងនេះ ដោយសារតម្រូវការទីផ្សារជាចាំបាច់រាល់ថ្ងៃ។
នៅក្នុងទីផ្សារផ្ទីដូងនេះ អាចលក់បាន១គីឡូស្មើនឹង ៧០០រៀល ទៅ ១០០០រៀល ហើយក្នុង១ថ្ងៃអាចច្រូតយកទៅលក់បាន ៥០គីឡូ និងរយៈពេល១អាទិត្យ ទើបអាចកាត់បានម្តទៀត។ ត្បិតតែផ្ទីដូងនេះ មានការទទួលទានច្រើន តែក៏កុំភ្លេចថា នៅមានប្រភេទផ្ទីផ្សេងទៀត ដែលមានរស់ជាតិឆ្ងាញ់ដូចគ្នា គឺផ្ទីបន្លា ផ្ទីថ្ម និងផ្ទីអាចម៌មាន់ជាដើម។ តែប្រភេទផ្ទីទាំងនេះ គ្មានទីផ្សារនឹងក៏គ្មានអ្នកទទួលទានផងដែរ ក៏ដោយសារតែផ្ទីទាំងនេះ ដុះនៅតាមដីឡូតិ៍ទំនេរ ឬតាមរបងផ្ទះគេ៕
Post a Comment