លោក ចន្ថា ជាម្ចាស់សិប្បកម្មគ្រឿងអលង្ការ អង្គរប៊ូលែត កែច្នៃវត្ថុធាតុដើម ពីសំបកគ្រាប់កាំភ្លើង
ភ្នំពេញៈ
ដោយ៖ ហុង ចំណាប់
សិប្បកម្មគ្រឿងអលង្ការ និងប្រាក់ មានដូចជាបន្តោងខ្សែដៃច្រើនធ្វើពីមាស និងប្រាក់ ចំឡែកតែសិប្បកម្មគ្រឿងអលង្ការ អង្គរប៊ូលែត បានកែច្នៃដោយយកសំបកគ្រាប់កាំភ្លើង ជាគ្រឿងលម្អខ្លួន មានភាពប្រណិតដូចមាស សុទ្ធសាធ។
លោក ចន្ថា ជាម្ចាស់សិប្បកម្មគ្រឿងអលង្ការ អង្គរប៊ូលែត ដែលមានទីតាំងនៅក្នុងសង្កាត់ព្រែកប្រា ខណ្ឌច្បារអំពៅ បានរៀបរាប់ថា សិប្បកម្មនេះ បានកកើតឡើងបាន៥ឆ្នាំមកហើយ ដោយមានការចូលរួម ពីសិប្បករ ដែលមានចំនួន៨នាក់។
បុគ្គលិក ដែលជាជាងទងកែច្នៃសំបកគ្រាប់កាំភ្លើងនេះ មានប្រាក់ខែ ចាប់ពី១០០ដុល្លារ ទៅ២០០ដុល្លារ ទៅតាមលទ្ធភាពដែលផលិតបានតិចឬច្រើន និងក្នុងពេលផលិត និងចេញលក់ម្តងៗផង។ លោកចន្ថា បានបន្ត ថា ការយកសំបកគ្រាប់កាំភ្លើងមកកែច្នៃជាគ្រឿងអលង្ការ លម្អរខ្លួនមានសភាពប្លែក ដោយរចនាទៅតាមពុម្ពដៃ ដែលអាចតម្រូវទៅតាមអតិថិជន ដែលប្រាថ្នាចង់បានរូបអ្វី ក៏បានដែរ ចំពោះតម្លៃលក់ចេញ គឺទៅតាមការម៉ង់ម៉ូតរបស់ម៉ូយ។ គំនិតច្នៃប្រឌិតនេះ មកពីរូបលោកជាក្មេងកំព្រា ត្រូវបានឪពុកម្តាយស្លាប់ចោលទៅ ក្នុងខេត្តពោធិ៍សាត់ ហើយបានមករៀនសូត្រជាមួយនឹងអង្គការ ១៦ឆ្នាំមកហើយ ទើបមានគំនិតរៀបចំបង្កើត ជាសិប្ប កម្មនេះឡើង និងបានចូលនៅក្នុងសមាគមសិប្បករកម្ពុជា។
គ្រឿងអលង្ការកែច្នៃពីសំបកគ្រាប់កាំភ្លើងនេះ ភាគច្រើនបរទេសគាំទ្រ និយមទិញច្រើន ដោយគេយល់ថា នៅស្រុកគេពុំមានការកែច្នៃសំបកគ្រាប់កាំភ្លើងនេះទេ ចំឡែកតែខ្មែរយើង បានកែច្នៃទៅជាគ្រឿងអលង្ការ ដ៏ប្រណិត នេះឡើង។ លោកចន្ថា បង្ហាញពីទស្សនៈផ្ទាល់ខ្លួនថា នៅពេលដែលឃើញនូវផលិតផលស្នាដៃកូនខ្មែរ ពីសំបក គ្រាប់កាំភ្លើងនេះ យើងនឹកដល់សង្គ្រាម ហើយក៏មិនចង់ឲ្យមានកើតឡើងទៀតដែរ គឺចង់លុបបំបាត់សង្គ្រាម នៅពេលណាដែលយើងពាក់ទៅ ឃើញនូវសភាពដើមគ្រាប់កាំភ្លើងនេះឡើង៕
ដោយ៖ ហុង ចំណាប់
លោក ចន្ថា ជាម្ចាស់សិប្បកម្មគ្រឿងអលង្ការ អង្គរប៊ូលែត ដែលមានទីតាំងនៅក្នុងសង្កាត់ព្រែកប្រា ខណ្ឌច្បារអំពៅ បានរៀបរាប់ថា សិប្បកម្មនេះ បានកកើតឡើងបាន៥ឆ្នាំមកហើយ ដោយមានការចូលរួម ពីសិប្បករ ដែលមានចំនួន៨នាក់។
គ្រឿងអលង្ការកែច្នៃពីសំបកគ្រាប់កាំភ្លើងនេះ ភាគច្រើនបរទេសគាំទ្រ និយមទិញច្រើន ដោយគេយល់ថា នៅស្រុកគេពុំមានការកែច្នៃសំបកគ្រាប់កាំភ្លើងនេះទេ ចំឡែកតែខ្មែរយើង បានកែច្នៃទៅជាគ្រឿងអលង្ការ ដ៏ប្រណិត នេះឡើង។ លោកចន្ថា បង្ហាញពីទស្សនៈផ្ទាល់ខ្លួនថា នៅពេលដែលឃើញនូវផលិតផលស្នាដៃកូនខ្មែរ ពីសំបក គ្រាប់កាំភ្លើងនេះ យើងនឹកដល់សង្គ្រាម ហើយក៏មិនចង់ឲ្យមានកើតឡើងទៀតដែរ គឺចង់លុបបំបាត់សង្គ្រាម នៅពេលណាដែលយើងពាក់ទៅ ឃើញនូវសភាពដើមគ្រាប់កាំភ្លើងនេះឡើង៕
Post a Comment